ગુજરાતના 12% ખેડૂતોને નહીં મળે પીએમ કિસાનનો હપ્તો? રાજ્ય સરકારે ફાર્મર રજિસ્ટ્રેશનને લઈ કર્યો મોટો ખુલાસો

<p><strong>PM Kisan Portal Registration:</strong> 'ડિજિટલ ઈન્ડિયા મિશન' (Digital India Mission) અંતર્ગત કૃષિ ક્ષેત્રે ગુજરાતે (Gujarat) રાષ્ટ્રીય સ્તરે મોટી સિદ્ધિ હાંસલ કરી છે. રાજ્ય સરકારના સતત પ્રયાસોને કારણે 'ફાર્મર રજિસ્ટ્રેશન' (Farmer Registration) મામલે ગુજરાત સમગ્ર દેશમાં અગ્રણી રાજ્યોમાં સ્થાન પામ્યું છે, જે વહીવટી કાર્યક્ષમતા દર્શાવે છે.</p> <p>રાજ્યના પ્રવક્તા મંત્રી જીતુભાઈ વાઘાણીએ (Jitubhai Vaghani) આ અંગે સત્તાવાર માહિતી આપતા જણાવ્યું હતું કે, ભારત સરકારના મહત્વકાંક્ષી 'ડિજિટલ એગ્રી સ્ટેક પ્રોજેક્ટ' (Digital Agri Stack Project) હેઠળ રાજ્યમાં કામગીરી યુદ્ધના ધોરણે ચાલી રહી છે. આ મહેનતના પરિણામે 'પી.એમ. કિસાન પોર્ટલ' (PM Kisan Portal) પર ખેડૂતોના રજિસ્ટ્રેશનની કામગીરીમાં ગુજરાતે ઉત્કૃષ્ટ દેખાવ કરીને દેશમાં ચોથો (4th) ક્રમ મેળવ્યો છે.</p> <p>આંકડાકીય વિગતો પર નજર કરીએ તો, અત્યાર સુધીમાં રાજ્ય સરકારે 88% ખેડૂતોનું રજિસ્ટ્રેશન, 'કેવાયસી' (know your customer - KYC) અને જમીનના દસ્તાવેજો (Land Records) અપલોડ કરવાની જટિલ કામગીરી સફળતાપૂર્વક પૂર્ણ કરી લીધી છે. આ કામગીરી પૂર્ણ થવાથી યોજનાઓમાં પારદર્શિતા આવશે અને ખોટા લાભાર્થીઓને દૂર કરી શકાશે. જોકે 88 ટકા ખેડૂતોનું રજિસ્ટ્રેશન થયું ત્યારે બાકીના જે 12 ટકા ખેડૂતોનું રજિસ્ટ્રેશન થયું નથી તો તેમને પીએમ કિસાનનો આગામી હપ્તો મળશે કે નહીં તે એક મોટો સવાલ છે.</p> <p>ખેડૂતોને (Farmer) પારદર્શક રીતે સીધો લાભ મળે તે માટે રાજ્યમાં મોટાપાયે અભિયાન ચલાવવામાં આવ્યું હતું. જેના ફળસ્વરૂપે રાજ્યમાં કુલ 59 Lakh લાભાર્થી ખેડૂતોએ 'ફાર્મર રજિસ્ટ્રી પોર્ટલ' પર પોતાની નોંધણી કરાવી છે. આ ડેટાબેઝ તૈયાર થવાને કારણે ભવિષ્યમાં ખેડૂતોને વિવિધ સરકારી યોજનાનો લાભ લેવો વધુ સરળ અને ઝડપી બનશે.</p> <p>ગુજરાત સરકારની આ ઝડપી અને સચોટ કામગીરીની નોંધ દિલ્હી સુધી લેવાઈ છે. મંત્રીએ ઉમેર્યું હતું કે, રાજ્યની આ કામગીરીથી પ્રભાવિત થઈને ભારત સરકારે (Central Government) ગુજરાતને પ્રોત્સાહન પૂરું પાડ્યું છે. કેન્દ્ર દ્વારા 'સ્પેશિયલ સેન્ટ્રલ આસિસ્ટન્ટ' (Special Central Assistance) સ્કીમ હેઠળ રાજ્યને ₹206 Crore ની વિશેષ નાણાકીય ગ્રાન્ટ ફાળવવામાં આવી છે.</p> <p>કેન્દ્ર તરફથી મળેલી આ તોતિંગ રકમનો ઉપયોગ રાજ્યના કૃષિ (Farming) માળખાને વધુ મજબૂત કરવા અને ખેડૂતોની સુખાકારી માટે કરવામાં આવશે. આમ, ટેકનોલોજીના ઉપયોગ દ્વારા ગુજરાતે કૃષિ ક્ષેત્રે ડિજિટલ ક્રાંતિની દિશામાં એક મહત્વનું સીમાચિહ્ન સર કર્યું છે.</p>