ગુજરાતના આ 5 વિસ્તારોમાં રેડ એલર્ટ; 42 તાલુકાઓ પાણી-પાણી, જુઓ ક્યાં કેટલો વરસાદ!

<p><strong>Gujarat heavy rain forecast:</strong> હવામાન વિભાગ દ્વારા દક્ષિણ ગુજરાત અને સૌરાષ્ટ્રમાં મેઘરાજાના રૌદ્ર સ્વરૂપની આગાહી કરવામાં આવી છે. રાજ્યમાં 1 જુલાઈથી 5 જુલાઈ સુધી ભારેથી અતિભારે વરસાદની આશંકા છે, જેના પગલે સુરત અને નવસારી સહિતના વિસ્તારોમાં 'રેડ એલર્ટ' જાહેર કરાયું છે. વરસાદી માહોલ વચ્ચે તોફાની દરિયાની શક્યતાને જોતા માછીમારોને દરિયો ન ખેડવા કડક સૂચના આપવામાં આવી છે. બીજી તરફ, ઉત્તર ભારતમાં જમ્મુ-કાશ્મીરમાં વાદળ ફાટવાથી પૂર જેવી ગંભીર સ્થિતિનું નિર્માણ થયું છે, જે કુદરતના પ્રકોપની ચાડી ખાય છે.</p> <p><strong>હવામાન વિભાગની ચેતવણી: ક્યાં કયું એલર્ટ?</strong></p> <p>આગામી 5 દિવસ માટે દક્ષિણ ગુજરાત અને સૌરાષ્ટ્રના વિવિધ જિલ્લાઓમાં એલર્ટ જાહેર કરવામાં આવ્યા છે.</p> <p>હવામાન વિભાગના વૈજ્ઞાનિક એ.કે. દાસનું નિવેદન: "આજે 1 જુલાઈથી 5 જુલાઈ સુધી અતિભારે વરસાદની આગાહી છે. આગામી પાંચ દિવસ સુધી વાવાઝોડા સાથે વીજળી થવાની પણ શક્યતા છે અને પવનની ગતિ 40 થી 50 કિલોમીટર પ્રતિ કલાકની રહેશે. માછીમારોને દરિયો ન ખેડવા માટે ખાસ સૂચના આપવામાં આવી છે."</p> <p><iframe title="ABP Asmita | Gujarat Weather Update | Headlines Today | Gujarat Politics | Gujarat Breaking News" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>રેડ એલર્ટ (1 અને 2 જુલાઈ): દક્ષિણ ગુજરાતના સુરત, નવસારી, વલસાડ, દમણ અને દાદરા નગર હવેલીમાં ભારેથી અતિભારે વરસાદની આગાહી. (2 જુલાઈએ ડાંગમાં પણ રેડ એલર્ટ રહેશે).</p> <p>ઓરેન્જ એલર્ટ: ગીર સોમનાથ (માત્ર 1 જુલાઈ), અમરેલી, ભાવનગર, ભરૂચ, નર્મદા અને તાપીમાં છૂટાછવાયા સ્થળોએ ભારે વરસાદની શક્યતા.</p> <p>યલો એલર્ટ: રાજકોટ, જુનાગઢ, વડોદરા અને છોટાઉદેપુરમાં હળવાથી ભારે વરસાદની સંભાવના.</p> <p><strong>આ પણ વાંચોઃ <a href="https://gujarati.abplive.com/news/india/india-weather-updates-imd-storm-warning-23-states-heavy-rain-july-2026-984234">આવતીકાલનું હવામાનઃ કાલે ભારે વરસાદ અને વાવાઝોડાની આગાહી, 23 રાજ્યોમાં તંત્ર એલર્ટ, જાણો લેટેસ્ટ અપડેટ</a></strong></p> <p><strong>વાપીમાં 5 ઈંચ વરસાદ, 80% ઘટ સામે રાહતની આશા</strong></p> <p>આજે 1 જુલાઈએ સવારે 6 વાગ્યાથી બપોરના 12 વાગ્યા સુધીના માત્ર 6 કલાકના સમયગાળામાં રાજ્યના 42 તાલુકાઓમાં મેઘમહેર નોંધાઈ છે. 10 તાલુકાઓમાં 1 ઈંચથી વધુ વરસાદ નોંધાયો છે, જેમાં સૌથી વધુ વાપીમાં 5 ઈંચ વરસાદ ખાબક્યો છે. ભારે વરસાદના કારણે વાપીના ચલા રોડ, કચીગામ રોડ અને રેલવે અંડરપાસ સંપૂર્ણપણે પાણીમાં ગરકાવ થઈ ચૂક્યા છે.</p> <p>ઉલ્લેખનીય છે કે, આ વર્ષે જૂન મહિનામાં ગુજરાતમાં સરેરાશ માત્ર 1.25 ઈંચ જેટલો જ વરસાદ નોંધાયો હતો, જે સામાન્ય કરતા 80 ટકાની મોટી ઘટ દર્શાવે છે. જુલાઈની આ શરૂઆત ખેડૂતો અને જનતા માટે આશાનું કિરણ બનીને આવી છે.</p> <p><strong>આ પણ વાંચોઃ <a href="https://gujarati.abplive.com/news/gujarat/gujarat-rain-forecast-nowcast-alert-south-gujarat-ahmedabad-weather-updates-984215">ગુજરાતમાં આગામી 3 કલાક જોખમી, 17 જિલ્લામાં વરસાદ તૂટી પડશે, જાણો લેટેસ્ટ હવામાન અપડેટ</a></strong></p> <p><strong>પહેલા જ વરસાદમાં પ્રિ-મોનસૂન કામગીરીના દાવાઓ ધોવાયા</strong></p> <p>વરસાદના આગમન સાથે જ સ્થાનિક વહીવટી તંત્રની પોલ ખૂલી ગઈ છે:</p> <p>સુરતની ઘટના: સુરતમાં ઉધના નજીક અચાનક રોડ બેસી જતાં એક એસટી (ST) બસ તેમાં ખૂંપી ગઈ હતી. સદનસીબે આ દુર્ઘટનામાં કોઈ જાનહાનિ થઈ નથી, પરંતુ કોન્ટ્રાક્ટરની ઘોર બેદરકારી અને તંત્રની નબળી કામગીરી સ્પષ્ટ થઈ છે.</p> <p>જૂનાગઢમાં જળબંબાકાર: જૂનાગઢ મહાનગરપાલિકા દ્વારા કરોડો રૂપિયાના ખર્ચે બનાવવામાં આવેલી ગટર વ્યવસ્થા માત્ર કાગળ પર જ હોય તેવું લાગી રહ્યું છે. શહેરના અલગ-અલગ વિસ્તારોમાં પાણી ભરાઈ જતાં વોટર વર્ક્સ શાખાની અણઆવડત છતી થઈ છે. સામાન્ય વરસાદમાં જ જનજીવન પ્રભાવિત થતાં લોકોમાં પાલિકાની કામગીરી સામે ભારે રોષ ભભૂકી ઉઠ્યો છે.</p>