Gujarat Rain: ગુજરાતમાં આજે 14 જિલ્લામાં વરસાદની આગાહી, સેટેલાઇટ તસવીરોમાં પણ દેખાયા વાદળો

<p><strong>Gujarat Rain And Weather Update:</strong> ગુજરાતમાં હજુ પણ ચોમાસુ બેસ્યુ નથી, ક્યારે બેસશે તેને લઇને લોકો રાહ જોઇ રહ્યાં છે, પરંતુ તાજા અપડેટ પ્રમાણે, રાજ્યમાં આગામી દિવસોમાં ચોમાસનું જલદી સક્રિય બનશે. હવામાન વિભાગની આગાહી તાજા આગાહી પ્રમાણે, આજે અમદાવાદ સહિત રાજ્યના 14 જિલ્લાઓમાં વરસાદની સંભાવના છે. આગામી બે દિવસ સુધી રાજ્યમાં વરસાદી માહોલ યથાવત રહેવાની શક્યતા વ્યક્ત કરવામાં આવી છે. કેટલાક વિસ્તારોમાં ભારે વરસાદ પણ પડી શકે છે, જેના કારણે લોકોને ગરમી અને ઉકળાટમાંથી રાહત મળશે.</p> <p><iframe title="Israel Iran War LIVE | Sthanik Swaraj Election | Gujarat Politics | Breaking News | ABP Asmita LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>હવામાન વિભાગના જણાવ્યા અનુસાર, આજે ગુજરાતમાં અનેક જિલ્લાઓમાં ગાજવીજ અને ભારે પવન સાથે વરસાદ વરસી શકે છે. જેમાં ખાસ કરીને દક્ષિણ ગુજરાતના વિસ્તારો, સુરત, નવસારી, વલસાડ, ડાંગ અને તાપી સહિતના વિસ્તારોમાં ભારે વરસાદની આગાહી કરવામાં આવી છે. આગામી 48 કલાક દરમિયાન દક્ષિણ ગુજરાત અને મધ્ય ગુજરાતમાં વરસાદનું પ્રમાણ વધુ રહેવાની શક્યતા છે. અમદાવાદ, ગાંધીનગર, ખેડા, આણંદ, વડોદરા સહિતના વિસ્તારોમાં હળવાથી મધ્યમ વરસાદ પડી શકે છે. કેટલાક વિસ્તારોમાં ગાજવીજ સાથે ધોધમાર વરસાદ પણ નોંધાઈ શકે છે. આ ઉપરાંત સૌરાષ્ટ્ર અને કચ્છના વિસ્તારોમાં સામાન્યથી મધ્યમ વરસાદની આગાહી કરવામાં આવી છે. રાજકોટ, જામનગર, જુનાગઢ, અમરેલી, ભાવનગર તેમજ કચ્છના કેટલાક વિસ્તારોમાં છૂટાછવાયા વરસાદી ઝાપટાં પડી શકે છે. જોકે દક્ષિણ અને મધ્ય ગુજરાતની સરખામણીએ અહીં વરસાદનું પ્રમાણ ઓછું રહેવાની શક્યતા છે.</p> <p>અમદાવાદના હવામાનની વાત કરીએ તો આજે શહેરમાં વાદળછાયું વાતાવરણ રહેવાની શક્યતા છે. કેટલાક વિસ્તારોમાં હળવા વરસાદી ઝાપટાં પડી શકે છે. શહેરમાં મહત્તમ તાપમાન 41 ડિગ્રી સેલ્સિયસ આસપાસ અને લઘુત્તમ તાપમાન 29 ડિગ્રી આસપાસ રહેવાની સંભાવના છે. 21 જૂનના રોજ અમદાવાદમાં મહત્તમ તાપમાન 40.7 ડિગ્રી નોંધાયું હતું, જે સામાન્ય કરતાં 2.8 ડિગ્રી વધુ હતું. જ્યારે લઘુત્તમ તાપમાન 29 ડિગ્રી નોંધાયું હતું, જે સામાન્ય કરતાં 1.4 ડિગ્રી વધુ હતું.</p> <p><strong>સેટેલાઇટ તસવીરોમાં પણ દેખાયા વાદળો</strong><br />ઇન્ડિયા મેટ્રોલોજીકલ ડિપાર્ટમેન્ટ (IMD) દ્વારા ઉપગ્રહ (INSAT-3DS) ની જે લેટેસ્ટ તસવીરો લેવામાં આવી છે, તેમાં પણ ગુજરાત અને તેની આસપાસના વિસ્તારોમાં વાદળોનો જમાવડો સ્પષ્ટપણે જોઈ શકાય છે. જોકે, રાહતની વાત એ છે કે કચ્છ અને પશ્ચિમ સૌરાષ્ટ્રના બાકીના ભાગોમાં હાલ કોઈ ચેતવણી આપવામાં આવી નથી. તંત્ર દ્વારા નાગરિકોને બદલાતા હવામાન પર નજર રાખવા અને સુરક્ષિત રહેવા અપીલ કરવામાં આવી છે.</p>