રાજય સરકારના વર્ગ ૪ ના કર્મચારીઓને દિવાળીની ભેટ, સરકારે બોનસની કરી જાહેરાત

<p>Gujarat government Diwali bonus: મુખ્યમંત્રી ભૂપેન્દ્ર પટેલે આગામી દિવાળીના તહેવારો વર્ગ ૪ના કર્મચારીઓ ઉત્&zwj;સાહપૂર્વક ઉજવી શકે તે માટે રૂપિયા ૭૦૦૦ હજારની મર્યાદામાં એડહોક બોનસ આવા વર્ગ ૪ના કર્મચારીઓને આપવાનો નિર્ણય કર્યો છે.</p> <p>રૂા.૭૦૦૦ની મહત્તમ મર્યાદામાં બોનસનો વર્ગ ૪ના અંદાજે ૧૭,૭૦૦થી વધુ કર્મચારીઓને લાભ મળશે.</p> <p>મુખ્યમંત્રીએ રાજ્ય સરકારના નાણાં વિભાગને આ અંગેના જરૂરી આદેશો કરવાના દિશાનિર્દેશો પણ આપ્યા છે.</p> <p><strong>આ પહેલા કેન્દ્ર સરકારે બોનસની કરી હતી જાહેરાત</strong></p> <p>કેન્દ્ર સરકારના કર્મચારીઓ માટે સારા સમાચાર છે. સરકારે તેના કર્મચારીઓ માટે દિવાળી બોનસની જાહેરાત કરી દીધી છે. તમને જણાવી દઈએ કે નાણાં મંત્રાલયના ખર્ચ વિભાગે નાણાકીય વર્ષ 2023-24 માટે નોન પ્રોડક્ટિવિટી લિંક્ડ બોનસ (એડ હોક બોનસ) આપવાની જાહેરાત કરી છે. નાણાં મંત્રાલય દ્વારા જારી કરવામાં આવેલા આદેશ અનુસાર કેન્દ્રીય કર્મચારીઓને નાણાકીય વર્ષ 2023-24 માટે 30 દિવસના પગારની બરાબર બોનસ આપવાની માહિતી આપવામાં આવી છે. આદેશમાં કહેવામાં આવ્યું છે કે પાત્ર કર્મચારીઓમાં સમૂહ 'C' અને સમૂહ 'B'ના બિન રાજપત્રિત કર્મચારીઓ સામેલ છે, જેઓ કોઈપણ ઉત્પાદકતા સાથે જોડાયેલી બોનસ યોજનાનો ભાગ નથી. બોનસની ગણતરી માટે ઉપયોગમાં લેવાતો મહત્તમ માસિક પગાર 7,000 રૂપિયા નિર્ધારિત કરવામાં આવ્યો છે.</p> <p><strong>આ લોકોને પણ મળશે બોનસનો લાભ</strong></p> <p>આ બોનસ કેન્દ્રીય અર્ધલશ્કરી દળો અને સશસ્ત્ર દળોના કર્મચારીઓ સાથે કેન્દ્ર સરકારના પગાર માળખાનું પાલન કરતા કેન્દ્રશાસિત પ્રદેશોના કર્મચારીઓને પણ લાગુ પડશે. બોનસ માટે લાયક થવા માટે, કર્મચારીઓએ 31 માર્ચ, 2024 સુધી સેવામાં હોવું જોઈએ અને વર્ષ દરમિયાન ઓછામાં ઓછી છ મહિનાની સતત સેવા પૂરી કરવી જોઈએ. જે કર્મચારીઓએ પૂરા એક વર્ષથી ઓછો સમય સેવા આપી છે, તેમને કામ કરેલા મહિનાઓની સંખ્યાના આધારે આનુપાતિક બોનસ મળશે.</p> <p><strong>કેવી રીતે થાય છે બોનસ રકમની ગણતરી</strong></p> <p>બોનસ રકમની ગણતરી સરેરાશ કમાણીને 30.4 થી ભાગીને, પછી તેને 30 દિવસ સાથે ગુણીને કરવામાં આવશે. ઉદાહરણ તરીકે, જો કોઈ કર્મચારીનો માસિક પગાર 7,000 રૂપિયા છે, તો તેમનું બોનસ લગભગ 6,908 રૂપિયા થશે. સતત ત્રણ વર્ષ સુધી એક વર્ષમાં ઓછામાં ઓછા 240 દિવસ કામ કરનારા કેઝ્યુઅલ મજૂરો પણ આ બોનસ માટે પાત્ર રહેશે, જેની ગણતરી 1,200 રૂપિયા પ્રતિ મહિનાના આધારે કરવામાં આવશે.</p> <p>આ પણ વાંચોઃ</p> <p><a href="https://gujarati.abplive.com/news/india/plan-b-ready-by-uddhav-thackeray-for-maharashtra-assembly-election-2024-against-congress-915152">ઉદ્ધવ ઠાકરેનો પ્લાન B તૈયાર? કોંગ્રેસના દાવાઓથી મહારાષ્ટ્રની રાજનીતિમાં ખળભળાટ</a></p>