Gujarat Rain Forecast: રાજયના આ જિલ્લામાં ગાજવીજ સાથે વરસશે વરસાદ, હવામાન વિભાગની આગાહી

<p><strong>Gujarat Rain Forecast</strong><strong>:</strong> રાજ્યના મોટાભાગના જિલ્લામાં આજે ગાજવીજ સાથે હળવાથી મધ્યમ વરસાદની હવામાન વિભાગની આગાહી છે. &nbsp;ઉત્તર, મધ્ય અને દક્ષિણ ગુજરાતના કેટલાક જિલ્લામાં ગાજવીજ સાથે વરસાદ વરસી શકે છે. તો સૌરાષ્ટ્રના મોટાભાગના જિલ્લામાં આજે વરસાદની આગાહી છે.</p> <p>ઉત્તર ગુજરાતના ચાર અને મધ્ય ગુજરાતના છ જિલ્લામાં આજે હળવાથી મધ્યમ વરસાદ વરસી શકે છે. મહેસાણા, સાબરકાંઠા, ગાંધીનગર અને અરવલ્લીમાં વરસાદનું અનુમાન છે. તો ખેડા, અમદાવાદ, આણંદ, પંચમહાલ, દાહોદ અને મહીસાગર જિલ્લાના કેટલાક સ્થળો પર હળવોથી મધ્યમ વરસાદ વરસી શકે છે.</p> <p>દક્ષિણ ગુજરાતના સાત જિલ્લામાં આજે ગાજવીજ અને પવન સાથે હળવાથી મધ્યમ વરસાદની હવામાન વિભાગે જાહેર આગાહી કરી છે તો &nbsp;નર્મદા, ભરૂચ, સુરત, ડાંગ, તાપી, નવસારી, વલસાડમાં પણ આજે હળવોથી મધ્યમ વરસાદ વરસી શકે છે.</p> <p>સૌરાષ્ટ્રના પાંચ જિલ્લામાં આજે પવન સાથે હળવાથી મધ્યમ વરસાદની હવામાન વિભાગે આગાહી કરી છે. &nbsp;જૂનાગઢ,અમરેલી, ભાવનગર, ગીર સોમનાથ અને બોટાદ જિલ્લાના છુટાછવાયા સ્થળો પર વરસાદની હવામાન વિભાગે આગાહી કરી છે. &nbsp;</p> <p>સંઘ પ્રદેશ દીવ, દમણ અને દાદરાનગર હવેલીમાં હળવાથી મધ્યમ વરસાદનું અનુમાન છે. પવન સાથે વરસાદની આગાહીની શક્યતાને પગલે સ્થાનિક પ્રશાસન એલર્ટ જાહેર કર્યુ છે.</p> <p>રવિવારે રાજ્યના મોટા ભાગના વિસ્તારમાં ગાજવીજ સાથે વરસાદ વરસ્યો. વીજળીના કડાકા ભડાકા સાથે વરસેલા પાંચ ઈંચ વરસાદથી વડોદરામાં ફરી પૂરનો ખતરો સર્જાયો છે. જો કે રાતથી વરસાદે વિરામ લેતા વડોદરાના નાગરિકો અને પ્રશાસને લીધો રાહતનો શ્વાસ &nbsp;લીધો છે</p> <p>ભારે વરસાદને પગલે વડોદરા શહેરની તમામ સ્કૂલોમાં આજે &nbsp;રજા જાહેર કરવામાં આવી છે. સરકારી, ગ્રાન્ટેડ,નોન ગ્રાન્ટેડ પ્રાથમિક, માધ્યમિક અને ઉચ્ચતર માધ્યમિક શાળાઓમાં રજા જાહેર કરવામાં આવી છે.ધોધમાર વરસેલા વરસાદથી વડોદરાના તમામ ગરબા ગ્રાઉન્ડો બેટમાં ફેરવાયા જતાં આયોજકો આર્થિક નુકસાનની ભિતી &nbsp;સેવી રહ્યાં છે.મેઘરાજાની ધમાકેદાર બેટિંગથી વડોદરામાં વિશ્વામિત્રીની જળસપાટી વધતા પૂરનું સંકટ ઘેરાયું છે. &nbsp;નદીકાંઠાના નીચાણવાળા વિસ્તારોને એલર્ટ કરાયા છે..10 વર્ષમાં રાજ્યમાં બીજી વાર આ વર્ષે ચોમાસાની સિઝનનો 45 ઈંચથી વધુ વરસાદ વરસ્યો છે. અત્યાર સુધીમાં રાજ્યમાં 48 ઈંચ સાથે 137 ટકા વરસાદ&nbsp; વરસી ચૂક્યો છે.</p> <p>કચ્છમાં ચોમાસાની સિઝનનો અત્યાર સુધીમાં 184.86 ટકા વરસાદ વરસી ચૂક્યો છે. તો સૌરાષ્ટ્રમાં સિઝનનો 145.21 ટકા અને દક્ષિણ ગુજરાતમાં ચોમાસાની સિઝનનો અત્યાર સુધીમાં 140.60 ટકા વરસાદ વરસી ચૂક્યો છે. ચોમાસાની સિઝનનો મધ્ય ગુજરાતમાં 131.63 ટકા &nbsp;&nbsp;તો ઉત્તર ગુજરાતમાં ચોમાસાની સિઝનનો અત્યાર સુધીમાં 113.95 ટકા વરસાદ વરસી ચૂક્યો છે.</p> <p><strong>ચોમાસાની સિઝનમાં ક્યા ડેમ થયા ઓવરફ્લો</strong></p> <p>ધોધમાર વરસાદને લીધે રાજ્યના 207માંથી પૈકી 122 જળાશયો ઓવરફ્લો થયા છે. કચ્છ-સૌરાષ્ટ્રના 100 &nbsp;જળાશયો સંપૂર્ણ ભરાઇ ચૂક્યાં છે. તો મધ્ય ગુજરાતના 10 દક્ષિણ ગુજરાતના નવ અને ઉત્તર ગુજરાતના ત્રણ જળાશયો છલોછલ &nbsp;થયા છે. પાણીની ભરપૂર આવકથી રાજ્યના 179 ડેમ હાઈએલર્ટ,એલર્ટ અને વોર્નિંગ પર છે. &nbsp;90 ટકાથી વધુ ભરાયેલા 158 ડેમ હાઈએલર્ટ, 80થી 90 ટકા ભરાયેલા 13 ડેમ એલર્ટ, જ્યારે 70થી 80 ટકા ભરાયેલા 8 ડેમ વોર્નિંગ પર છે.</p> <p>&nbsp;</p> <p>&nbsp;</p> <p>&nbsp;</p>