લગ્ન નોંધણી પ્રક્રિયામાં સુધારા કરવા ગેઝેટમાં ડ્રાફ્ટ નોટિફિકેશન જાહેર:વાંધા-સૂચનો મંગાયા, અરજી કર્યાના 40માં દિવસે મેરેજ સર્ટિફિકેટ મળશે

https://ift.tt/gN6aH7f ગુજરાત સરકારે Gujarat Registration of Marriages Act, 2006 હેઠળ લગ્ન નોંધણી પ્રક્રિયામાં મહત્વપૂર્ણ સુધારા કરવા માટે ગેઝેટમાં ડ્રાફ્ટ નોટિફિકેશન જાહેર કર્યું છે. આરોગ્ય અને પરિવાર કલ્યાણ વિભાગ દ્વારા બહાર પાડવામાં આવેલા આ પ્રસ્તાવ મુજબ હવે લગ્ન નોંધણી વધુ કડક અને પારદર્શક બનાવાશે. સરકાર દ્વારા જાહેર કરવામાં આવેલી આ સૂચનાના આધારે 30 દિવસ સુધી જનતા તરફથી વાંધા-સૂચનો માંગવામાં આવ્યા છે. સુધારાઓ મુજબ હવે લગ્ન નોંધણી માટેનો મેમોરેન્ડમ સંબંધિત આસિસ્ટન્ટ રજિસ્ટ્રારને જમા કરાવવો પડશે અને તેની સાથે નક્કી કરાયેલ ફોર્મ તથા ફી ફરજિયાત રહેશે. વર-વધુની સહી સાથે બે સાક્ષીઓની સહી જરૂરી રહેશે. જરૂરી દસ્તાવેજોમાં વધારો માતા-પિતાની વિગતો ફરજિયાત સુધારા મુજબ હવે વર અને વધુ બંનેએ તેમના માતા-પિતાની સંપૂર્ણ માહિતી આપવી પડશે, જેમાં આધાર કાર્ડ (હોય તો), પૂરું નામ, રહેઠાણનું સરનામું અને મોબાઇલ નંબર સામેલ રહેશે. 10 દિવસમાં માતા-પિતાને જાણ સૌથી મહત્વપૂર્ણ ફેરફાર એ છે કે આસિસ્ટન્ટ રજિસ્ટ્રાર દ્વારા મેમોરેન્ડમ પૂર્ણ હોવાની ખાતરી થયા બાદ 10 દિવસની અંદર વર-વધુના માતા-પિતાને સ્પીડ પોસ્ટ અથવા અન્ય માધ્યમથી લગ્ન અંગે જાણ કરવામાં આવશે. 30 દિવસ બાદ જ નોંધણી મેમોરેન્ડમ પ્રાપ્ત થયાની તારીખથી 30 દિવસ પૂર્ણ થયા બાદ જ લગ્નની નોંધણી કરવામાં આવશે. ત્યારબાદ જ દંપતીને રજિસ્ટ્રેશન સર્ટિફિકેટ આપવામાં આવશે. સરકારનું કહેવું શું? સરકારનું કહેવું છે કે લગ્ન નોંધણી પ્રક્રિયામાં પારદર્શકતા લાવવા અને કાનૂની સુરક્ષા મજબૂત બનાવવા માટે આ સુધારા કરવામાં આવ્યા છે. પ્રસ્તાવિત નિયમો અંગે કોઈપણ વ્યક્તિ 30 દિવસની અંદર લેખિતમાં વાંધા અથવા સૂચનો આપી શકે છે. આ સુધારાઓ અમલમાં આવ્યા બાદ રાજ્યમાં લગ્ન નોંધણીની પ્રક્રિયા વધુ સુવ્યવસ્થિત અને જવાબદાર બનશે તેવી અપેક્ષા વ્યક્ત કરવામાં આવી રહી છે. આ પણ વાંચો: રાજ્યમાં હવે પ્રેમલગ્નમાં માતા-પિતાની સહમતિ અનિવાર્ય