Gujarat weather: ગરમીમાં શેકાવા તૈયાર રહેજો! હવામાન વિભાગે રાજ્યના 10 જિલ્લાઓમાં આપ્યું ઓરેન્જ એલર્ટ

<p><strong>અમદાવાદ:</strong>&nbsp; આવનારા સમયમાં આકરી ગરમીમાં શેકાવા તૈયાર રહેજો. રાજ્યના હવામાન વિભાગ દ્વારા કાળઝાળ ગરમી અને ઓરેન્જ એલર્ટને લઈ આગાહી કરવામાં આવી છે. હવામાન વિભાગે આજે રાજ્યના 10 જિલ્લાઓમાં ગરમીને લઈ ઓરેન્જ એલર્ટ જાહેર કર્યું છે. હવામાન વિભાગે રાજ્યમાં હિટવેવની આગાહી કરી છે. અમદાવાદમાં આજે ઓરેન્જ એલર્ટ આપવામાં આવ્યું છે.</p> <p><strong>રાજ્યના આ 10 જિલ્લાઓમાં આજે ઓરેન્જ એલર્ટ</strong>&nbsp;</p> <p>કચ્છ, &nbsp;બનાસકાંઠા, &nbsp;પાટણ, &nbsp;મોરબી, &nbsp;સુરેન્દ્રનગર, &nbsp;રાજકોટ, &nbsp;જૂનાગઢ, અમદાવાદ અને ગાંધીનગરમાં ઓરેન્જ એલર્ટ આપવામાં આવ્યું છે. &nbsp;જ્યારે મહેસાણા, &nbsp;સાબરકાંઠા, ખેડા, આણંદ, વડોદરા, ભરૂચ, સુરત, ભાવનગર, બોટાદ, અમરેલી, ગીર સોમનાથ અને દીવમાં યલો એલર્ટ આપવામાં આવ્યું છે. &nbsp;રાજ્યમાં 41 ડિગ્રી તાપમાન રહેવાનું અનુમાન હવામાન વિભાગે વ્યક્ત કર્યું છે. &nbsp;અમદાવાદમાં 41 ડિગ્રી તાપમાન નોંધાશે.&nbsp;</p> <p><strong>અમદાવાદમાં આકાશ સ્વચ્છ રહેશે</strong></p> <p>હવામાન વિભાગની આગાહી અનુસાર, અમદાવાદમાં આકાશ સ્વચ્છ રહેશે. હવામાન વિભાગની આગાહી મુજબ મહત્તમ તાપમાન 41 ડિગ્રી સેલ્સિયસ અને લઘુત્તમ તાપમાન 22 ડિગ્રી સેલ્સિયસ રહેવાની શક્યતા છે.</p> <p><strong>ઓરેન્જ એલર્ટ</strong></p> <p>હાલ દેશભરમાં કાળઝાળ ગરમી શરૂ થઇ ગઇ છે. આજે ગરમીને લઇને હવામાન વિભાગે અમદાવાદ માટે ઓરેન્જ એલર્ટ જાહેર કર્યું છે. તો ગરમીના સંદર્ભે આ &nbsp;એલર્ટને સમજીએ. હવામાન વિભાગ દરેક ઋતુ પ્રમાણે ત્રણ એલર્ટ જાહેર કરે છે.</p> <p>ઓરેન્જ એલર્ટનો અર્થ છે 'તૈયાર રહો' અથવા 'સતર્ક રહો'. &nbsp;હવામાન વિભાગ દ્વારા ખરાબ હવામાનની ગંભીર સંભાવના (જેમ કે ભારે વરસાદ, વાવાઝોડું કે હીટવેવ) દર્શાવવા માટે જારી કરવામાં આવે છે. આ ચેતવણી સૂચવે છે કે જોખમ વધી રહ્યું છે, તેથી બહાર જવાનું ટાળવું અને સુરક્ષાના પગલાં લેવા જરૂરી છે.&nbsp;</p> <p><strong>આગામી દિવસોમાં પારો હજુ ઊંચકાય તેવી પૂરી શક્યતા</strong>&nbsp;</p> <p>હવામાન વિભાગે પોતાની આગાહીમાં વધુમાં સ્પષ્ટ કર્યું છે કે રાજકોટ અને સુરેન્દ્રનગર જેવા વિસ્તારોમાં બપોરના સમયે તાપમાન 40 અંશ સુધી પહોંચી શકે છે. જો આકાશ એકદમ સાફ રહેશે અને સૂર્યનો આકરો તાપ સીધો પડશે તો હવામાં ભેજનું પ્રમાણ ઘટીને માત્ર 25 ટકા જેટલું જ રહી જશે. ઉત્તર અને પૂર્વ તરફથી આવતા સુકા પવનો આગમાં ઘી હોમવાનું કામ કરશે. આગામી 2 થી 3 દિવસમાં ગરમીમાં હજુ 2 થી 3 અંશનો વધારો થવાની પૂરેપૂરી શક્યતા છે. જ્યારે બીજી તરફ સૌરાષ્ટ્ર અને દક્ષિણ ગુજરાતના દરિયાકાંઠાના વિસ્તારોમાં લોકોને આકરા બફારા અને પરસેવે રેબઝેબ કરી દે તેવા ગરમ વાતાવરણનો સામનો કરવો પડશે.</p>