Gujarat Rain Forecast: રાજ્યમાં આજે ક્યાં જિલ્લામાં રહેશે મેઘમહેર, જાણો હવામાન અપડેટ્સ

<p><strong>Gujarat Rain Forecast:</strong> હવામાન વિભાગના અનુમાન મુજબ આજે ગુજરાતના મોટાભાગના વિસ્તારોમાં હળવાથી મધ્યમ વરસાદની શક્યતા છે. જ્યારે દક્ષિણ ગુજરાતના કેટલાક જિલ્લાઓમાં ભારે વરસાદના છૂટાછવાયા ઝાપટાં પડી શકે છે. સુરત,નવસારી,વલસાડ,ડાંગ,તાપી,દમણ અને દાદરા-નગર હવેલી આસપાસના વિસ્તારોમાં આજે  વરસાદની સંભાવના છે. </p> <p><iframe title="YouTube video player" src="https://www.youtube.com/embed/dLKYujgl3Dw?si=-P2Po9lTtaiDDLAJ" width="560" height="315" frameborder="0" allowfullscreen="allowfullscreen"></iframe></p> <p><strong>આ જિલ્લાઓમાં હળવાથી મધ્યમ વરસાદની આગાહી</strong><br />આજે અમદાવાદમાં સવારથી વાદળછાયું વાતાવરણ જોવા મળી રહ્યું છે. હવામાન વિભાગે આજે મધ્ય ગુજકાતના અનેક જિલ્લામાં હળવા વરસાદનું અનુમાન વ્યક્ત કર્યું છે. આ સાથે દક્ષિણ ગુજરાત, સૌરાષ્ટ્ર અને પૂર્વ ઝોનમાં પણ હળવો વરસાદ પડી શકે છે. આજે અમદાવાદ,ગાંધીનગર,વડોદરા,આણંદ,ખેડા,પંચમહાલ,દાહોદ,ભરૂચ,નર્મદા રાજકોટ,જામનગર,મોરબી,જૂનાગઢ,ગીર સોમનાથ,અમરેલી,ભાવનગર,બોટાદ,સુરેન્દ્રનગર,કચ્છના કેટલાક વિસ્તારોમાં છૂટાછવાયા વરસાદી ઝાપટાં પડી શકે છે.</p> <p><strong>આ પણ વાંચો: <a title="અમદાવાદમાં મોડી રાત્રે વરસાદ, દક્ષિણ ગુજરાતમાં એલર્ટ; રાજ્યમાં 32% વરસાદની ઘટ" href="https://ift.tt/4mS0zbN" target="_self">અમદાવાદમાં મોડી રાત્રે વરસાદ, દક્ષિણ ગુજરાતમાં એલર્ટ; રાજ્યમાં 32% વરસાદની ઘટ</a></strong></p> <p><strong>10 વાગ્યા સુધી રાજ્યના વિવિધ વિસ્તારોમાં વરસાદનું એલર્ટ </strong><br />હવામાન વિભાગની આગાહી મુજબ આજે સવારે 10 વાગ્યા સુધી રાજ્યના વિવિધ વિસ્તારોમાં વરસાદી માહોલ યથાવત રહેવાની સંભાવના છે. દક્ષિણ ગુજરાતમાં ભારે વરસાદની આગાહી સાથે સુરત, તાપી અને નવસારી જિલ્લામાં રેડ એલર્ટ જાહેર કરવામાં આવ્યું છે. ઉપરાંત ડાંગ, વલસાડ, દમણ અને દાદરા-નગર હવેલી માટે પણ રેડ એલર્ટ આપવામાં આવ્યું છે. ભરૂચ, નર્મદા, ભાવનગર, અમરેલી, ગીર સોમનાથ અને દીવ જિલ્લામાં ઓરેન્જ એલર્ટ જાહેર કરવામાં આવ્યું છે, જ્યાં ભારે વરસાદ પડી શકે છે. જ્યારે અરવલ્લી, મહીસાગર, પંચમહાલ, દાહોદ, ગાંધીનગર, અમદાવાદ, ખેડા, આણંદ અને વડોદરા જિલ્લામાં યલો એલર્ટ જાહેર કરવામાં આવ્યું છે, જ્યાં હળવાથી મધ્યમ વરસાદ સાથે કેટલાક વિસ્તારોમાં ગાજવીજ અને તેજ પવનની શક્યતા વ્યક્ત કરવામાં આવી છે.</p> <p>ઉલ્લખનિય છે કે, અલનીનોની અસરના કારણે રાજ્યમાં વરસાદની ઘટ છે કેટલાક વિસ્તાર એવા છે જે વાવણી માટેના વરસાદની પણ રાહ જોઇ રહયાં છે. આ વિસ્તારમાં માટે રાહતના સમાચાર એ છે કે, બંગાળની ખાડીમાં એક લો પ્રેશર એરિયા સર્જાયું છે. જો આ સિસ્ટમ ગુજરાત તરફ આગળ વધશે તો જુલાઇના અંતમાં ગુજરાતમાં સાર્વત્રિક સારા વરસાદની આશા રાખી શકાય જુદા-જુદા હવામાન વિભાગના મોડલ આ સિસ્ટમના કારણે ગુજરાતમાં જુલાઇમાં સારા વરસાદનું અનુમાન વ્યક્ત કરી રહ્યાં છે. </p> <p><strong>મુખ્ય અપડેટ:</strong><br />અમદાવાદમાં આજે સામાન્ય રીતે વાદળછાયું વાતાવરણ અને હળવા વરસાદની શક્યતા છે.<br />સુરત, નવસારી, વલસાડ અને ડાંગ જિલ્લામાં ગાજવીજ સાથે વરસાદ પડી શકે છે.<br />દરિયાકાંઠાના વિસ્તારોમાં પવનની ગતિ વધવાની શક્યતા હોવાથી માછીમારોને સાવચેતી રાખવાની સલાહ આપવામાં આવે છે.</p> <p>.</p>