ગુજરાત સરકારનો મોટો નિર્ણય: ખેડૂતોને 'સનેડો' ખરીદવા માટે હવે મળશે 75,000 સુધીની સહાય

<p><strong>Gujarat Kisan Parivahan Yojana 2026:</strong> ગુજરાતના ખેડૂતોને આર્થિક રીતે વધુ સક્ષમ બનાવવા અને તેમની સમૃદ્ધિ માટે રાજ્ય સરકારે એક ખૂબ જ મહત્વનો નિર્ણય લીધો છે. મુખ્યમંત્રી ભૂપેન્દ્રભાઈ પટેલના નેતૃત્વ હેઠળ, સરકારે કિસાન પરિવહન યોજનામાં ખેતીકામ માટે અત્યંત ઉપયોગી એવા 'સનેડો' (રાઈડ ઓન સેલ્ફ પ્રોપેલ્ડ મલ્ટીપર્પઝ ટૂલ બાર) ની ખરીદી પર મળતી સબસિડીમાં મોટો વધારો કર્યો છે. કૃષિ મંત્રી જીતુભાઈ વાઘાણીએ આ અંગે સત્તાવાર જાહેરાત કરતા જણાવ્યું છે કે, ખેડૂતોની રજૂઆતોને હકારાત્મક પ્રતિસાદ આપીને અગાઉ મળતી માત્ર 25,000 રૂપિયાની સહાયને વધારીને હવે સામાન્ય ખેડૂતો માટે 60,000 રૂપિયા અને નાના, સીમાંત તેમજ મહિલા ખેડૂતો માટે 75,000 રૂપિયા કરી દેવામાં આવી છે. આ નિર્ણયથી ખેડૂતોને તેમના કૃષિ ઉત્પાદનો બજાર સુધી ઝડપથી અને ઓછા ખર્ચે પહોંચાડવામાં મોટી મદદ મળશે.</p> <p><strong>નાના ખેડૂતો માટે આશીર્વાદરૂપ છે 'સનેડો'</strong></p> <p>કૃષિ મંત્રીએ વધુમાં ઉમેર્યું હતું કે, ખાસ કરીને સૌરાષ્ટ્ર વિસ્તારમાં નાના અને મધ્યમ વર્ગના ખેડૂતો ખેતીના અલગ-અલગ મલ્ટીપર્પઝ કામો માટે 'સનેડો' નામના આ થ્રી-વ્હીલર (ત્રિ-ચક્રી) કૃષિ વાહનનો મોટા પાયે ઉપયોગ કરે છે. આ વાહન ખેડૂતોનો પરિવહન ખર્ચ ઘટાડવામાં ખૂબ મદદરૂપ સાબિત થાય છે. ખેડૂતોની લાંબા સમયની માંગણીને ધ્યાનમાં રાખીને સરકારે હવે સહાયની રકમ સીધી બમણા કરતાં પણ વધુ કરી દીધી છે.</p> <p><iframe title="ABP Asmita | Headlines Today | Gujarat Politics | Latest Breaking News | Gujarat Unseasonal Rain" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p><strong>જાણો, હવે કોને કેટલી સબસિડી મળશે?</strong></p> <p>સરકારના નવા નિયમો અનુસાર સહાયનું ગણિત નીચે મુજબ ગોઠવવામાં આવ્યું છે:</p> <p>સામાન્ય વર્ગના ખેડૂતો માટે: સનેડો ખરીદવા માટે કુલ ખર્ચના 40 ટકા અથવા વધુમાં વધુ 60,000 રૂપિયા સુધીની સહાય મળશે.</p> <p>ખાસ વર્ગના ખેડૂતો માટે: અનુસૂચિત જાતિ (SC), અનુસૂચિત જનજાતિ (ST), સામાન્ય વર્ગના નાના અને સીમાંત ખેડૂતો તેમજ મહિલા ખેડૂતોને સનેડાની ખરીદી પર કુલ ખર્ચના 50 ટકા અથવા વધુમાં વધુ 75,000 રૂપિયાની મોટી સહાય આપવામાં આવશે.</p> <p><strong>આ પણ વાંચોઃ <a href="https://gujarati.abplive.com/photo-gallery/agriculture/pm-kisan-23rd-installment-date-update-2026-ekyc-land-seeding-process-979854">પીએમ કિસાન 23મો હપ્તો: ખેડૂતો આ 3 ભૂલો તરત જ સુધારી લે, નહીંતર ₹2000 નો હપ્તો અટવાઈ જશે</a></strong></p> <p><strong>સહાય મેળવવા માટે આ નિયમો અને શરતો જાણવી જરૂરી:</strong></p> <p>યોજનાનો લાભ સાચા અને જરૂરિયાતમંદ ખેડૂતો સુધી જ પહોંચે તે માટે સરકારે કેટલીક મહત્વની શરતો પણ રાખી છે:</p> <p>સમય મર્યાદા: આ સરકારી સહાયનો લાભ કોઈ પણ ખેડૂત 7 વર્ષમાં માત્ર 1 જ વાર લઈ શકશે.</p> <p>માન્યતા: ખેડૂતે ખરીદેલું સાધન ભારત સરકારની માન્ય સંસ્થા દ્વારા ટેસ્ટ થયેલું હોવું જોઈએ અને i-Khedut પોર્ટલ પર નોંધાયેલું હોવું ફરજિયાત છે.</p> <p>ઉપયોગ: આ વાહનનો ઉપયોગ માત્ર અને માત્ર કૃષિ પેદાશોના પરિવહન માટે જ કરવાનો રહેશે.</p> <p>વેચાણ પર પ્રતિબંધ: સનેડો ખરીદ્યા પછી આગામી 2 વર્ષ સુધી ખેડૂત તેનું વેચાણ કરી શકશે નહીં.</p> <p>મોડિફિકેશન નહીં: આ વાહનમાં મુસાફરોની હેરફેર (પેસેન્જર પરિવહન) કરવા માટે કોઈ પણ પ્રકારનો ફેરફાર કે મોડિફિકેશન કરી શકાશે નહીં.</p> <p><strong>આ પણ વાંચોઃ <a href="https://gujarati.abplive.com/photo-gallery/agriculture/kharif-msp-2026-27-announced-gujarat-cotton-groundnut-sesame-price-hike-979926">ખેડૂતો માટે ખુશખબર: વાવેતર પહેલા જ વર્ષ 2026-27 માટે ખરીફ પાકોના ટેકાના ભાવ જાહેર</a></strong></p> <p><strong>ખેડૂત સંગઠનોએ માન્યો સરકારનો આભાર</strong></p> <p>ગુજરાત સરકારના આ સરાહનીય નિર્ણયને કારણે રાજ્યના ખેડૂતો અને ખેડૂત સંગઠનોમાં ભારે આનંદની લાગણી જોવા મળી રહી છે. ખેડૂતોએ આ નિર્ણય બદલ મુખ્યમંત્રી ભૂપેન્દ્રભાઈ પટેલ અને કૃષિ મંત્રી જીતુભાઈ વાઘાણીનો દિલથી આભાર માન્યો છે. આ યોજનાથી ખાસ કરીને અંતરિયાળ વિસ્તારના ખેડૂતો આર્થિક રીતે વધુ મજબૂત બનશે, તેમનો પરિવહન ખર્ચ ઘટશે અને પાક સમયસર બજારમાં પહોંચશે.</p>