Gir Somnath: શિક્ષણ જગત શરમાયું, ગીર સોમનાથમાં શિક્ષકે ધોરણ-7ના વિદ્યાર્થીને 500 રૂ. આપી દારૂ મંગાવ્યો

<p><strong>Gir Somnath Teacher Alcohol Controversy:</strong> ગીર સોમનાથ જિલ્લાના ખાપટ ગામની પ્રાથમિક શાળામાં શિક્ષણ જગતને કલંકિત કરતી એક અત્યંત ગંભીર અને શરમજનક ઘટના સામે આવી છે, જ્યાં ધોરણ-7માં અભ્યાસ કરતા એક વિદ્યાર્થી પાસે શાળાના જ એક શિક્ષકે રૂપિયા આપીને ગામમાંથી દારૂ મંગાવ્યો હોવાનો સનસનાટીભર્યો આરોપ લાગ્યો છે. </p> <p><iframe title="Israel Iran War LIVE | Sthanik Swaraj Election | Gujarat Politics | Breaking News | ABP Asmita LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>ગત જૂન મહિનામાં આચાર્યને મળેલી ચોંકાવનારી માહિતીના આધારે જ્યારે વિદ્યાર્થીની પૂછપરછ કરવામાં આવી, ત્યારે આ સમગ્ર કરતૂતનો પર્દાફાશ થયો હતો. પવિત્ર ગણાતા શાળાના પરિસરમાં નૈતિક મૂલ્યોનું ચીરહરણ કરનાર આ શિક્ષક વિરૂદ્ધ આચાર્યે તાલુકા શિક્ષણાધિકારીને લેખિત ફરિયાદ સોંપીને કડક કાનૂની અને વહીવટી પગલાં લેવાની ઉગ્ર માંગ કરી છે, જેના કારણે સ્થાનિક વાલીઓ અને સમગ્ર પંથકમાં ભારે આક્રોશ વ્યાપી ગયો છે.</p> <p>ઘટનાની વિગતો મુજબ, શાળાના આચાર્યને માહિતી મળી હતી કે ધોરણ-7ના એક વિદ્યાર્થીને સંબંધિત શિક્ષકે રૂ. 500 આપીને ગામમાંથી દારૂ ખરીદી લાવવા માટે મોકલ્યો હતો. આચાર્યે તુરંત જ વિદ્યાર્થીને વિશ્વાસમાં લઈને પ્રેમપૂર્વક પૂછપરછ હાથ ધરી હતી. આ દરમિયાન માસૂમ વિદ્યાર્થીએ ગભરાતા ગભરાતા જણાવ્યું કે, આ કોઈ પ્રથમ ઘટના નથી, પરંતુ આ અગાઉ પણ તે અનેક વખત આ શિક્ષક માટે ગામમાંથી દારૂ લાવી ચૂક્યો છે. શિક્ષક તેને લાલચ આપીને દારૂ લેવા મોકલતા હોવાનો સ્વીકાર વિદ્યાર્થીએ કર્યો હતો.</p> <p><strong><a title="Botad Crime News: ઇન્સ્ટાગ્રામ ફ્રેન્ડ રિક્વેસ્ટ મુદ્દે લોહિયાળ ખેલ, સમાધાનની બેઠકમાં હુમલો કરતાં એકનું મોત, બે ઘાયલ" href="https://ift.tt/RMPBwbv" target="_self">Botad Crime News: ઇન્સ્ટાગ્રામ ફ્રેન્ડ રિક્વેસ્ટ મુદ્દે લોહિયાળ ખેલ, સમાધાનની બેઠકમાં હુમલો કરતાં એકનું મોત, બે ઘાયલ</a></strong></p> <p>આ સમગ્ર મામલે મીડિયા અહેવાલ અને તપાસમાં મોટો ખુલાસો થયો છે કે ગામમાં આવેલ 'રાજ પાન સેંટર એન્ડ કોલ્ડ્રીંક્સ' નામની દુકાનમાંથી આ દારૂ ખરીદવામાં આવતો હતો. એબીપી અસ્મિતાની ટીમ જ્યારે આ આખા નેટવર્કની પડતાલ કરવા માટે ગ્રાઉન્ડ ઝીરો પર પહોંચી, ત્યારે મીડિયાની ધાક અને કાયદાના ડરથી સંબંધિત દુકાનદાર તુરંત જ દુકાન બંધ કરીને ફરાર થઈ ગયો હતો.</p> <p>આ અહેવાલ સોશિયલ મીડિયા અને વહીવટી તંત્ર સુધી પહોંચતા જ તાલુકા શિક્ષણાધિકારીએ આ મામલાને અત્યંત ગંભીરતાથી લીધો છે. તેમણે સત્તાવાર નિવેદન આપતા જણાવ્યું છે કે, આરોપી શિક્ષક સામે તુરંત જ એફઆઈઆર (FIR) નોંધાવવા માટે શાળાના આચાર્યને કડક સૂચના આપી દેવામાં આવી છે. શિક્ષણ વિભાગ દ્વારા આ અંગેનો વિગતવાર રિપોર્ટ તૈયાર કરાયા બાદ કાયદાના દાયરામાં રહીને શિક્ષકને સસ્પેન્ડ કરવા સહિતની કડકમાં કડક ખાતાકીય કાર્યવાહી કરવામાં આવશે.</p>