કાળઝાળ ગરમી વચ્ચે સૌરાષ્ટ્રથી ઉત્તર ગુજરાત સુધી માવઠું શું ધબધબાટી બોલાવશે? આ તારીખે વરસાદની આગાહી

<ul> <li><strong>ગુજરાતમાં ગરમીનો પારો 40 ડિગ્રીને પાર પહોંચ્યો છે, જેમાં રાજકોટ 42.4 ડિગ્રી સાથે રાજ્યનું સૌથી ગરમ શહેર રહ્યું છે.</strong></li> <li><strong>હવામાન વિભાગે આગામી 19 અને 20 એપ્રિલે સૌરાષ્ટ્ર, ઉત્તર અને મધ્ય ગુજરાતના 6 જિલ્લાઓમાં માવઠાની આગાહી કરી છે.</strong></li> <li><strong>આ દિવસે અમરેલી, ભાવનગર, સાબરકાંઠા, અરવલ્લી, મહીસાગર અને દાહોદમાં હળવો વરસાદ પડી શકે છે.</strong></li> <li><strong>બીજા દિવસે અમરેલી, ભાવનગર, મહીસાગર, પંચમહાલ અને દાહોદ જિલ્લામાં વરસાદી ઝાપટાં પડવાની સંભાવના છે.</strong></li> <li><strong>5 દિવસના સૂકા વાતાવરણ બાદ રાજ્યમાં ફરી એકવાર વાતાવરણ બદલાશે, જેનાથી ઉનાળામાં ચોમાસા જેવો માહોલ સર્જાશે.</strong></li> </ul> <p><strong>Gujarat unseasonal rain alert:</strong> ગુજરાતમાં હાલ બેવડી ઋતુનો અહેસાસ થઈ રહ્યો છે. એક તરફ આકાશમાંથી સૂર્યનારાયણ અગનગોળા વરસાવી રહ્યા છે અને મોટાભાગના શહેરોમાં તાપમાનનો પારો 40 ડિગ્રીને પાર પહોંચી ગયો છે, તો બીજી તરફ ખેડૂતોની ચિંતા વધારતા માઠા સમાચાર સામે આવ્યા છે. હવામાન વિભાગે આગાહી કરી છે કે 5 દિવસના સૂકા વાતાવરણ બાદ રાજ્યમાં ફરી એકવાર વાતાવરણમાં પલટો આવશે. આગામી 19 અને 20 એપ્રિલે રાજ્યના 6 જેટલા જિલ્લાઓમાં કમોસમી વરસાદ (માવઠું) વરસી શકે છે, જેના કારણે ભર ઉનાળે ચોમાસા જેવો માહોલ ઊભો થવાની શક્યતા છે.</p> <p><strong>ક્યાં અને ક્યારે પડશે કમોસમી વરસાદ?</strong></p> <p>વામાન વિભાગની લેટેસ્ટ આગાહી મુજબ, આગામી બે દિવસ રાજ્યના કેટલાક વિસ્તારોમાં હળવાથી મધ્યમ વરસાદ પડી શકે છે.</p> <p>19 એપ્રિલ: સૌરાષ્ટ્રના અમરેલી અને ભાવનગર, તેમજ ઉત્તર ગુજરાતના સાબરકાંઠા અને અરવલ્લી જિલ્લામાં માવઠું પડવાની શક્યતા છે. આ ઉપરાંત મધ્ય ગુજરાતના મહીસાગર અને દાહોદ જિલ્લામાં પણ છૂટાછવાયા સ્થળોએ વરસાદી ઝાપટાં પડી શકે છે.</p> <p>20 એપ્રિલ: બીજા દિવસે પણ વરસાદી માહોલ ચાલુ રહેવાની સંભાવના છે. 20 એપ્રિલે અમરેલી, ભાવનગર, મહીસાગર, પંચમહાલ અને દાહોદ જિલ્લાના છૂટાછવાયા સ્થળોએ કમોસમી વરસાદ વરસી શકે છે.</p> <p><strong>ગરમીએ તોડ્યા રેકોર્ડ, રાજકોટ સૌથી ગરમ</strong></p> <p>વરસાદની આગાહી વચ્ચે રાજ્યમાં ગરમીનો પ્રકોપ પણ યથાવત છે. સુરજદાદા આકરા પાણીએ છે અને લોકોને બપોરના સમયે ઘરની બહાર નીકળવું મુશ્કેલ બની ગયું છે.</p> <p>રાજકોટમાં સૌથી વધુ કાળઝાળ ગરમી નોંધાઈ છે, જ્યાં તાપમાન 42.4 ડિગ્રીએ પહોંચી ગયું હતું.</p> <p>અમરેલીમાં 41.7 ડિગ્રી અને સુરેન્દ્રનગરમાં 41.5 ડિગ્રી તાપમાન સાથે લોકોએ ભારે બફારાનો સામનો કર્યો હતો.</p> <p>મધ્ય ગુજરાતમાં વડોદરાનો પારો પણ ઊંચકાઈને 41.4 ડિગ્રીએ પહોંચ્યો છે, જ્યારે મેગાસિટી અમદાવાદમાં મહત્તમ તાપમાન 41 ડિગ્રી નોંધાયું છે.</p> <p>આ સિવાય કચ્છના ભુજમાં 40.8 ડિગ્રી, પાટનગર ગાંધીનગર અને કેશોદમાં 40.6 ડિગ્રી, ડીસામાં 40.2 ડિગ્રી તેમજ વિદ્યાનગરમાં 40.1 ડિગ્રી જેટલું ઊંચું તાપમાન નોંધાયું છે.</p>