Gujarat Rain Alert: અમદાવાદ સહિત 17 જિલ્લામાં યલો એલર્ટ, આ વિસ્તારોમાં ભારે વરસાદ તૂટી પડશે

<p><strong>Gujarat rain forecast:</strong> ગુજરાતમાં ફરી એકવાર મેઘરાજાએ ધમાકેદાર એન્ટ્રી કરી છે. લાંબા વિરામ બાદ અમરેલી, જામનગર અને વલસાડ સહિતના વિસ્તારોમાં ધોધમાર વરસાદ વરસતા લોકોને બફારા અને ગરમીમાંથી મોટી રાહત મળી છે. હવામાન વિભાગે દક્ષિણ ગુજરાતમાં ભારે વરસાદની આગાહી સાથે ઓરેન્જ એલર્ટ જાહેર કર્યું છે, જ્યારે અમદાવાદ સહિત અન્ય 17 જિલ્લાઓમાં યલો એલર્ટ આપવામાં આવ્યું છે. વરસાદના આ નવા રાઉન્ડથી ખેડૂતોમાં પણ ખુશીની લહેર દોડી ગઈ છે.</p> <p><strong>ક્યાં કેવો વરસાદ અને શું છે આગાહી?</strong></p> <p>હવામાન વિભાગના આંકડા મુજબ, આજે રાજ્યના 36 તાલુકાઓમાં વરસાદ નોંધાયો છે. જેમાં સૌથી વધુ વલસાડના ધરમપુરમાં 1 ઇંચ વરસાદ ખાબક્યો છે. આગામી સમય માટે આગાહી કરતા હવામાન વિભાગે જણાવ્યું છે કે:</p> <p>ઓરેન્જ એલર્ટ: નવસારી, વલસાડ, દમણ અને દાદરા નગર હવેલીમાં વીજળીના કડાકા અને 40 કિમી પ્રતિ કલાકની ઝડપે ફૂંકાતા પવન સાથે ભારે વરસાદની શક્યતા છે.</p> <p>યલો એલર્ટ: અમદાવાદ, ગાંધીનગર, વડોદરા, સુરત, ભરૂચ, આણંદ, છોટાઉદેપુર, નર્મદા, સાબરકાંઠા, મહેસાણા, સુરેન્દ્રનગર, બોટાદ, ભાવનગર, અમરેલી, રાજકોટ, જૂનાગઢ અને ગીર સોમનાથમાં હળવાથી મધ્યમ વરસાદની આગાહી છે.</p> <p>આ ઉપરાંત, દરિયામાં કરંટ અને પવનની ગતિને જોતા સાવચેતીના ભાગરૂપે માછીમારોને આજે દરિયો ન ખેડવા માટે ખાસ સૂચના આપવામાં આવી છે.</p> <p><iframe title="ABP Asmita | Gujarat Weather Update | Headlines Today | Gujarat Politics | Gujarat Breaking News" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p><strong>સ્થાનિક વિસ્તારોમાં જામ્યો વરસાદી માહોલ</strong></p> <p>અમરેલી જિલ્લામાં આજે ફરી વરસાદી માહોલ જામ્યો હતો. રાજુલા શહેર તેમજ આસપાસના ગ્રામ્ય વિસ્તારો જેવા કે હિંડોરણા, ભેરાઈ, કડિયાળી અને પીપાવાવ ધામમાં સારો વરસાદ નોંધાયો છે. લાઠી શહેરમાં પણ વરસાદી ઝાપટાં પડતાં વાતાવરણમાં ઠંડક પ્રસરી ગઈ છે. બીજી તરફ, વલસાડ શહેર અને જિલ્લાના કેટલાક છુટાછવાયા વિસ્તારોમાં પણ મેઘરાજા મન મૂકીને વરસ્યા છે. સૌરાષ્ટ્રમાં ગીર સોમનાથના ઉના અને જામનગરના જામજોધપુર તાલુકાના બુટાવદર ગામે વરસાદ પડતાં સ્થાનિક લોકો અને જગતના તાતમાં ખુશીનો માહોલ જોવા મળ્યો છે.</p> <p><strong>આ પણ વાંચોઃ <a href="https://gujarati.abplive.com/news/gujarat/gujarat-nowcast-rain-forecast-updates-rajkot-jamnagar-weather-news-985747">ગુજરાત માટે આગામી 3 કલાક ભારે: તમામ જિલ્લાઓમાં તૂટી પડશે વરસાદ, જાણો મોટી આગાહી</a></strong></p> <p><strong>હજુ પણ વરસાદની મોટી ઘટ છે ચિંતાનો વિષય</strong></p> <p>હાલ રાજ્યમાં વેસ્ટર્ન ડિસ્ટર્બન્સ અને મોન્સૂન ટ્રફ સક્રિય હોવાથી વરસાદનો આ બીજો રાઉન્ડ શરૂ થયો છે, પરંતુ સિઝનના આંકડાઓ હજુ પણ ચિંતાજનક છે. રાજ્યમાં અપેક્ષા કરતાં ઘણો ઓછો વરસાદ નોંધાયો છે:</p> <p>દ્વારકા: અપેક્ષિત 233 મિલીમીટરની સામે માત્ર 8.4 મિલીમીટર વરસાદ નોંધાયો છે, એટલે કે અહીં 96 ટકાની તોતિંગ ઘટ છે.</p> <p>અમદાવાદ: 227 મિલીમીટરની અપેક્ષા સામે અત્યાર સુધી માત્ર 115 મિલીમીટર વરસાદ પડ્યો છે, જે 47 ટકા ઓછો છે.</p> <p>સમગ્ર ગુજરાત: આખા રાજ્યની સરેરાશ વાત કરીએ તો, 255.7 મિલીમીટરની અપેક્ષા સામે અત્યાર સુધીમાં 137 મિલીમીટર વરસાદ નોંધાયો છે. આમ, રાજ્યમાં હજુ પણ 32 ટકા વરસાદની ઘટ પ્રવર્તી રહી છે.</p> <p><strong>આ પણ વાંચોઃ <a href="https://gujarati.abplive.com/news/gujarat/india-weather-forecast-15-states-heavy-rain-alert-updates-imd-985713">હવામાનમાં મોટો પલટો: આગામી 10 કલાકમાં દેશના 15 રાજ્યોમાં ભારે વરસાદ અને વાવાઝોડાની આગાહી</a></strong></p>