ભાવનગરમાં પોલીસ-ABVP કાર્યકરો વચ્ચે ઘર્ષણ:GCAS પોર્ટલની ખામીઓ અને શિક્ષણના વ્યાપારીકરણ વિરુદ્ધ આંદોલન, કાર્યકરોની અટકાયત

https://ift.tt/rl6fZ2n ગુજરાતમાં કોલેજ પ્રવેશ માટેના GCAS (Gujarat Common Admission Services) પોર્ટલમાં જોવા મળતી ખામીઓ અને રજિસ્ટ્રેશન ફીના વિરોધમાં અખિલ ભારતીય વિદ્યાર્થી પરિષદ દ્વારા રાજ્યવ્યાપી આંદોલન છેડવામાં આવ્યું છે. આ અંતર્ગત ભાવનગરના વાઘાવાડી રોડ પર વિરોધ પ્રદર્શન દરમિયાન પોલીસ અને કાર્યકરો વચ્ચે ઉગ્ર ઘર્ષણ થતાં મામલો ગરમાયો હતો. રૂ.300ની રજિસ્ટ્રેશન ફીને બંધ કરવાની માંગ ABVPના ગુજરાત પ્રદેશ સહમંત્રી જયદીપસિંહ ગોહિલએ જણાવ્યું હતું કે, જીકાસ પોર્ટલમાં પ્રાઈવેટ યુનિવર્સિટીઓનો સમાવેશ ન હોવાથી વિદ્યાર્થીઓને મોંઘી ફી ભરીને અન્યત્ર શિક્ષણ લેવાની ફરજ પડે છે આ શિક્ષણના વ્યાપારીકરણ તરફ ઈશારો કરે છે. વિદ્યાર્થીઓ પાસેથી વસૂલવામાં આવતી રૂ.300ની રજિસ્ટ્રેશન ફીને વિદ્યાર્થીઓ પરનું આર્થિક ભારણ ગણાવી તેને તાત્કાલિક બંધ કરવાની માંગ કરી છે. જો ખાનગી યુનિવર્સિટીઓને સામેલ ન કરવામાં આવે, તો એડમિશન પ્રક્રિયાને ડી-સેન્ટ્રલાઈઝ કરી જે-તે યુનિવર્સિટીને પ્રવેશ માટેની સ્વાયત્તતા આપવી જોઈએ. જીકાસ પોર્ટલ માત્ર ડેટા કલેક્શનનું માધ્યમ બની રહેવું જોઈએ, નહીં કે પ્રવેશમાં અવરોધરૂપ. પોલીસ અને ABVP કાર્યકરો વચ્ચે ઘર્ષણ ​આજે શહેરના વાઘાવાડી રોડ પર વિરોધ પ્રદર્શન દરમિયાન પોલીસ અને ABVP કાર્યકરો વચ્ચે ઘર્ષણ થયું હતું, જયદીપસિંહ ગોહિલ એ આક્ષેપ કર્યો હતો કે, શાંતિપૂર્ણ આંદોલન દરમિયાન પોલીસ કર્મીઓ દ્વારા કાર્યકર્તાઓ પર હુમલો કરવામાં આવ્યો છે" આ ઘટના બાદ નીલમબાગ પોલીસ દ્વારા જયદીપસિંહ ગોહિલ સહિતના કાર્યકર્તાઓની અટકાયત કરવામાં આવી હતી. સમગ્ર ગુજરાતમાં આંદોલનની ચીમકી તેમજ વધુમાં જણાવ્યું હતું કે, ​અમે ભાજપનો ભાગ નથી, ​ABVP એ ભાજપનું સંગઠન નથી, પરંતુ એક સ્વતંત્ર વિદ્યાર્થી સંગઠન છે તે RSS સાથે સંકલન ધરાવતી ભગિની સંસ્થા છે. ABVPએ ચીમકી ઉચ્ચારી છે કે જો આગામી સમયમાં વિદ્યાર્થીલક્ષી આ માંગણીઓ સ્વીકારવામાં નહીં આવે, તો સમગ્ર ગુજરાતમાં આંદોલન વધુ તેજ બનાવવામાં આવશે.