Heat Wave: ગુજરાતના આ વિસ્તારોમાં આગામી 5 દિવસ પડશે કાળઝાળ ગરમી, પારો 40 ડિગ્રીને પાર પહોંચશે

<p><strong>Gujarat Heat Wave News:</strong> ગુજરાતમાં હજુ પણ કાળઝાળ ગરમી યથાવત રહેશે, હવામાન વિભાગ અને આગાહીકારોની આગાહી પ્રમાણે, ગુજરાતમાં હજુ પણ ગરમી યથાવત રહેવાની આગાહી કરવામાં આવી છે. એપ્રિલ મહિનાના શરૂઆતથી જ ગુજરાતભરમાં ગરમીનો પારો 38 ડિગ્રીને પાર પહોંચી રહ્યો છે, હવે આ પારો આગામી સમયમાં 40 ડિગ્રીને પાર થવાની આગાહી કરવામાં આવી છે.&nbsp;</p> <p>હવામાન વિભાગની આગાહી મુજબ આગામી પાંચ દિવસ સુધી રાજ્યમાં કાળઝાળ ગરમીનો અનુભવ થશે. આ પાંચ દિવસ સુધી રાજ્યમાં તાપમાનમાં 3થી 4 ડિગ્રીનો વધારો થતાં અમદાવાદ, રાજકોટ, સુરેન્દ્રનગરમાં તાપમાનનો પારો 40 ડિગ્રીને પાર જઇ શકે છે. તાજા રિપોર્ટ પ્રમાણે, આગામી પાંચ દિવસ કાળઝાળ ગરમી પડવાની શક્યતાઓ છે. રાજ્યમાં કચ્છ-સૌરાષ્ટ્રમાં લૂ ફૂંકાવાની હવામાન વિભાગે આગાહી વ્યક્ત કરી છે. આઠ શહેરોનું મહત્તમ તાપમાન 37 થી 40 ડિગ્રીને પાર રહેવાનું પણ અનુમાન છે. આ ઉપરાંત અમદાવાદ, અમરેલીમાં 38.8 ડિગ્રીથી વધુ તાપમાન પહોંચશે. 12 એપ્રિલ સુધીમાં અમદાવાદનું તાપમાન 40 ડિગ્રી પહોંચવાની શક્યતાઓ છે. પૂર્વ અને ઉત્તર-પૂર્વના કેટલાક ભાગો, ઉત્તર-પશ્ચિમના કેટલાક ભાગો સિવાય મોટાભાગના વિસ્તારોમાં વધુ ગરમી પડશે. મહત્તમ અને લઘુત્તમ તાપમાન સામાન્ય તાપમાનથી વધુ રહેવાનો અનુમાન છે.</p> <h4 class="abp-article-title">લૂ થી બચવું હોય તો અજમાવી જુઓ આ 5 કારગર ઉપાય, કાળઝાળ ગરમીમાં પણ રહેશો સ્વસ્થ</h4> <p><strong>તમારી જાતને હાઇડ્રેટેડ રાખો</strong></p> <p>ઉનાળામાં હીટ વેવને કારણે ડિહાઇડ્રેશનનું જોખમ વધી જાય છે. આવી સ્થિતિમાં સમયાંતરે પાણી પીતા રહો, જેથી શરીર હાઇડ્રેટ રહે. આ સિઝનમાં દરરોજ ઓછામાં ઓછું 8-10 ગ્લાસ પાણી પીવાનો પ્રયાસ કરો. તમારા આહારમાં પુષ્કળ ફળો અને શાકભાજીનો સમાવેશ કરો.</p> <p><strong>બહાર જવાનું ટાળો</strong></p> <p>જો તમે હિટવેવથી &nbsp;બચવા માંગતા હોવ તો જરૂર સિવાય ઘરની બહાર જવાનું ટાળો. પંખા, કુલર, એસી સાથે ઘરની અંદર જ રહો. જો આ વસ્તુઓ ઘરમાં ન હોય તો પડદા કે શેડ્સ રાખો. આનાથી તમે હીટ વેવના ગંભીર જોખમોથી બચી શકો છો.</p> <p><strong>સૂર્યના કિરણોથી બચવાનો પ્રયાસ કરો</strong></p> <p>જ્યારે પણ હિટ વેવ &nbsp;હોય ત્યારે સીધા સૂર્યપ્રકાશમાં ન આવવું. જો તમે કોઈ કારણસર બહાર જતા હોવ તો પણ કેપ, ટુવાલ અને ચશ્માનો ઉપયોગ કરવાનું ભૂલશો નહીં. માત્ર હળવા રંગના અથવા વ્હાઇટ &nbsp;કપડા પહેરો, જેથી ત્વચાને સુરક્ષિત રાખી શકાય અને હિટ વેવથી બચી શકાય.</p> <p><strong>&nbsp;વધુ પડતી શારીરિક પ્રવૃત્તિ ટાળો</strong></p> <p>ઉનાળા હિટ વેવ દરમિયાન વધુ પડતી શારીરિક પ્રવૃત્તિ ટાળવાનો પ્રયાસ કરો. કારણ કે ઉનાળાની ઋતુમાં વધારે વર્કઆઉટ કરવાથી શરીરનું તાપમાન વધી શકે છે. તેનાથી હીટ સ્ટ્રોકનું જોખમ વધી શકે છે.</p> <p><strong>&nbsp;ખાલી પેટ બહાર જવાનું ટાળો</strong></p> <p>જો બહાર હિટ વેવ પ્રબળ હોય તો ભૂલથી પણ ક્યારેય ખાલી પેટે ઘરની બહાર ન નીકળો. આમ કરવાથી ગરમી અને &nbsp;તીવ્ર સૂર્યપ્રકાશને કારણે ચક્કર આવી શકે છે. તેથી, જ્યારે પણ તમે ઘરની બહાર જાઓ છો, ત્યારે કંઈક ખાધા પછી જ બહાર જાવ,જેથી સમસ્યાઓથી બચી શકાય.</p> <p>&nbsp;</p>