ખેડૂતો માટે મોટા સમાચાર: આ તારીખથી નર્મદા નહેરોમાં છોડાશે પાણી, CM ભૂપેન્દ્ર પટેલનો મોટો નિર્ણય

<p><strong>Narmada canal water release:</strong> ગુજરાતના ખેડૂતોના હિતમાં મુખ્યમંત્રી ભૂપેન્દ્ર પટેલે એક ઘણો મહત્વપૂર્ણ નિર્ણય લીધો છે. રાજ્યમાં ચોમાસું પૂરેપૂરું જામી જાય તે પહેલાં ખેડૂતોના પાકને પૂરતું પાણી મળી રહે તે માટે આગામી 11 જૂનથી નર્મદા નહેરોમાંથી સિંચાઈ માટે પાણી છોડવાની સત્તાવાર જાહેરાત કરવામાં આવી છે.</p> <p>સરકારના આ મહત્વના નિર્ણયના કારણે નર્મદા કમાન્ડ વિસ્તારના હજારો ખેડૂતોને સીધો મોટો લાભ મળશે. ઉનાળાની વિદાય અને ચોમાસાના આગમન વચ્ચેના આ સમયગાળામાં પાણી મળવાથી ખેડૂતોના સુકાતા પાકને નવું જીવન મળશે અને ચિંતા દૂર થશે.</p> <p><iframe title="ABP Asmita | Headlines Today | Gujarat Politics | Latest Breaking News | Gujarat Unseasonal Rain" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>વાસ્તવમાં, નર્મદા કમાન્ડ એરિયામાં આવતા વિવિધ વિસ્તારોના ધારાસભ્યો અને સાંસદોએ મુખ્યમંત્રી ભૂપેન્દ્ર પટેલને રૂબરૂ મળીને ખાસ રજૂઆત કરી હતી. તેમણે સીએમને જણાવ્યું હતું કે, વર્તમાન સ્થિતિમાં ખેડૂતોને સિંચાઈના પાણીની તાતી જરૂરિયાત ઊભી થઈ છે.</p> <p>સ્થાનિક નેતાઓની આ રજૂઆતને ગંભીરતાથી લઈને મુખ્યમંત્રીએ ગાંધીનગરમાં તાત્કાલિક એક હાઈલેવલ બેઠક બોલાવી હતી. આ ઉચ્ચસ્તરીય બેઠકમાં સરદાર સરોવર નર્મદા ડેમમાં હાલ ઉપલબ્ધ પાણીના જથ્થાની ઝીણવટભરી સમીક્ષા કરવામાં આવી હતી.</p> <p><strong>આ પણ વાંચોઃ <a href="https://gujarati.abplive.com/news/gujarat/gujarat-farmers-protest-gandhinagar-jitu-vaghani-grain-purchase-quota-981769">નવા પરિપત્રથી ખેડૂતો નારાજ: કૃષિ મંત્રી જીતુ વાઘાણીએ કોટા વધારવા અંગે શું મોટો દાવો કર્યો?</a></strong></p> <p>આ સમીક્ષા બેઠકમાં એ વાત પર ખાસ ભાર મૂકવામાં આવ્યો હતો કે જો અત્યારે પાણી નહીં અપાય તો ખેડૂતોના પાકને મોટું નુકસાન થઈ શકે છે. પાકને બચાવવા માટે સરકારે અગાઉ જે આયોજન કરવામાં આવ્યું હતું તેના કરતાં વહેલું પાણી છોડવાનો મોટો નિર્ણય કર્યો છે.</p> <p>હવે બદલાયેલા આયોજન અને નિર્ણય મુજબ 11 જૂનથી જ નહેરોમાં પાણી વહેતું થઈ જશે. નહેરોમાં વહેલું પાણી આવવાના કારણે રાજ્યના ખેડૂતો પોતાની વાવણી અને સિંચાઈનું કામ સમયસર તેમજ કોઈપણ અવરોધ વગર કરી શકશે.</p> <p>મુખ્યમંત્રી ભૂપેન્દ્ર પટેલની અધ્યક્ષતામાં મળેલી આ મહત્વની બેઠકમાં સરદાર સરોવર નર્મદા નિગમના અધ્યક્ષ મુકેશ પૂરી તેમજ પાણી પુરવઠા વિભાગના અગ્ર સચિવ શાહમીના હુસેન ખાસ હાજર રહ્યા હતા અને પાણીની સ્થિતિની વિગતો આપી હતી.</p> <p>આ ઉપરાંત મુખ્યમંત્રીના અધિક અગ્ર સચિવ ડૉ. વિક્રાંત પાંડે અને સચિવ ડૉ. અજય કુમાર સહિત નર્મદા નિગમ તેમજ પાણી પુરવઠા વિભાગના ઉચ્ચ અધિકારીઓએ હાજર રહીને ખેડૂતો સુધી પાણી પહોંચાડવાનું પૂરું આયોજન ગોઠવ્યું હતું.</p> <p><strong>આ પણ વાંચોઃ <a href="https://gujarati.abplive.com/photo-gallery/agriculture/pm-kisan-23rd-installment-2000-payment-release-date-update-981508">PM કિસાન યોજના: ક્યારે આવશે 23મો હપ્તો? ₹2,000 મેળવવા માટે ખેડૂતો આ કામ તાત્કાલિક પૂરું કરે</a></strong></p>