Rain Forecast: અંબાલાલ પટેલની મોટી આગાહી, બે સિસ્ટમ એક્ટિવ થતાં આ તારીખથી વરસશે વરસાદ

<p><strong>Gujarat Rain Forecast</strong>:રાજ્યમાં આગામી દિવસોમાં પ્રિમોન્સૂન એક્ટિવિટી વધુ સક્રિય બનવાની શક્યતા છે. હવામાન નિષ્ણાત અંબાલાલ પટેલે આગાહી કરતા જણાવ્યું છે કે ગુજરાતના વિવિધ વિસ્તારોમાં 20 જૂન સુધી પ્રિમોન્સૂન વરસાદી માહોલ જોવા મળી શકે છે.  તેમના જણાવ્યા અનુસાર 16 જૂન સુધી રાજ્યના અનેક વિસ્તારોમાં ભારે પવન સાથે વરસાદ વરસવાની સંભાવના છે. આ દરમિયાન ગરમી અને બફારાથી લોકોને આંશિક રાહત મળી શકે છે.</p> <p><iframe title="YouTube video player" src="https://www.youtube.com/embed/dLKYujgl3Dw?si=-P2Po9lTtaiDDLAJ" width="560" height="315" frameborder="0" allowfullscreen="allowfullscreen"></iframe> </p> <p>અંબાલાલ પટેલે વધુમાં જણાવ્યું કે, 16 જૂન બાદ બંગાળના ઉપસાગરમાં એક લો-પ્રેશર સિસ્ટમ સર્જાઈ શકે છે. ત્યારબાદ 26 જૂન પછી અરબી સમુદ્રમાં પણ એક નવી હવામાન પ્રણાલી વિકસે તેવી શક્યતા વ્યક્ત કરવામાં આવી છે.</p> <p>હવામાન નિષ્ણાતોના મતે આ બંને સિસ્ટમ સક્રિય થતાં ગુજરાતમાં વરસાદની તીવ્રતા વધી શકે છે. ખાસ કરીને દક્ષિણ ગુજરાતમાં 26થી 28 જૂન દરમિયાન ભારે વરસાદ નોંધાઈ શકે છે. આ જ સમયગાળા દરમિયાન મુંબઈ અને આસપાસના વિસ્તારોમાં પણ ભારે વરસાદની શક્યતા વ્યક્ત કરવામાં આવી છે.</p> <p>આગાહી મુજબ 23 જૂનથી રાજ્યમાં નિયમિત ચોમાસાનો વરસાદ શરૂ થવાની સંભાવના છે. જો હવામાનની સ્થિતિ અનુકૂળ રહેશે તો જૂનના અંતિમ સપ્તાહમાં રાજ્યના અનેક વિસ્તારોમાં મુશળધાર વરસાદ વરસી શકે છે. હાલ ખેડૂતો સહિત સામાન્ય લોકોની નજર આગામી દિવસોની હવામાન પરિસ્થિતિ પર ટકેલી છે, કારણ કે ચોમાસાની સક્રિયતા ખેતી માટે મહત્વપૂર્ણ સાબિત થતી હોય છે. </p> <p><strong>હવામાન વિભાગ આગાહી </strong><br />રાજ્યમાં છેલ્લા કેટલાક દિવસોથી ગરમીનો પ્રકોપ યથાવત છે. ભાવનગર 41.9 ડિગ્રી સેલ્સિયસ સાથે રાજ્યનું સૌથી ગરમ શહેર નોંધાયું છે. અમદાવાદમાં 41.3 ડિગ્રી તાપમાન સાથે લોકોને અસહ્ય ગરમી અને બફારાનો સામનો કરવો પડી રહ્યો છે. રાજકોટ અને ગાંધીનગરમાં પણ તાપમાન 40 ડિગ્રીને પાર પહોંચી ગયું છે, જેના કારણે જનજીવન પ્રભાવિત બન્યું છે.  </p> <p>આ દરમિયાન હવામાન વિભાગે રાહતના સમાચાર આપ્યા છે. આગામી છ દિવસ દરમિયાન સૌરાષ્ટ્ર, મધ્ય ગુજરાત, ઉત્તર ગુજરાત અને દક્ષિણ ગુજરાતના વિવિધ વિસ્તારોમાં વરસાદી માહોલ જામવાની શક્યતા છે. રાજ્યની આસપાસ વેસ્ટર્ન ડિસ્ટર્બન્સ, સાયક્લોનિક સર્ક્યુલેશન અને વરસાદી ટ્રફ સિસ્ટમ સક્રિય થતા વરસાદ માટે અનુકૂળ પરિસ્થિતિ સર્જાઈ છે.  ખાસ કરીને દક્ષિણ ગુજરાતના વલસાડ, નવસારી, વાપી, દમણ અને દાદરા-નગર હવેલી વિસ્તારમાં હળવાથી મધ્યમ વરસાદ વરસી શકે છે. વરસાદી માહોલના કારણે તાપમાનમાં ઘટાડો થવાની અને લોકોને ગરમી તથા બફારાથી રાહત મળવાની આશા વ્યક્ત કરવામાં આવી રહી છે.</p> <p> </p>