મધ્યપ્રદેશમાં લો પ્રેશર સર્જાતા ગુજરાતના આ જિલ્લામાં ભારે વરસાદની આગાહી: અંબાલાલ પટેલ

<p><strong>Gujarat Rain forecast :  </strong>ગુજરાતમાં ચોમાસું વધુ સક્રિય બનવાની શક્યતા વચ્ચે હવામાન નિષ્ણાત અંબાલાલ પટેલે આગામી દિવસોમાં રાજ્યના અનેક વિસ્તારોમાં ભારેથી અતિભારે વરસાદની આગાહી કરી છે. તેમના જણાવ્યા અનુસાર મધ્ય પ્રદેશમાં લો પ્રેશર સર્જાતા નવી વરસાદી સિસ્ટમ વિકસશે, જેના પ્રભાવથી ગુજરાતના વિવિધ જિલ્લાઓમાં મેઘમહેર જોવા મળશે.</p> <p><iframe title="YouTube video player" src="https://www.youtube.com/embed/dLKYujgl3Dw?si=-P2Po9lTtaiDDLAJ" width="560" height="315" frameborder="0" allowfullscreen="allowfullscreen"></iframe></p> <p>અંબાલાલ પટેલના જણાવ્યા મુજબ મહીસાગર, પંચમહાલ અને વડોદરા જિલ્લામાં ભારે વરસાદની શક્યતા છે. કેટલાક વિસ્તારોમાં અતિભારે વરસાદ પણ નોંધાઈ શકે છે, જેના કારણે નીચાણવાળા વિસ્તારોમાં પાણી ભરાવાની સ્થિતિ સર્જાઈ શકે છે.</p> <p>તેમણે વધુમાં જણાવ્યું કે, કચ્છ જિલ્લામાં પણ વરસાદનું જોર વધશે અને કેટલાક વિસ્તારોમાં 3 ઈંચ સુધી વરસાદ પડી શકે છે. ઉત્તર ગુજરાતના પાટણ, દસાડા અને બનાસકાંઠા જિલ્લામાં પણ સારા વરસાદની સંભાવના વ્યક્ત કરવામાં આવી છે. આ ઉપરાંત મહેસાણા અને અરવલ્લી જિલ્લામાં પણ વરસાદી માહોલ જામવાની શક્યતા છે. અંબાલાલ પટેલના અનુમાન પ્રમાણે રાજ્યના કેટલાક વિસ્તારોમાં 4 ઈંચ સુધી વરસાદ નોંધાઈ શકે છે.</p> <p>હવામાનમાં આવી રહેલા ફેરફારોને ધ્યાનમાં રાખીને તેમણે ખાસ કરીને ભારે વરસાદની આગાહી ધરાવતા વિસ્તારોમાં રહેતા લોકોને સાવચેત રહેવા તેમજ સ્થાનિક તંત્ર દ્વારા જારી કરવામાં આવતી સૂચનાઓનું પાલન કરવાની સલાહ આપવામાં આવી  છે.</p> <p class="abp-article-title"><strong>છેલ્લા 24 કલાકમાં ગુજરાતના 76 તાલુકામાં નોંધપાત્ર વરસાદ</strong></p> <p>રાજ્યમાં ચોમાસાએ જોર પકડ્યું છે અને છેલ્લા 24 કલાક દરમિયાન ગુજરાતના 76 તાલુકામાં નોંધપાત્ર વરસાદ વરસ્યો છે. દક્ષિણ ગુજરાતમાં સૌથી વધુ વરસાદ નોંધાયો છે, જ્યારે વાપીમાં માત્ર બે કલાકમાં 4.13 ઈંચ વરસાદ ખાબકતા શહેરના અનેક વિસ્તારો જળબંબાકાર બન્યા હતા. ભારે વરસાદના કારણે નેશનલ હાઈવે-48 પર લાંબો ટ્રાફિક જામ સર્જાયો હતો અને વાહનચાલકોને ભારે હાલાકીનો સામનો કરવો પડ્યો હતો.</p> <p>હવામાન વિભાગના આંકડા મુજબ, છેલ્લા 24 કલાકમાં નવસારીમાં સૌથી વધુ 4.53 ઈંચ વરસાદ નોંધાયો હતો. જલાલપોરમાં 3.50 ઈંચ, કામરેજમાં 3.46 ઈંચ, સાવરકુંડલામાં 3.11 ઈંચ અને વલસાડમાં 3.03 ઈંચ વરસાદ વરસ્યો હતો. ઉપરાંત સુરત શહેરમાં 2.80 ઈંચ, ધરમપુરમાં 2.76 ઈંચ, પારડીમાં 2.40 ઈંચ, અંકલેશ્વરમાં 2.32 ઈંચ, ઓલપાડમાં 2.32 ઈંચ, વાપીમાં 2.20 ઈંચ, ચીખલીમાં 2.05 ઈંચ અને પલસાણામાં 1.93 ઈંચ વરસાદ નોંધાયો હતો.</p> <p>સવારે 6થી 8 વાગ્યાના માત્ર બે કલાકના ગાળામાં રાજ્યના 27 તાલુકામાં વરસાદ વરસ્યો હતો. આ દરમિયાન વાપીમાં સૌથી વધુ 4.13 ઈંચ વરસાદ નોંધાતા ચલા સહિતના અનેક વિસ્તારોમાં પાણી ભરાઈ ગયા હતા. શહેરના ગરનાળા પાણીમાં ગરકાવ થઈ જતા સલામતીના ભાગરૂપે રેલવે અંડરપાસ બંધ કરવામાં આવ્યો હતો. રસ્તાઓ પર પાણી ભરાઈ જતાં અનેક વાહનો બંધ પડી ગયા હતા. </p> <p> </p>