ગુજરાતમાં 10 જૂન સુધી વરસાદી માહોલ, આ જિલ્લાઓમાં ભારે પવન સાથે વરસશે વરસાદ

<p>Gujarat weather forecast: ગુજરાતમાં આગામી કેટલાક દિવસો સુધી વાતાવરણમાં મોટો ફેરફાર જોવા મળી શકે છે. રાજ્યના અનેક જિલ્લાઓમાં વરસાદી માહોલ જામવાની શક્યતા છે. હવામાન વિભાગે 10 જૂન સુધી વરસાદની આગાહી વ્યક્ત કરી છે. રાજ્ય પર બે સાયક્લોનિક સર્ક્યુલેશન અને ઉત્તરી પાકિસ્તાન નજીક સક્રિય વેસ્ટર્ન ડિસ્ટર્બન્સની અસર જોવા મળી રહી છે. બીજી તરફ, કેરળ પહોંચેલું ચોમાસું પણ આગામી બે-ત્રણ દિવસમાં વધુ આગળ વધવાની શક્યતા છે.</p> <p><iframe title="YouTube video player" src="https://www.youtube.com/embed/dLKYujgl3Dw?si=-P2Po9lTtaiDDLAJ" width="560" height="315" frameborder="0" allowfullscreen="allowfullscreen"></iframe></p> <p>હવામાન વિભાગની આગાહી મુજબ આજે સૌરાષ્ટ્ર, ઉત્તર અને મધ્ય ગુજરાત તેમજ દક્ષિણ ગુજરાતના અનેક જિલ્લાઓમાં હળવાથી મધ્યમ વરસાદ વરસી શકે છે. રાજકોટ, સુરેન્દ્રનગર, બોટાદ અને અમરેલી જિલ્લામાં વરસાદી ઝાપટાં પડવાની શક્યતા વ્યક્ત કરવામાં આવી છે.</p> <p><strong>આ પણ વાંચો: <a title="મોંઘવારી વચ્ચે વાલી માટે રાહતના સમાચાર, રાજ્યમાં પાઠ્યપુસ્તકોના ભાવમાં વધારો નહીં થાય" href="https://ift.tt/dTl3kPv" target="_self">મોંઘવારી વચ્ચે વાલી માટે રાહતના સમાચાર, રાજ્યમાં પાઠ્યપુસ્તકોના ભાવમાં વધારો નહીં થાય</a></strong></p> <p>ઉત્તર ગુજરાતના મહેસાણા અને ગાંધીનગર ઉપરાંત અમદાવાદ અને ખેડા જિલ્લામાં પણ હળવાથી મધ્યમ વરસાદની આગાહી કરવામાં આવી છે. આ સાથે મધ્ય ગુજરાતના વડોદરા, પંચમહાલ અને મહીસાગર જિલ્લામાં પણ વરસાદી માહોલ રહેવાની સંભાવના છે.</p> <p>દક્ષિણ ગુજરાતમાં ભરૂચ, સુરત, નર્મદા અને છોટાઉદેપુર જિલ્લામાં પણ વરસાદની આગાહી કરવામાં આવી છે. વરસાદ સાથે કેટલાક વિસ્તારોમાં 40થી 50 કિલોમીટર પ્રતિ કલાકની ઝડપે પવન ફૂંકાઈ શકે છે, જેથી લોકોને સાવચેત રહેવાની સલાહ આપવામાં આવી છે.</p> <p><br />હવામાન નિષ્ણાતોના જણાવ્યા મુજબ રાજ્યમાં સક્રિય બે સાયક્લોનિક સર્ક્યુલેશન સિસ્ટમ અને ઉત્તરી પાકિસ્તાન નજીક સર્જાયેલા વેસ્ટર્ન ડિસ્ટર્બન્સના કારણે વાતાવરણમાં અસ્થિરતા જોવા મળી રહી છે. જેના કારણે આગામી દિવસોમાં પણ વરસાદી પ્રવૃત્તિ યથાવત રહેવાની શક્યતા છે.</p> <p>બીજી તરફ, કેરળમાં પ્રવેશી ચૂકેલું દક્ષિણ-પશ્ચિમ ચોમાસું આગામી બે થી ત્રણ દિવસમાં વધુ આગળ વધે તેવી શક્યતા છે. જેના કારણે ગુજરાતમાં પણ ચોમાસાની પ્રગતિને અનુકૂળ પરિસ્થિતિ સર્જાઈ રહી છે.                                                                                      </p> <p>તો આગામી 10 જૂન સુધી રાજ્યના અનેક જિલ્લાઓમાં વરસાદી માહોલ યથાવત રહી શકે છે. વરસાદ અને તેજ પવનને ધ્યાનમાં રાખીને ખેડૂતો તેમજ નાગરિકોને જરૂરી સાવચેતી રાખવાની સલાહ આપવામાં આવી છે.</p>