Gujarat Weather Forecast: રાજ્યભરમાં મેઘમહેર, આ જિલ્લામાં આજે ભારે વરસાદની આગાહી

<p><strong>Weather Forecast:</strong> રાજ્યભરમાં મેધમહેરની સ્થિતિ યથાવત છે. સમગ્ર રાજ્યને ચોમાસાએ આવરી લેતા મોટાભાગના જિલ્લામાં નોંધપાત્ર વરસાદ નોંધાયો છે. હવામાન વિભાગે આજે પણ મોટાભાગના જિલ્લામાં વરસાદની આગાહી કરી છે. હવામાન વિભાગની આગાહી મુજબ આજે સૌરાષ્ટ્ર, દક્ષિણ ગુજરાત સહિત મધ્ય ગુજરાતના કેટલાક જિલ્લામાં ભારે વરસાદનું અનુમાન છે. </p> <p><iframe title="YouTube video player" src="https://www.youtube.com/embed/dLKYujgl3Dw?si=-P2Po9lTtaiDDLAJ" width="560" height="315" frameborder="0" allowfullscreen="allowfullscreen"></iframe></p> <p>હવામાન વિભાગે આજે ભાવનગર, બોટાદ, ગીર સોમનાથ, જૂનાગઢ, પંચમહાલ, મહેસાાણા, પાટણ, વડોદરામાં વરસાદની આગાહી કરી છે. ઉપરાંત મધ્ય ગુજરાતના કેટલાક જિલ્લામાં પણ આજે હળવોથી મધ્યમ વરસાદ વરસી શકે છે. </p> <p class="isSelectedEnd">રાજ્યમાં મેઘરાજાએ ફરી એકવાર જોરદાર બેટિંગ શરૂ કરી છે. હવામાન વિભાગે સવારે 10 વાગ્યા સુધી રાજ્યના વિવિધ જિલ્લાઓ માટે વરસાદને લઈને રેડ, ઓરેન્જ અને યલો એલર્ટ જાહેર કર્યું છે.</p> <p class="isSelectedEnd">સૌથી વરસાદ દક્ષિણ ગુજરાતમાં જોવા મળી રહ્યો છે. નવસારી અને વલસાડ જિલ્લામાં સવારે 10 વાગ્યા સુધી ભારેથી અતિભારે વરસાદની શક્યતાને ધ્યાનમાં રાખીને રેડ એલર્ટ જાહેર કરવામાં આવ્યું છે. આ ઉપરાંત કેન્દ્રશાસિત પ્રદેશ દમણ અને દાદરા નગર હવેલીમાં પણ રેડ એલર્ટ જાહેર કરવામાં આવ્યું છે.  સૌરાષ્ટ્રના અમરેલી, ભાવનગર, ગીર સોમનાથ અને જૂનાગઢ જિલ્લામાં ભારે વરસાદની આગાહીને પગલે ઓરેન્જ એલર્ટ આપવામાં આવ્યું છે. દક્ષિણ ગુજરાતના તાપી, ડાંગ અને સુરત જિલ્લામાં પણ ભારે વરસાદની સંભાવનાને ધ્યાનમાં રાખીને ઓરેન્જ એલર્ટ જાહેર કરાયું છે.</p> <p class="isSelectedEnd">રાજ્યના અનેક જિલ્લાઓમાં યલો એલર્ટ જાહેર કરવામાં આવ્યું છે. જેમાં અમદાવાદ, બનાસકાંઠા, બોટાદ, દેવભૂમિ દ્વારકા, ગાંધીનગર, જામનગર, મહેસાણા, મોરબી, પાટણ, પોરબંદર, રાજકોટ અને સુરેન્દ્રનગરનો સમાવેશ થાય છે.</p> <p class="isSelectedEnd">આ ઉપરાંત આણંદ, અરવલ્લી, ભરૂચ, છોટાઉદેપુર, દાહોદ, ખેડા, મહીસાગર, નર્મદા, પંચમહાલ અને સાબરકાંઠા જિલ્લામાં પણ યલો એલર્ટ જાહેર કરાયું છે. વડોદરા જિલ્લામાં ગાજવીજ અને વીજળીના કડાકા સાથે વરસાદ વરસવાની શક્યતાને લઈને યલો એલર્ટ આપવામાં આવ્યું છે. </p> <p class="isSelectedEnd"><strong>મહેસાણાના કડીમાં મેઘરાજાની ધમાકેદાર બેટિંગ, માત્ર 2 કલાકમાં 8 ઈંચ વરસાદથી જળબંબાકાર સ્થિતિ</strong></p> <p class="isSelectedEnd">મહેસાણા જિલ્લાના કડી શહેરમાં મેઘરાજાએ ધમાકેદાર બેટિંગ કરતાં ભારે વરસાદ વરસાવ્યો છે. રાત્રે માત્ર બે કલાકના સમયગાળામાં 8 ઈંચ વરસાદ નોંધાતા સમગ્ર શહેરમાં જળબંબાકાર જેવી સ્થિતિ સર્જાઈ હતી. મળતી માહિતી મુજબ રાત્રે 2 વાગ્યાથી 4 વાગ્યા દરમિયાન કડીમાં ધોધમાર વરસાદ ખાબક્યો હતો. સતત વરસાદને કારણે શહેરના અનેક વિસ્તારોમાં પાણી ભરાઈ ગયા હતા અને જનજીવન પ્રભાવિત બન્યું હતું. ભારે વરસાદના કારણે કડીના નીચાણવાળા વિસ્તારો પાણીમાં ગરકાવ થઈ ગયા હતા. રસ્તાઓ પર પાણી ફરી વળતાં વાહનચાલકોને ભારે મુશ્કેલીનો સામનો કરવો પડ્યો હતો. કડી રેલવે અંડરપાસમાં પણ વરસાદી પાણી ભરાઈ જતા વાહન વ્યવહાર પર અસર જોવા મળી હતી. ઉપરાંત કરમનગર રોડ અને એસ.વી. કેમ્પસ નજીકના વિસ્તારોમાં પણ મોટા પ્રમાણમાં પાણી ભરાઈ જતાં સ્થાનિક લોકો મુશ્કેલીમાં મુકાયા હતા. હવામાન વિભાગે આગામી કલાકોમાં પણ વરસાદની શક્યતા વ્યક્ત કરી છે. સ્થાનિક તંત્ર દ્વારા પાણીના નિકાલ માટે કામગીરી હાથ ધરવામાં આવી છે અને લોકોને સાવચેતી રાખવાની અપીલ કરવામાં આવી છે.</p> <p class="isSelectedEnd">                    </p> <p> </p>