Gujarat Voter List SIR: ગુજરાતના ૫ કરોડ મતદારો ધ્યાન આપે, SIR પ્રોગ્રામનો છેલ્લો રાઉન્ડ, આટલું કામ બાકી હોય તો પતાવી લેજો

<p><strong>Gujarat voter list SIR program last date 2025:</strong> ગુજરાતમાં ચાલી રહેલો 'મતદાર યાદી ખાસ સઘન સુધારણા કાર્યક્રમ' (SIR) હવે તેના નિર્ણાયક અને અંતિમ તબક્કામાં પ્રવેશી ચૂક્યો છે. આ ઝુંબેશ પૂર્ણ થવાને આડે હવે માત્ર 6 દિવસ બાકી રહ્યા છે, ત્યારે ચૂંટણી પંચે મતદારોને મોટી રાહત આપી છે. અહેવાલો મુજબ, રાજ્યના લગભગ 84% જેટલા મતદારોને હવે નવેસરથી દસ્તાવેજો કે પુરાવા રજૂ કરવાની કડાકૂટમાંથી મુક્તિ આપવામાં આવી છે, કારણ કે તેમની વિગતો પહેલેથી જ પ્રમાણિત છે. બીજી તરફ, ગણતરી દરમિયાન ચોંકાવનારા આંકડા સામે આવ્યા છે, જેમાં લાખો મૃતક અને સ્થળાંતરિત મતદારોના નામ હજુ પણ યાદીમાં બોલી રહ્યા છે, જેને દૂર કરવાની કામગીરી યુદ્ધના ધોરણે ચાલી રહી છે.</p> <p><strong>દસ્તાવેજોમાંથી મુક્તિ અને 4 ડિસેમ્બરની ડેડલાઈન</strong></p> <p>મતદાર યાદી સુધારણા કાર્યક્રમ (SIR) ની સમયમર્યાદા આગામી 4 December ના રોજ પૂર્ણ થઈ રહી છે. વહીવટી તંત્ર દ્વારા કામગીરીને વેગવંતી બનાવવામાં આવી છે. સૌથી મહત્વના સમાચાર એ છે કે જે મતદારોની વિગતો અગાઉથી જ વેરીફાઈડ (પ્રમાણિત) છે, તેવા અંદાજિત 84% નાગરિકોએ હવે કોઈ નવા ડોક્યુમેન્ટ્સ આપવાના રહેશે નહીં. આ નિર્ણયથી વહીવટી તંત્ર અને પ્રજા બંનેનો કિંમતી સમય બચશે. જોકે, જેમની વિગતોમાં વિસંગતતા છે અથવા માહિતી અધૂરી છે, તેમણે બાકી રહેલા દિવસોમાં તાત્કાલિક કાર્યવાહી પૂર્ણ કરવા અનુરોધ કરવામાં આવ્યો છે.</p> <p><strong>ગણતરી અને ડિજિટાઈઝેશનમાં ગુજરાતની સ્થિતિ</strong></p> <p>મુખ્ય નિર્વાચન અધિકારી હરિત શુક્લાની આગેવાની હેઠળ રાજ્યમાં 2025 ની મતદાર યાદી માટે 5 કરોડથી વધુ મતદારોને ગણતરી ફોર્મનું વિતરણ લગભગ પૂર્ણ થઈ ગયું છે. ફોર્મ ભરાઈ ગયા બાદ હવે ડેટાને ઓનલાઈન ચડાવવાની એટલે કે ડિજિટાઈઝેશનની કામગીરી ચાલી રહી છે.</p> <p>રાજ્યની પ્રગતિ: અત્યાર સુધીમાં સમગ્ર રાજ્યમાં 81% થી વધુ કામગીરી પૂર્ણ થઈ ચૂકી છે.</p> <p>ટોપ જિલ્લાઓ: આ કામગીરીમાં આદિવાસી બહુલ Dang જિલ્લો 89.61% કામગીરી સાથે રાજ્યભરમાં પ્રથમ ક્રમે છે. ત્યારબાદ બનાસકાંઠા (84.99%), સાબરકાંઠા (84.18%), પંચમહાલ (82.67%) અને પાટણ (82.25%) નો ક્રમ આવે છે.</p> <p><strong>ચોંકાવનારા આંકડા: 13 લાખ મૃતક મતદારોના નામ યાદીમાં!</strong></p> <p>SIR ઝુંબેશનો મુખ્ય ઉદ્દેશ્ય મતદાર યાદીને ક્ષતિરહિત કરવાનો છે અને આ તપાસ દરમિયાન ચોંકાવનારી વિગતો બહાર આવી છે. ગ્રાઉન્ડ લેવલના સર્વેમાં જાણવા મળ્યું છે કે:</p> <p>13.1 Lakh થી વધુ મતદારો એવા છે જેમનું અવસાન થઈ ચૂક્યું છે, છતાં તેમના નામ યાદીમાં ચાલુ છે.</p> <p>16 Lakh થી વધુ મતદારો કાયમી ધોરણે અન્યત્ર સ્થળાંતર કરી ચૂક્યા છે.</p> <p>2.44 Lakh મતદારો તેમના નોંધાયેલા સરનામે ગેરહાજર મળી આવ્યા છે.</p> <p>2 Lakh જેટલા નામો યાદીમાં રિપીટ (બે વાર) થયા હોવાનું સામે આવ્યું છે. આ ઝુંબેશ દ્વારા આ વધારાના અને બોગસ નામોને દૂર કરીને યાદીને શુદ્ધ કરવામાં આવશે.</p> <p><strong>BLO ની કામગીરી અને ચૂંટણી પંચનો મંત્ર</strong></p> <p>આ મહાકાય કામગીરીમાં બૂથ લેવલ ઓફિસર્સ (BLO) ની ભૂમિકા પાયાની રહી છે. CEO કચેરી દ્વારા તમામ BLO ને તેમની મહેનત બદલ અભિનંદન પાઠવવામાં આવ્યા છે અને કોઈ પણ મુશ્કેલી જણાય તો સ્થાનિક કચેરીનો સંપર્ક કરવા જણાવાયું છે. ચૂંટણી પંચનો એક જ મંત્ર છે &nbsp; &ldquo;પાત્રતા ધરાવતો મતદાર રહી ન જાય અને પાત્રતા ન ધરાવતો મતદાર યાદીમાં સામેલ ન થાય.&rdquo;</p>