ગુજરાતના આ 15 જિલ્લાઓમાં તૂટી પડશે વરસાદ! હવામાન વિભાગની આગામી 7 દિવસની મોટી આગાહી

<p><strong>Gujarat rain forecast 2026: </strong>ગુજરાતના લોકો માટે હવામાન વિભાગે એક ખૂબ જ મહત્વની અને રાહત આપનારી માહિતી આપી છે. રાજ્યમાં એકસાથે 3 સિસ્ટમ સક્રિય થવાથી આગામી 7 દિવસ સુધી સારો એવો વરસાદી માહોલ જળવાઈ રહેશે. સૌરાષ્ટ્ર, દક્ષિણ ગુજરાત અને મધ્ય ગુજરાતના અલગ-અલગ વિસ્તારોમાં હળવાથી મધ્યમ વરસાદની આગાહી કરવામાં આવી છે. આ સાથે જ ખુશખબર એ છે કે ચોમાસું આગળ વધીને મેંગ્લોર સુધી પહોંચી ગયું છે, અને જો બધું સાનુકૂળ રહ્યું તો 15 જૂનની આસપાસ ગુજરાતમાં પણ મેઘરાજાની વિધિવત એન્ટ્રી થઈ જશે.</p> <p>હવામાન વિભાગની વિગતવાર માહિતી અનુસાર, હાલમાં મધ્ય પાકિસ્તાન અને દક્ષિણ રાજસ્થાનમાં એક સાયક્લોનિક સર્ક્યુલેશન સર્જાયું છે. આ ઉપરાંત, જમ્મુમાં વેસ્ટર્ન ડિસ્ટર્બન્સ પણ એક્ટિવ થયું છે. આ 3 શક્તિશાળી સિસ્ટમની સંયુક્ત અસરને કારણે ગુજરાતમાં આગામી 7 દિવસ સુધી ઠેર-ઠેર પ્રિ-મોન્સૂન એક્ટિવિટીના ભાગરૂપે વરસાદી માહોલ જોવા મળશે.</p> <p><iframe title="ABP Asmita | Headlines Today | Gujarat Politics | Latest Breaking News | Gujarat Unseasonal Rain" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>હવામાન વિભાગના જણાવ્યા અનુસાર, આજે રાજ્યના 15 જેટલા જિલ્લાઓ અને 3 કેન્દ્રશાસિત પ્રદેશોમાં છૂટાછવાયા સ્થળોએ હળવાથી મધ્યમ વરસાદ વરસી શકે છે. આ સિસ્ટમ સક્રિય થવાના કારણે વાતાવરણમાં અચાનક પલટો આવ્યો છે અને ધૂળની ડમરીઓ સાથે પવન ફૂંકાવાની પણ શક્યતા છે.</p> <p>આવતીકાલની વાત કરીએ તો, સૌરાષ્ટ્રના 3 મહત્વના જિલ્લાઓ ગીર સોમનાથ, અમરેલી અને ભાવનગરમાં વરસાદની આગાહી કરવામાં આવી છે. આ વિસ્તારોમાં વાદળછાયું વાતાવરણ રહેશે અને સ્થાનિક સ્તરે વરસાદી સિસ્ટમ વધુ મજબૂત બનશે, જેનાથી ગરમીમાં મોટો ઘટાડો નોંધાશે.</p> <p><strong>આ પણ વાંચોઃ <a href="https://gujarati.abplive.com/news/india/monsoon-update-2026-imd-heavy-rain-warning-maharashtra-karnataka-981953">Monsoon Update: ચોમાસાએ પકડી તોફાની ગતિ! આગામી 2-3 દિવસમાં આ રાજ્યોમાં તૂટી પડશે ભારે વરસાદ</a></strong></p> <p>મધ્ય ગુજરાતના વિસ્તારોમાં પણ વરસાદની એન્ટ્રી થવાની સંભાવના છે, જેમાં ખાસ કરીને છોટા ઉદેપુરમાં વરસાદી ઝાપટાં પડી શકે છે. આ તરફ દક્ષિણ ગુજરાતમાં નર્મદા, સુરત, તાપી, નવસારી, ડાંગ અને વલસાડ જિલ્લાના કેટલાક વિસ્તારોમાં સારો એવો વરસાદ જોવા મળી શકે છે.</p> <p>આ સિવાય, ગુજરાતને અડીને આવેલા કેન્દ્રશાસિત પ્રદેશ દીવ, દમણ અને દાદરા નગર હવેલીમાં પણ આગામી ચોવીસ કલાક દરમિયાન વરસાદ પડવાનું અનુમાન વ્યક્ત કરવામાં આવ્યું છે. માછીમારોને પણ દરિયા કિનારે સાવચેત રહેવા માટે વહીવટી તંત્ર દ્વારા સૂચના આપવામાં આવી છે.</p> <p>ચોમાસાની ચાલ વિશે વધુ માહિતી આપતા હવામાન વિભાગે જણાવ્યું છે કે, નૈઋત્યનું ચોમાસું હવે કેરળથી આગળ વધીને મેંગ્લોર સુધી પહોંચી ગયું છે. વાતાવરણની આ સાનુકૂળ સ્થિતિ જોતાં, આગામી 15 જૂનની આસપાસ ગુજરાતમાં પણ ચોમાસાનું આગમન થઈ જશે તેવી પૂરી શક્યતા દેખાઈ રહી છે.</p> <p><strong>આ પણ વાંચોઃ <a href="https://gujarati.abplive.com/news/gujarat/gujarat-weather-change-rajkot-hail-mahisagar-rain-storm-heat-relief-981785">ગુજરાતના અનેક જિલ્લાઓમાં ભારે વાવાઝોડા સાથે વરસાદ; જાણો તમારા વિસ્તારના હાલ</a></strong></p> <p>છેલ્લા કેટલાક દિવસોથી કાળઝાળ ગરમી અને અસહ્ય ઉકળાટથી પરેશાન લોકો માટે આ વરસાદી માહોલ ખરેખર મોટી રાહત લઈને આવ્યો છે. વાતાવરણમાં ઠંડક પ્રસરવાના કારણે તાપમાનનો પારો 2 થી 3 ડિગ્રી સુધી ગગડી શકે છે, જે સામાન્ય જનજીવન માટે સુખદ સાબિત થશે.</p>