Weather : રાજ્યમાં આગામી 5 દિવસ ગરમીથી નહિ મળે રાહત, ભીષણ ગરમીનું એલર્ટ, તેલંગણામાં લૂથી 16નાં મૃત્યુ

<p><strong>Weather Forecast:</strong>  હવામાન વિભાગે આગામી 7 દિવસ સુધી ગરમીથી રાહતના કોઇ સંકેત આપ્યાં નથી. હાલ રાજ્યમાં પ્રચંડ ગરમી પડી રહી છે. મોટાભાગના જિલ્લામાં તાપમાન 42ને પાર પહોંચ્યું છે.  ગુજરાતમાં આગામી સાત દિવસ દરમિયાન ગરમી વધુ રહેવાની શક્યતા છે. ભારતીય હવામાન વિભાગ (IMD) અનુસાર રાજ્યમાં મોટાભાગના વિસ્તારોમાં હવામાન મુખ્યત્વે શુષ્ક રહેશે અને તાપમાનમાં ખાસ ઘટાડાના સંકેત નથી. ગુજરાતમાં આકરા તાપનું ટોર્ચર હજુ યથાવત જોવા મળી રહ્યું છે. રાજ્યભરમાં લોકો ગરમીથી ત્રાહિમામ પોકારી ઉઠ્યા છે. હવામાન વિભાગના અનુમાન મુજબ આગામી પાંચ દિવસ સુધી અંગ દઝાડતી ગરમીથી રાહત મળવાના કોઈ ખાસ સંકેત નથી. બપોરના સમયમાં રસ્તાઓ સૂમસામ બનતા જોવા મળી રહ્યા છે.</p> <p><iframe title="YouTube video player" src="https://www.youtube.com/embed/dLKYujgl3Dw?si=-P2Po9lTtaiDDLAJ" width="560" height="315" frameborder="0" allowfullscreen="allowfullscreen"></iframe></p> <p>શનિવારે રાજ્યના 8 શહેરોમાં તાપમાનનો પારો 40 ડિગ્રીને પાર પહોંચી ગયો હતો. રાજકોટ 42.7 ડિગ્રી તાપમાન સાથે રાજ્યનું સૌથી ગરમ શહેર બન્યું, જ્યારે અમદાવાદમાં 42.3 ડિગ્રી તાપમાન નોંધાતા તે બીજું સૌથી ગરમ શહેર રહ્યું.</p> <p><strong>ક્યાં કેટલું તાપમાન નોંધાયું</strong></p> <p>અમદાવાદ- 42.2<br />ગાંધીનગર- 42<br />વડોદરા-40.2<br />અમરેલી-41.3<br />ભાવનગર-41<br />રાજકોટ-41.5<br />સુરેંદ્રનગર- 41.8<br />ડીસા-39.8<br />ભુજ -39.4</p> <p><strong>દેશમાં પ્રચંડ ગરમીથી લોકો ત્રાહિમામ</strong></p> <p>દેશભરમાં પ્રચંડ ગરમીનો કહેર સતત વધી રહ્યો છે. અનેક રાજ્યોમાં લોકો અસહ્ય ગરમી અને લૂથી પરેશાન બન્યા છે. તેલંગણામાં હીટવેવના કારણે 16 લોકોના મોત થયાની માહિતી સામે આવી છે, જેના કારણે આરોગ્ય વિભાગે પણ  એલર્ટ આપ્યું છે. મહારાષ્ટ્રનું બ્રહ્મપુરી 47.2 ડિગ્રી તાપમાન સાથે દેશનું સૌથી ગરમ શહેર બન્યું છે. રાજસ્થાન, મહારાષ્ટ્ર સહિત દેશના 12 રાજ્યોના 37 શહેરોમાં તાપમાન 47 ડિગ્રીની આસપાસ પહોંચી ગયું છે, જેના કારણે જનજીવન પર ગંભીર અસર જોવા મળી રહી છે.</p> <p>હવામાન વિભાગના અનુમાન મુજબ મધ્ય અને ઉત્તર ભારતમાં મે મહિનાના અંત સુધી ભીષણ લૂ વરસવાની શક્યતા છે. ખાસ કરીને બપોરના સમયમાં બહાર નીકળવું જોખમી બની શકે છે. તેલંગણાના મોટાભાગના જિલ્લાઓમાં 26 મે સુધી હીટવેવની આગાહી કરવામાં આવી છે. પ્રશાસને લોકોને જરૂરી ન હોય તો બપોરે બહાર ન નીકળવા, પૂરતું પાણી પીવા અને ગરમીથી બચવાના ઉપાયો અપનાવવા અપીલ કરી છે.</p> <p><strong>આ પણ વાંચો: <a title="અંબાલાલ પટેલે રાજ્યમાં ગરમીને લઇને શું કરી મોટી આગાહી, આ જિલ્લાઓ માટે આપી ચેતવણી" href="https://ift.tt/syMPfdh" target="_self">અંબાલાલ પટેલે રાજ્યમાં ગરમીને લઇને શું કરી મોટી આગાહી, આ જિલ્લાઓ માટે આપી ચેતવણી</a></strong></p> <p>આજે દિલ્હીનું મહત્તમ તાપમાન 44 ડિગ્રી સેલ્સિયસ અને લઘુત્તમ તાપમાન 30 ડિગ્રી સેલ્સિયસ રહેવાની ધારણા છે. IMD એ દિલ્હી, હરિયાણા, પંજાબ, ઉત્તર પ્રદેશ અને રાજસ્થાન માટે તીવ્ર ગરમીની ચેતવણી જાહેર કરી છે. હ<a title="વામાન વિભાગે" href="https://ift.tt/RE6VZMa" target="_self">વામાન વિભાગે</a> આગાહી કરી છે કે પશ્ચિમ રાજસ્થાન, મધ્ય પ્રદેશ, વિદર્ભ અને પૂર્વી ઉત્તર પ્રદેશમાં તાપમાન ખતરનાક સ્તરે પહોંચી શકે છે. રાત્રે પણ ઘણા વિસ્તારોમાં ગરમ ​​પવન ફૂંકાતા રહેશે, જેનાથી રહેવાસીઓને કોઈ રાહત મળશે નહીં.</p> <p> </p> <p> </p> <p> </p>