આજે રાજ્યના આ જિલ્લામાં ભુક્કા બોલાવશે વરસાદ, ભારેથી અતિ ભારે વરસાદની ઓરેન્જ એલર્ટની આગાહી

<p><strong>Gujarat Weather Update:</strong> દેશના ઘણા રાજ્યોમાં સતત વરસાદ પડી રહ્યો છે, જેના કારણે ઘણી નદીઓ છલકાઈ રહી છે અને ઘણા રાજ્યોમાં પૂર જેવી સ્થિતિ છે. પૂર અને વરસાદના કારણે લોકોને ભારે મુશ્કેલીનો સામનો કરવો પડી રહ્યો છે. હવામાન વિભાગે ગુજરાતમાં આગામી 5 દિવસ સુધી રાજ્યના વિવિધ જિલ્લાઓમાં ભારે વરસાદની ચેતવણી જારી કરી છે. ગુજરાતમાં વર્તમાન પરિસ્થિતિમાં બે સિસ્ટમ સક્રિય છે, જેમાં ઓફશોર ટ્રફ અને સીયર જોન સક્રિય છે, રાજ્યના અનેક જિલ્લાઓમાં વાવાઝોડા સાથે ભારે વરસાદની ચેતવણી આપવામાં આવી છે.</p> <p>વિભાગે 27 જુલાઈએ દક્ષિણ ગુજરાતના સુરત, નવસારી, વલસાડ, દમણ, દાદરા અને નગર હવેલીમાં ભારે વરસાદનું ઓરેન્જ એલર્ટ આપ્યું છે, જ્યારે સૌરાષ્ટ્રના રાજકોટ, જૂનાગઢ, ગીર સોમનાથમાં વરસાદનું યલો એલર્ટ આપવામાં આવ્યું છે. અમરેલી, ભાવનગરની સાથે દાહોદ, વડોદરા, પંચમહાલ, ભરૂચ, નર્મદા, છોટાઉદેપુર, નર્મદા, તાપી અને ડાંગમાં આપવામાં આવી છે.</p> <p>28 જુલાઈની વાત કરીએ તો હવામાન વિભાગના જણાવ્યા અનુસાર સુરત, નવસારી, વલસાડ, દમણ, દાદરા અને નગર હવેલી, ગીર સોમનાથ, અમરેલી અને ભાવનગરમાં વરસાદ માટે ઓરેન્જ એલર્ટ રહેશે જ્યારે દાહોદ, વડોદરા, ભરૂચ, પંચમહાલ, નર્મદા, છોટાઉદેપુર, નર્મદા, તાપી, ડાંગ, દ્વારકા, પોરબંદર, જૂનાગઢ, રાજકોટ, બોટાદ, સુરેન્દ્રનગર, ગાંધીનગર, અમદાવાદ, આણંદ, ખેડા, મહિસાગર, અરવલ્લી, સાબરકાંઠા, બનાસકાંઠા, પાટણમાં વરસાદનું યલો એલર્ટ જારી કરવામાં આવ્યું છે.</p> <p>તાપી જિલ્લાના ડોલવણ તાલુકામાં સૌથી વધુ 7 ઈંચ, ડાંગ જિલ્લાના સુબીર તાલુકામાં 6 ઈંચ અને નવસારી જિલ્લાના નવસારી તાલુકામાં 6 ઈંચ નોંધાયો છે. તાપી જિલ્લાના ઉચ્છલ તાલુકામાં 5 ઈંચ, સુરત જિલ્લાના મહુવા તાલુકામાં 5 ઈંચ વરસાદ નોંધાયો છે. નવસારી જિલ્લાના જલાલપોર તાલુકામાં 5 ઈંચ વરસાદ નોંધાયો છે. નવસારી જિલ્લાના ગણદેવી તાલુકામાં 4 ઈંચ અને તાપી જિલ્લાના વાલોડ તાલુકામાં 4 ઈંચ વરસાદ નોંધાયો છે. સ્ટેટ ઇમરજન્સી ઓપરેશન સેન્ટર, ગાંધીનગર દ્વારા પ્રાપ્ત અહેવાલ મુજબ, 26 જુલાઈના રોજ સવારે 6 વાગ્યા સુધી, ગુજરાતમાં સિઝનના કુલ સરેરાશ વરસાદના 54 ટકાથી વધુ વરસાદ નોંધાયો છે. જેમાં સૌથી વધુ 75 ટકા વરસાદ કચ્છ ઝોનમાં નોંધાયો છે. આ ઉપરાંત મોસમનો કુલ સરેરાશ વરસાદ સૌરાષ્ટ્ર ઝોનમાં 73 ટકા, દક્ષિણ ગુજરાતમાં 66 ટકા, ઉત્તર ગુજરાતમાં 29 ટકા અને પૂર્વ મધ્ય ગુજરાતમાં 33 ટકા નોંધાયો છે.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;</p>