Ambalal Patel Prediction: રાજ્યમાં ક્યારથી બેસશે ચોમાસુ, હવામાન નિષ્ણાંત અંબાલાલ પટેલની મોટી આગાહી

<p>Ambalal Patel Prediction:  ગુજરાતમાં અસહ્ય ગરમી અને બફારા વચ્ચે આતુરતાથી વરસાદની રાહ જોઈ રહેલા લોકો અને ખેડૂતો માટે રાહતના સમાચાર આવ્યા છે. જાણીતા હવામાન નિષ્ણાંત અંબાલાલ પટેલે રાજ્યમાં ચોમાસાના આગમન અને વરસાદી સિસ્ટમને લઈને મહત્વની આગાહી કરી છે.</p> <p><iframe title="YouTube video player" src="https://www.youtube.com/embed/dLKYujgl3Dw?si=4BuPX4ZsjTnYh_Hl" width="560" height="315" frameborder="0" allowfullscreen="allowfullscreen"></iframe></p> <p><strong>અલનીનોની અસર અને વેસ્ટર્ન ડિસ્ટર્બન્સની સ્થિતિ</strong></p> <p>હવામાન નિષ્ણાંત અંબાલાલ પટેલના જણાવ્યા અનુસાર, હાલમાં અલનીનોની અસરના કારણે ચોમાસું ધાર્યા પ્રમાણે આગળ વધી રહ્યું નથી. આ ઉપરાંત, ગંગા-યમુનાના મેદાનો જોઈએ તેવા તપ્યા ન હોવાથી પણ વરસાદી માહોલ જામતો નથી. જોકે, એક બાદ એક વેસ્ટર્ન ડિસ્ટર્બન્સ આવી રહ્યા છે, જેમાં આગામી 18મી જૂને પણ એક નવું વેસ્ટર્ન ડિસ્ટર્બન્સ સક્રિય થશે. જેના કારણે 18 થી 20 જૂન દરમિયાન આકાશમાં વાદળો ઘેરાશે અને 22 જૂન સુધીમાં રાજ્યના કેટલાક ભાગોમાં અણધાર્યો વરસાદ વરસી શકે છે.</p> <p><strong>22 જૂનથી ચોમાસું એક્ટિવ થશે, 23 જૂનથી ધમાકેદાર વરસાદની શરૂઆત</strong></p> <p>અંબાલાલ પટેલની આગાહી અનુસાર, 22 જૂનથી ચોમાસુ વિધિવત રીતે એક્ટિવ થઈ જશે. ત્યારબાદ 23 જૂનથી રાજ્યમાં વરસાદ પડવાની પૂરેપૂરી સંભાવના છે. ખાસ કરીને 23 જૂનથી 26 જૂન વચ્ચેના ગાળામાં વિવિધ વિસ્તારોમાં સારો વરસાદ વરસશે.</p> <p><strong>મહારાષ્ટ્ર, મુંબઈ અને સૌરાષ્ટ્રમાં નવી સિસ્ટમ એક્ટિવ થશે </strong></p> <p>ગુજરાત ઉપરાંત પાડોશી રાજ્ય મહારાષ્ટ્રમાં પણ 27 થી 29 જૂન સુધીમાં મુંબઈ સહિતના વિસ્તારોમાં વરસાદની મજબૂત સંભાવનાઓ સેવાઈ રહી છે. ત્યારબાદ 29 જૂનથી 7મી જુલાઈ સુધીમાં એક મજબૂત વરસાદી સિસ્ટમ આકાર લેશે. આ સિસ્ટમના કારણે સૌરાષ્ટ્રના વિવિધ ભાગો, મુંબઈ તેમજ દક્ષિણ ભારતમાં ભારે વરસાદ પડી શકે છે.</p> <p><strong>જૂલાઈમાં અલનીનો વચ્ચે પણ ચોમાસું સુધરશે</strong></p> <p>ચોમાસાના આગામી મહિનાઓ વિશે આગાહી કરતા અંબાલાલ પટેલે જણાવ્યું કે, ચાલુ વર્ષે વચ્ચે-વચ્ચે અલનીનોની અસર ચોક્કસપણે વર્તાશે, પરંતુ ચિંતા કરવાની જરૂર નથી. અલનીનોની આ અસર વચ્ચે પણ જૂલાઈ મહિનામાં ભારે વરસાદ વરસશે જેના કારણે ચોમાસાની સ્થિતિમાં મોટો સુધારો જોવા મળશે અને સારો વરસાદ નોંધાશે.</p> <p><a title="આ પણ વાંચોઃ અંબાલાલ પટેલની મોટી આગાહી: અલનીનો વચ્ચે પણ ગુજરાતમાં આ તારીખથી જામશે ધોધમાર વરસાદ" href="https://ift.tt/W0BX7xN" target="_self">આ પણ વાંચોઃ અંબાલાલ પટેલની મોટી આગાહી: અલનીનો વચ્ચે પણ ગુજરાતમાં આ તારીખથી જામશે ધોધમાર વરસાદ</a></p> <p><strong>ગુજરાતમાં વરસાદને લઈને હવામાન વિભાગની આગાહી</strong></p> <p>હવામાન વિભાગના ડાયરેક્ટર ડૉ. એ. કે. દાસના જણાવ્યા અનુસાર, આગામી 7 દિવસ દરમિયાન રાજ્યમાં તાપમાનમાં કોઈ મોટો ફેરફાર થવાની શક્યતા નથી. છેલ્લા 24 કલાકમાં ભાવનગરમાં સૌથી વધુ 41.4°C તાપમાન નોંધાયું હતું. અમદાવાદમાં આગામી દિવસોમાં વાદળછાયું વાતાવરણ રહેવાની શક્યતા છે. હવામાન વિભાગે આગામી દિવસો માટે વિગતવાર આ પ્રમાણે આગાહી કરી છે:</p> <p>15થી 17 જૂન: દક્ષિણ ગુજરાતના સુરત, ડાંગ, તાપી, નવસારી, વલસાડ તેમજ દમણ અને દાદરા નગર હવેલીમાં છૂટાછવાયા સ્થળોએ ગાજવીજ સાથે હળવોથી મધ્યમ વરસાદ પડી શકે છે. જ્યારે ઉત્તર ગુજરાત અને સૌરાષ્ટ્ર-કચ્છમાં હવામાન સંપૂર્ણપણે સૂકું રહેશે.</p>