શું સિંહો માનવભક્ષી બન્યા? અમરેલીમાં 8 દિવસમાં 3 લોકોના લીધા જીવ, ખેડૂતો અને માલધારીઓમાં ભારે ફફડાટ

<p><strong>amreli lion attack news:</strong> અમરેલી અને આસપાસના જિલ્લાઓમાં છેલ્લા કેટલાક દિવસોથી વન્ય પ્રાણીઓ, ખાસ કરીને સિંહ અને દીપડાઓનો આતંક એટલી હદે વધી ગયો છે કે લોકોમાં ગભરાહટ ફેલાઈ ગયો છે. છેલ્લા માત્ર 8 જ દિવસમાં વન્ય પ્રાણીઓના હુમલામાં 3 નિર્દોષ લોકોએ જીવ ગુમાવ્યા છે. બગસરા, રાજુલા અને સાવરકુંડલા પંથકમાં બનેલી હૃદયદ્રાવક ઘટનાઓએ સાબિત કરી દીધું છે કે હવે ખેડૂતો માટે ખેતરમાં જવું અને માલધારીઓ માટે પોતાના પશુઓને બચાવવા અત્યંત જોખમી બની ગયું છે. વનવિભાગની કામગીરી પર સવાલો ઉઠાવતા લોકો હવે તાત્કાલિક સુરક્ષાની માંગ કરી રહ્યા છે.</p> <p><strong>8 દિવસમાં 3 હુમલા: નિર્દોષ લોકો બન્યા શિકાર</strong></p> <p>અમરેલી જિલ્લામાં વન્ય પ્રાણીઓના હુમલાની સિલસિલાબંધ ઘટનાઓ સામે આવી રહી છે, જે ખરેખર ચિંતાજનક છે.</p> <p>બગસરાના ઘંટીયાળમાં: એક 7 વર્ષના ખેતમજૂરના બાળકને વન્ય પ્રાણીએ પોતાનો શિકાર બનાવ્યો.</p> <p><iframe title="ABP Asmita | Gujarat Weather Update | Headlines Today | Gujarat Politics | Gujarat Breaking News" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>સાવરકુંડલાના જુના સાવર ગામે: 60 વર્ષીય ખેડૂત દિલીપભાઈ દેસાઈ ખેતરે ગયા બાદ 6 દિવસથી લાપતા હતા. આખરે 48 કલાકની ભારે શોધખોળ બાદ અલગ-અલગ વિસ્તારોમાંથી તેમના શરીરના અવશેષો મળી આવ્યા, જેને પોસ્ટમોર્ટમ માટે મોકલી દેવાયા છે.</p> <p>રાજુલાના કોવાયામાં: અહીંની ઘટનાએ તો લોકોને હચમચાવી દીધા છે. હોટલમાં કામ કરતો મૂળ ઉત્તરાખંડનો 25 વર્ષીય યુવક પ્રકાશચંદ વહેલી સવારે જઈ રહ્યો હતો, ત્યારે TPP પાવર પ્લાન્ટ પાસે એક સિંહણે તેના પર હુમલો કરી દીધો. સિંહણ તેને ખેંચીને કાંટાળી ઝાડીઓમાં લઈ ગઈ અને ફાડી ખાધો. મૃતક યુવકની માત્ર ખોપડી અને પાંસળીના અમુક ટુકડા જ બચ્યા હતા.</p> <p><strong>શું સિંહો માનવભક્ષી બની રહ્યા છે?</strong></p> <p>રાજુલા પંથકમાં સિંહના હુમલાની ઘટના બાદ વનવિભાગ અને પોલીસ તાત્કાલિક ઘટનાસ્થળે દોડી ગયા હતા. તપાસ દરમિયાન આસપાસના વિસ્તારમાં 4 સિંહ પરિવારો રહેતા હોવાનું સામે આવ્યું હતું. આમાંથી વનવિભાગે તાત્કાલિક એક સિંહને ટ્રાન્ક્યુલાઈઝ કરીને (બેભાન કરીને) પાંજરે પૂરી દીધો છે અને અન્ય સિંહોને પકડવાની કવાયત ચાલુ કરી દીધી છે. માત્ર 5 દિવસમાં સિંહના હુમલાની આ બીજી ઘટના હતી, જેને પગલે સ્થાનિક ધારાસભ્ય હીરા સોલંકીએ પણ સરકારમાં રજૂઆત કરી છે. સિંહોનું માનવો પર હુમલો કરવાનું વલણ જોઈને લોકોમાં એવી દહેશત છે કે ક્યાંક સિંહો માનવભક્ષી તો નથી બની રહ્યા ને!</p> <p><strong>ખેડૂતો અને માલધારીઓની ઊંઘ હરામ</strong></p> <p>ગામડાઓ અને ખેતીના વિસ્તારોમાં સિંહ અને દીપડાના આંટાફેરા સતત વધી રહ્યા છે.</p> <p>ખેડૂતોની મુશ્કેલી: ખેડૂતો દિવસ કે રાત, કોઈ પણ સમયે ખેતરમાં જઈ શકતા નથી. કામ કરવું જીવના જોખમ સમાન બની ગયું છે.</p> <p>માલધારીઓ પરેશાન: જંગલી પ્રાણીઓ સીધા ગામમાં ઘૂસીને પશુઓનો શિકાર કરી રહ્યા છે, જેના કારણે માલધારીઓને પોતાનું પશુધન બચાવવું એક મોટો પડકાર લાગી રહ્યો છે.</p> <p>સ્થાનિક લોકો વનવિભાગની કામગીરીથી ભારે નારાજ છે. તેમનો સીધો આરોપ છે કે વનવિભાગની નિષ્ફળતાના કારણે તેમને આ ભયના ઓથાર હેઠળ જીવવું પડી રહ્યું છે. લોકો તાત્કાલિક અસરકારક પગલાં અને યોગ્ય વળતરની માંગ કરી રહ્યા છે.</p> <p><strong>ભાવનગરમાં પણ આવી જ ખૌફનાક ઘટના</strong></p> <p>ફક્ત અમરેલી જ નહીં, ભાવનગર જિલ્લામાં પણ સિંહની દહેશત જોવા મળી છે. ગઢડા નજીક આવેલા પીંગળેશ્વર મંદિર પાસે કેટલાક માનવ અંગો મળી આવતા પોલીસ અને વનવિભાગ દોડતા થઈ ગયા હતા. તપાસમાં જાણવા મળ્યું કે આ અંગો નાગજી ગુજરીયા નામના વ્યક્તિના છે. વનવિભાગને પ્રાથમિક દ્રષ્ટિએ આશંકા છે કે સિંહના હુમલામાં જ નાગજીનું મોત થયું છે. આ વિસ્તારમાં પણ છેલ્લા કેટલાક સમયથી સિંહોની અવરજવર વધી ગઈ છે, જેથી સ્થાનિક લોકોમાં ભારે ડર છે. હાલમાં પોલીસ અને વનવિભાગ બંને સંયુક્ત રીતે આ મોત પાછળનું સચોટ કારણ જાણવા માટે ઊંડી તપાસ કરી રહ્યા છે.</p>