Gujarat Weather: કાળઝાળ ગરમી માટે તૈયાર રહેજો, આગામી 5 દિવસ હીટવેવની હવામાન વિભાગે કરી આગાહી

<p><strong>Heatwave:</strong>&nbsp; રાજ્યમાં હાલ તો મિશ્ર ઋતુ અનુભવાઈ રહી છે. બપોરે ગરમીનો અનુભવ થઈ રહ્યો છે જ્યારે રાત્રે ઠંડી અનુભવાય છે. રાજ્યના હવામાન વિભાગ દ્વારા હીટવેવને લઈ આગાહી કરવામાં આવી છે. ગુજરાતમાં કાળઝાળ ગરમીને લઈને હવામાન વિભાગે આગાહી કરી છે. માર્ચની શરૂઆત સાથે જ રાજ્યમાં પાંચ દિવસ &nbsp;કેટલાક વિસ્તારોમાં તાપમાન વધવાની શક્યતા છે. સૌરાષ્ટ્ર-કચ્છ અને દક્ષિણ ગુજરાતના વિસ્તારોમાં કાળઝાળ ગરમી પડશે. મહત્તમ તાપમાનમાં 2-3 ડિગ્રીનો વધારો થવાની શક્યતા છે.​​​​​​​</p> <p>હવામાન વિભાગની આગાહી અનુસાર, &nbsp;આજે અને આવતીકાલે સૌરાષ્ટ્ર-કચ્છમાં તાપમાન વધવાની &nbsp;શક્યતા છે. જ્યારે રવિવારથી સમુદ્રી વિસ્તારોમાં પણ હીટવેવની સંભાવના વ્યક્ત કરવામાં આવી છે. દરિયાકાંઠાના વિસ્તારોમાં પણ ન્યૂનતમ તાપમાનમાં 3 ડિગ્રીનો વધારો થઈ શકે છે. અમદાવાદ સહિત રાજ્યભરમાં તાપમાન વધી રહ્યું છે. આ દરમિયાન હવામાન વિભાગ દ્વારા 5 દિવસ એટલે કે &nbsp;10 માર્ચ સુધી હીટવેવની આગાહી કરવામાં આવી છે.&nbsp;&nbsp;</p> <p>માર્ચ મહિનાની શરૂઆત સાથે જ રાજ્યમાં આકરી ગરમી પડવાની શરૂઆત થઈ ગઈ છે. ત્યારે હવામાન વિભાગે આગામી પાંચ દિવસ અલગ-અલગ શહેરોમાં હિટવેવની શક્યતા વ્યક્ત કરી છે. હવામાન વિભાગ મુજબ આગામી 24 કલાક બાદ રાજ્યમાં મહત્તમ તાપમાનમાં બેથી ત્રણ ડિગ્રીનો વધારો થશે. આજે અને આવતીકાલે ભાવનગર શહેરમાં હિટવેવની શક્યતા વ્યક્ત કરવામાં આવી છે.&nbsp;</p> <p><strong>અમદાવાદ, અમરેલી અને કેશોદમાં તાપમાન 37.7 ડિગ્રીએ પહોંચ્યું</strong></p> <p>તારીખ 8,9 અને 10 માર્ચે સૌરાષ્ટ્રના ભાવનગર, પોરબંદર, ગીર સોમનાથ તો દક્ષિણ ગુજરાતના ભરૂચ, નવસારી, સુરત, વલસાડમાં હીટવેવની શક્યતા વ્યક્ત કરવામાં આવી છે. &nbsp;આ ત્રણ દિવસ સંઘ પ્રદેશ દીવ અને દમણમાં પણ હિટવેવની શક્યતા છે. આજના તાપમાનની વાત કરીએ તો &nbsp;ભાવનગરમાં સૌથી ઉંચું 38 ડિગ્રી તાપમાન નોંધાયું છે. &nbsp;જ્યારે રાજકોટમાં 37.9 ડિગ્રી, ભાવનગરના મહુવામાં 37.8 ડિગ્રી તાપમાન નોંધાયું. જ્યારે અમદાવાદ, અમરેલી અને કેશોદમાં તાપમાનનો પારો ઉંચકાયને 37.7 ડિગ્રી પર પહોંચ્યો છે.</p> <p><strong>વર્લ્ડકપ ફાઈનલમાં તાપમાનનો પારો 37 ડિગ્રીની આસપાસ રહેવાની શક્યતા</strong></p> <p>સુરેન્દ્રનગરમાં 37.5 ડિગ્રી, ડીસામાં 37.3 ડિગ્રી તો ગાંધીનગર અને વડોદરામાં 37.2 ડિગ્રી તાપમાન નોંધાયું છે. અમદાવાદમાં રમાનાર ટી-20 વિશ્વકપના ફાઈનલના દિવસે તાપમાનનો પારો 37 ડિગ્રીની આસપાસ રહેવાની શક્યતા છે. હાલમાં ઉત્તર-પશ્ચિમ દિશાના પવનો ફુંકાઈ રહ્યા છે. ખાસ કરીને દક્ષિણ ગુજરાતના દરિયાકાંઠે પવનની અસર વધુ જોવા મળી રહી છે.&nbsp; &nbsp; &nbsp; &nbsp; &nbsp;&nbsp;</p>