Gujarat Weather: આજથી 3 દિવસ રાજ્યમાં માવઠાની આગાહી, જાણો ક્યાં જિલ્લામાં વરસશે કમોસમી વરસાદ

<p><strong>ગાંધીનગર:</strong> ભરઉનાળે રાજ્યમાં કમોસમી વરસાદની આગાહી હવામાન વિભાગ દ્વારા કરવામાં આવી છે. હવામાન વિભાગે ગુજરાતમાં 3 દિવસ સુધી માવઠાની આગાહી વ્યક્ત કરી છે. આગામી ત્રણ દિવસ કમોસમી વરસાદ વરસી શકે છે. ગુજરાતમાં સાયક્લોનિક સર્ક્યુલેશન સિસ્ટમ એક્ટિવ થઈ છે આ કારણે વરસાદી માહોલ જોવા મળી શકે છે. કમોસમી વરસાદને પગલે લોકોને ગરમીથી પણ રાહત મળી શકે છે.&nbsp;</p> <p><strong>પવનની ગતિ 30થી 40 કિ.મી. પ્રતિ કલાક સુધી રહેશે&nbsp;</strong></p> <p>રાજ્યમાં વેસ્ટર્ન ડિસ્ટર્બન્સના કારણે વરસાદની આગાહી કરવામાં આવી છે. ગુજરાતના અનેક વિસ્તારોમાં હળવોથી મધ્યમ વરસાદ વરસી શકે છે. આ સાથે કેટલાક વિસ્તારોમાં પવનની ઝડપ 30થી 40 કિ.મી. પ્રતિ કલાક સુધી રહેવાની શક્યતા પણ હવામાન વિભાગ દ્વારા વ્યક્ત કરવામાં આવી છે.</p> <p><strong>આજે આ જિલ્લાઓમાં વરસાદનું અનુમાન</strong></p> <p>હવામાન વિભાગના જણાવ્યા અનુસાર, આજે બનાસકાંઠા, પાટણ, સાબરકાંઠા, &nbsp;જામનગર, મોરબી, કચ્છમાં પણ ગાજવીજ સાથે વરસાદની આગાહી કરવામાં આવી છે. ઉત્તર ગુજરાત અને સૌરાષ્ટ્રના કેટલાક ભાગોમાં પણ આજે વાતાવરણમાં પલટો જોવા મળી શકે છે. બનાસકાંઠા, પાટણ અને સાબરકાંઠાની સાથે-સાથે સૌરાષ્ટ્રના જામનગર, મોરબી, દેવભૂમિ દ્વારકા અને કચ્છ જિલ્લામાં હળવો વરસાદ વરસી શકે છે.&nbsp;</p> <p><strong>આવતીકાલે આ જિલ્લાઓમાં વરસી શકે છે વરસાદ</strong></p> <p>ગુરુવારના દિવસે 19 માર્ચે &nbsp;ભરૂચ, સુરત, ડાંગ, તાપીમાં કમોસમી વરસાદની આગાહી કરવામાં આવી છે. &nbsp;નવસારી, વલસાડ, દમણ, દાદરાનગર હવેલી, સુરેન્દ્રનગર, રાજકોટ, જામનગર, પોરબંદરમાં કમોસમી વરસાદની શક્યતા છે. હવામાન વિભાગે &nbsp;19 માર્ચે જૂનાગઢ, અમરેલી, ભાવનગર, મોરબી, ગીર સોમનાથ, બોટાદ, કચ્છ, દીવમાં પણ ગાજવીજ સાથે કમોસમી વરસાદની આગાહી કરી છે.</p> <p><strong>20 માર્ચે આ જિલ્લાઓમાં માવઠાની શક્યતા&nbsp;</strong></p> <p>20મી માર્ચે વરસાદની અસર ધીમી પડશે, પરંતુ ઉત્તર ગુજરાતના વિસ્તારો જેમ કે બનાસકાંઠા, સાબરકાંઠા, પાટણ, અરવલ્લી, મહેસાણા અને પાલનપુરમાં વાદળછાયું વાતાવરણ રહેશે અને હળવો વરસાદ વરસી શકે છે.&nbsp;</p> <p><strong>હવામાન વિભાગના ડાયરેક્ટરનું શું કહેવું છે?</strong></p> <p>હવામાન વિભાગના ડાયરેક્ટર એ. કે. દાસના જણાવ્યા અનુસાર,18 &nbsp;તારીખથી જ વાતાવરણમાં પલટો આવવાનું શરૂ થઈ જશે. &nbsp;18, 19 અને 20 તારીખે હળવાથી મધ્યમ વરસાદની સાથે 40 થી 50 કિમીની ઝડપે પવન ફૂંકાવાની અને ગાજવીજ થવાની પૂરી સંભાવના છે. એક વેસ્ટર્ન ડિસ્ટર્બન્સ છેક ગુજરાત સુધી વિસ્તરેલું હોવાથી આ માવઠું પડશે. આગામી ત્રણ દિવસ સુધી ગુજરાતના વાતાવરણમાં પલટો જોવા મળી શકે છે.&nbsp;</p> <p>&nbsp;</p>