Weather Update: રાજ્યના આ જિલ્લામાં વાતાવરણમાં પલટો, સાપુતારામાં ઘનઘોર વાદળોથી વિઝિબિટી ઘટી

<p><strong>Weather Update:</strong> રાજ્યના મોટાભાગના શહેરમાં તાપમાનો પારો 42ને પાર પહોંચ્યો છે. જેના કારણે લોકો કાળઝાળ અકળવાતી દેતી ગરમીનો અનુભવ કરી રહ્યાં છે. હવામાન વિભાગે આગામી 7 દિવસ હજુ પણ ગરમીથી કોઇ રાહત ન મળવાનો અહેવાલ રજૂ કર્યો છે. જો કે આ સાથે હવામાન વિભાગે સૌરાષ્ટ્રના દરિયાકાંઠાના વિસ્તારમાં અને દક્ષિણ ગુજરાતમાં વાતાવરણમાં પલટાનો અનુમાન વ્યક્ત કર્યો છે. દક્ષિણ ગુજરાત અને સૌરાષ્ટ્રના દરિયાકાંઠા વિસ્તારમાં વાદળછાયુ વાતાવરણ રહી શકે છે. આ સાથે ક્યાંક છૂટછવાયો ઝરમર વરસાદ વરસી શકે છે. </p> <p><iframe title="YouTube video player" src="https://www.youtube.com/embed/dLKYujgl3Dw?si=-P2Po9lTtaiDDLAJ" width="560" height="315" frameborder="0" allowfullscreen="allowfullscreen"></iframe></p> <p>હવામાન વિભાગની આગાહી વચ્ચે દક્ષિણ ગુજરાતના વાતાવરણમાં અચાનક પલટો જોવા મળ્યો છે. વલસાડ અને ડાંગ જિલ્લામાં વાદળછાયું વાતાવરણ છવાઈ ગયું છે, જ્યારે સાપુતારામાં ધીમીધારે વરસાદ વરસતા ઠંડક પ્રસરી ગઈ છે.</p> <p>વલસાડ જિલ્લામાં સવારથી જ વાદળછાયું વાતાવરણ જોવા મળી રહ્યું છે. હવામાનમાં આવેલા આ બદલાવને કારણે ખેડૂતોમાં ચિંતા ફેલાઈ છે. ખાસ કરીને કેરીના પાકને નુકસાન થવાની ભિતી વ્યક્ત કરવામાં આવી રહી છે. હવામાન વિભાગે આજે માવઠાની આગાહી પણ કરી છે, જેના કારણે ખેડૂતો ચિંતિત બન્યા છે.</p> <p>બીજી તરફ ડાંગ જિલ્લાના વાતાવરણમાં પણ પલટો આવ્યો છે. હિલ સ્ટેશન સાપુતારામાં વાદળછાયા માહોલ વચ્ચે ધીમીધારે વરસાદ વરસી રહ્યો છે. વરસાદ અને ગાઢ ધુમ્મસને કારણે ઘાટમાર્ગ પર વિઝિબિલિટી ખૂબ ઓછી થઈ ગઈ છે. ઝીરો વિઝિબિલિટીની સ્થિતિ સર્જાતા વાહન ચાલકોને ભારે હાલાકીનો સામનો કરવો પડી રહ્યો છે. વાહનચાલકોને સાવધાનીપૂર્વક વાહન ચલાવવા માટે સૂચના આપવામાં આવી રહી છે.હવામાન વિભાગની આગાહી વચ્ચે દક્ષિણ ગુજરાતમાં બદલાયેલા વાતાવરણને કારણે એક તરફ લોકોને ગરમીમાંથી રાહત મળી છે, તો બીજી તરફ ખેડૂતો અને વાહનચાલકો માટે મુશ્કેલી પણ ઉભી થઈ છે.</p> <p><strong>આ પણ વાંચો<a title="<strong>:</strong>Gujarat Rain: આકરા તાપ વચ્ચે રાજ્યમાં આગામી બે દિવસ વરસાદની આગાહી, જાણો ક્યાં પડશે " href="https://ift.tt/H5CJNnT" target="_self"><strong>:</strong>Gujarat Rain: આકરા તાપ વચ્ચે રાજ્યમાં આગામી બે દિવસ વરસાદની આગાહી, જાણો ક્યાં પડશે </a></strong></p> <p>અન્ય <a title="રાજ્યોના તાપમાનની " href="https://ift.tt/wHkicmx" target="_self">રાજ્યોના તાપમાનની </a>વાત કરીએ તો શનિવારે સવારે દિલ્હી-એનસીઆરમાં અચાનક હવામાન બદલાયું. આકાશમાં કાળા વાદળો છવાઈ ગયા અને ધૂળની આંધી શરૂ થઈ ગઈ. થોડા જ સમયમાં બદરપુર, તુગલકાબાદ અને ફરીદાબાદ સહિત અનેક વિસ્તારોમાં ભારે વરસાદ પડ્યો. વરસાદને કારણે તાપમાનમાં ઘટાડો થયો અને ગરમીથી થોડી રાહત મળી.</p> <blockquote class="twitter-tweet"> <p dir="ltr" lang="hi"><a href="https://twitter.com/hashtag/WATCH?src=hash&ref_src=twsrc%5Etfw">#WATCH</a> दिल्ली: राष्ट्रीय राजधानी में मौसम में बदलाव देखने को मिला। आसमान में बादल छाए हुए हैं और हल्की हवा चल रही है। <br /><br />वीडियो इंडिया गेट से है। <a href="https://t.co/ZvFQl93x2n">pic.twitter.com/ZvFQl93x2n</a></p> — ANI_HindiNews (@AHindinews) <a href="https://twitter.com/AHindinews/status/2058034554292875332?ref_src=twsrc%5Etfw">May 23, 2026</a></blockquote> <p> <script src="https://platform.twitter.com/widgets.js" async="" charset="utf-8"></script> </p> <p>હવામાન વિભાગે ચેતવણી આપી છે કે, 28 મે સુધી ગરમી જેવી સ્થિતિ રહી શકે છે. શુક્રવારે દિલ્હી, પંજાબ અને હરિયાણાના ઘણા ભાગોમાં પણ ગરમીનો માહોલ જોવા મળ્યો હતો. રાજધાનીના સફદરજંગ સ્ટેશન પર મહત્તમ તાપમાન 43.3 ડિગ્રી સેલ્સિયસ નોંધાયું હતું, જે સામાન્ય કરતાં વધુ હતું. લઘુત્તમ તાપમાન પણ સામાન્ય કરતાં વધુ હતું.</p> <p><strong>IMD એ ચેતવણી જાહેર કરી છે</strong><br />હવામાન વિભાગે દિલ્હીના કેટલાક વિસ્તારો માટે યલો એલર્ટ જાહેર કર્યું  છે. યલો એલર્ટનો અર્થ એ છે કે, કેટલાક વિસ્તારોમાં ધૂળભરી આંધી આવવાની શક્યતા છે. હવામાન વિભાગના જણાવ્યા અનુસાર, આગામી બે કલાક દરમિયાન દક્ષિણ પૂર્વ દિલ્હી, પૂર્વ દિલ્હી, શાહદરા, મધ્ય દિલ્હી, ઉત્તર પૂર્વ દિલ્હી, દક્ષિણ દિલ્હી, નવી દિલ્હી, દક્ષિણ પશ્ચિમ દિલ્હી, પશ્ચિમ દિલ્હી, ઉત્તર પશ્ચિમ દિલ્હી અને ઉત્તર દિલ્હીમાં મધ્યમ ધૂળના તોફાનો આવવાની શક્યતા છે. દરમિયાન, દક્ષિણ દિલ્હી અને દક્ષિણ પશ્ચિમ દિલ્હીના કેટલાક ભાગોમાં 60-80 કિમી પ્રતિ કલાકની ઝડપે હળવો વરસાદ, વાવાઝોડા અને ભારે પવન ફૂંકાઈ શકે છે.</p>