Gujarat Weather Update: રાજ્યભરના વાતાવરણમાં પલટો, ભારે પવન સાથે ઉડી ધૂળની ડમરી, હોર્ડિંગ પતરા ઉડ્યાં

<p><strong>Gujarat Weather Update:</strong> વેસ્ટર્ન ડિસ્ટર્બન્સની અસરથી ગુજરાતના વાતાવરણમાં પલટો જોવા મળી રહ્યો છે. આજે અને આવતી કાલે કમોસમી વરસાદની આગાહી છે. આજે બનાસકાંઠા, પાટણ, પંચમહાલ, ભરૂચ, સુરત, ડાંગ, તાપી, નવસારી, વલસાડ તેમજ સૌરાષ્ટ્ર-કચ્છમાં ભારે પવન &nbsp;સાથે કમોસમી વરસાદની આગાહી કરવામાં આવી છે. &nbsp;20 માર્ચે એટલે કે આવતી કાલે બનાસકાંઠા,સાબરકાંઠા, અરવલ્લી, દાહોદ, મહીસાગર, કચ્છમાં &nbsp;પણ કમોસમી વરસાદનું અનુમાન છે. રાજ્યભરમાં આજ સવારથી વાતાવરણમાં પલટો જોવા મળ્યો હતો સવારમાં ભારે પવન ફૂંકાતા ચારે બાજુ ધૂળની ડમરીઓ ઉડી હતી. પવનની ગતિ એટલી તેજ હતી કે, કેટલીક જગ્યાં છાપરા અને હોર્ડિંગ્સ પણ ઉડ્યાં હતા. ભારે પવનના કારણે અનેક જગ્યાએ વીજળી પણ ગૂલ થઇ જતાં અંધારપટ્ટ છવાયો હતો. &nbsp;</p> <p>અમદાવાદમાં પણ સવારથી વાતાવરણમાં પલટો જોવા મળ્યો વહેલી સવારે વાવાઝોડા જોવા તેજ પવન શરૂ થતાં અનેક વિસ્તારમાં વીજળી ગૂલ થઇ ગઇ હતી, ભારે પવનના કારણે અનેક વિસ્તારમાં હોર્ડિંગ્સ ઉડ્યા હતા. સવારમાં ભારે પવનના કારણે ઘૂળની ડમરી ઉડતાં વિઝિબિલીટી પણ ડાઉન થઇ ગઇ હતી. જેથી વહેલી સવારે જતાં વાહન ચાલકોને પણ હાલાકીનો સામનો કરવો પડ્યો હતો. હવામાન વિભાગે 17 માર્ચથી વાતાવરણમાં પલટાનું અનુમાન વ્યક્ત કર્યું હતું. હવામાન વિભાગે ભારે પવન સાથે છૂટછવાયા કમોસમી વરસાદની આગાહી કરી છે. ગુજરાતમાં ભારે પવન સાથે વરસાદની શરૂઆત થતાં ખેડૂતોની ચિંતા વધી છે. ભારે પવનના કારણે તૈયાર થયેલા શિયાળાના પાકને નુકસાનની ભીતિ સેવાઇ રહી છે. તો બાગાયતી ખેતીને પણ પારાવાર નુકસાન થઇ શકે છે. પવનના કારણે કેરી પકવતા ખેડૂતો ચિંતામાં મૂકાયા છે. પવનના કારણે કાચી કેરીઓ ખરી જતાં નુકસાન ભોગવવાનો વારો આવ્યો છે.&nbsp;</p> <p><br />હવામાન વિભાગની વાતાવરણમાં પલટાની આગાહી વચ્ચે આજે &nbsp;કચ્છમાંભારે &nbsp;પવન સાથે &nbsp;વરસાદી ઝાપટા આવ્યાં હતા. &nbsp;નખત્રાણા, ભુજ, માનકુવા અને માધાપર સહિતના વિસ્તારમાં ભારે પવન સાથે વરસાદ વરસ્યો હતો. પૂર્વ કચ્છમાં પણ &nbsp;તેજ પવન ફૂંકાયો હતો. ભચાઉ, રાપર, ગાંધીધામ અને ખેંગારપરમાં પણ વરસાદ વરસ્યો હતો. પાટણમાં સવારથી મોસમનો મિજાજ બદલ્યો હતો. &nbsp;ભારે પવન સાથે ધૂળભરી આંધી આવી હતી. પાટણ શહેરમાં ધીમીધારે વરસાદ વરસતા &nbsp;સલામતીના ભાગરૂપે કેટલાક વિસ્તારમાં UGVCL તરફથી વીજ પુરવઠો બંધ કરી દેવા.ો હતો જેના કારણે વહેલી સવાર અંધારપટ્ટની સ્થિતિ સર્જાઇ હતી.&nbsp;</p> <p>સુરેન્દ્રનગર જિલ્લામાં પણ સવારથી જ મૌસમનો મિજાજ બદલ્યો હતો. સુરેન્દ્રનગરના સમગ્ર જિલ્લામાં &nbsp;ભારે પવન સાથે વરસાદ વરસ્યો, શહેરમાં ભારે પવનને કારણે વીજ કંપનીએ વીજ પુરવઠો બંધ કરી કરી દેતા &nbsp;અનેક વિસ્તારમાં અંધારપટ છવાઇ ગયો હતો.&nbsp;</p> <p>મહેસાણા જિલ્લાના વાતાવરણમાં પલટો આવ્યો છે. &nbsp;અનેક વિસ્તારમાં ભારે પવન &nbsp;ફૂંકાયો છે. ભારે પવનને કારણે કેટલાક વિસ્તારમાં અંધારપટ છવાઇ ગયો છે. &nbsp;બહુચરાજી, મોઢેરા, ઉંઝા સહિતના વિસ્તારમાં મિની વાવાઝોડા જેવો માહોલ સર્જાયો છે.&nbsp;</p> <p>બનાસકાંઠામાં સવારથી ભારે પવન સાથે કમોસમી વરસાદ વરસ્યો, &nbsp;ધાનેરા સહિત દાંતીવાડા પંથકમાં કમોસમી વરસાદ વરસ્યો, ધાનેરા બોર્ડર વિસ્તારમાં આવેલ બાપલા, વાછોલ,કુંડી સહિત ના વિસ્તારોમાં મોસમનો મિજાજ બગડતાં ખેડુતો ચિંતિત થયા છે. ઘઉં, બટાકાં સહિતના પાકોમાં નુકશાનની ભીતિ સેવા રહી છે. કાપણીના સમય વરસાદ આવતા ખેડૂતોમાં મુશ્કેલીમાં મૂકાયા છે.&nbsp;</p> <p>&nbsp;</p>