આજે LRD ની પરીક્ષામાં ભૂલથી પણ સાથે ન રાખતા આ વસ્તુઓ, ભરતી બોર્ડની સૂચના

<p><strong>gujarat police lrd written exam 2026:</strong> ગુજરાતમાં પોલીસની નોકરી મેળવવાનું સપનું જોતા લાખો યુવાનો માટે આવતીકાલનો દિવસ ખૂબ જ મહત્વનો છે. લોકરક્ષક દળ (LRD) ની 12,733 જગ્યાઓ માટે આવતીકાલે, 14 જૂને રાજ્યભરમાં લેખિત પરીક્ષા યોજાવા જઈ રહી છે. આ પરીક્ષામાં 2.63 લાખથી વધુ ઉમેદવારો પોતાનું નસીબ અજમાવશે. ગુજરાત પોલીસ ભરતી બોર્ડ દ્વારા પરીક્ષાને લઈને તમામ તૈયારીઓ પૂર્ણ કરી લેવામાં આવી છે અને ઉમેદવારોને કોઈ પણ જાતની મુશ્કેલી ન પડે તે માટે ખાસ માર્ગદર્શિકા પણ બહાર પાડવામાં આવી છે.</p> <p><strong>2.63 લાખ ઉમેદવારો આપશે લેખિત પરીક્ષા</strong></p> <p>પોલીસ ભરતી બોર્ડની જાહેરાત (GPRB/202526/1) મુજબ, ગત 2 એપ્રિલ, 2026 ના રોજ લોકરક્ષક કેડરની શારીરિક કસોટીનું પરિણામ જાહેર થયું હતું. આ કસોટીમાં પાસ થયેલા કુલ 2,63,345 ઉમેદવારો હવે લેખિત પરીક્ષા આપશે. જેમાં 1.73 લાખથી વધુ પુરુષો અને 89,405 જેટલી મહિલા ઉમેદવારો સામેલ છે. આ પરીક્ષા શાંતિપૂર્ણ રીતે પૂર્ણ થાય તે માટે રાજ્યભરની 879 જેટલી શાળાઓ અને કોલેજોમાં પરીક્ષા કેન્દ્રો ઊભા કરવામાં આવ્યા છે.</p> <p><iframe title="ABP Asmita | Headlines Today | Gujarat Politics | Latest Breaking News | Gujarat Unseasonal Rain" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p><strong>ઉમેદવારો માટે બોર્ડની ખાસ સૂચનાઓ</strong></p> <p>પરીક્ષા આપવા જતા ઉમેદવારો માટે બોર્ડે કેટલીક અગત્યની સૂચનાઓ આપી છે:</p> <p>સમયસર પહોંચવું: ઉમેદવારોએ પરીક્ષા કેન્દ્ર પર વહેલા પહોંચી જવું, જેથી બાયોમેટ્રિક અને વેરિફિકેશનની પ્રક્રિયામાં કોઈ વિલંબ ન થાય અને બધું સમયસર પૂરું થઈ શકે.</p> <p>પ્રતિબંધિત વસ્તુઓ ન લઈ જવી: કોલ લેટરમાં જણાવ્યા મુજબ કોઈપણ પ્રકારનું પ્રતિબંધિત સાહિત્ય (કાપલીઓ) કે ઇલેક્ટ્રોનિક વસ્તુઓ સાથે ન રાખવા કડક સૂચના અપાઈ છે.</p> <p>અફવાઓથી બચવું: પરીક્ષા અંગેની કોઈપણ પ્રકારની સચોટ માહિતી માટે ઉમેદવારોએ ફક્ત ગુજરાત પોલીસ ભરતી બોર્ડની સત્તાવાર વેબસાઇટ (gprb.gujarat.gov.in) અને તેમના સત્તાવાર X (Twitter) એકાઉન્ટ પર જ વિશ્વાસ રાખવો. અફવાઓ પર ધ્યાન ન આપવું.</p> <p>આ સાથે જ, ગુજરાત પોલીસ ભરતી બોર્ડના ચેરમેને લોકરક્ષક કેડરની આ લેખિત પરીક્ષા આપવા જઈ રહેલા તમામે-તમામ ઉમેદવારોને હાર્દિક શુભેચ્છાઓ પાઠવી છે.</p> <p><strong>આ પણ વાંચોઃ <a href="https://gujarati.abplive.com/news/gujarat/gujarat-lrd-exam-date-june-14-ojas-call-letter-download-news-981173">ગુજરાત LRD પરીક્ષાની તારીખ જાહેર: 14 જૂને લેખિત પરીક્ષા, આ દિવસથી મળશે કોલલેટર</a></strong></p> <p><strong>કઈ કેડરમાં કેટલી જગ્યાઓ છે? (કુલ 12,733 જગ્યાઓ)</strong></p> <p>બિન હથિયારી પોલીસ કોન્સ્ટેબલ: 6942</p> <p>હથિયારધારી પોલીસ કોન્સ્ટેબલ: 2458</p> <p>હથિયારધારી પોલીસ કોન્સ્ટેબલ (SRPF): 3002</p> <p>જેલ સિપાહી (પુરુષ): 300</p> <p>જેલ સિપાહી (મહિલા/મેટ્રન): 31</p> <p><strong>આ પણ વાંચોઃ <a href="https://gujarati.abplive.com/news/gujarat/gujarat-police-psi-lrd-physical-test-result-2026-written-exam-date-972574">PSI LRD ફિઝિકલ ટેસ્ટનું રિઝલ્ટ જાહેર: 1.10 લાખ પાસ, જુઓ તમારું નામ લિસ્ટમાં છે કે નહીં?</a></strong></p>