Rain News: દક્ષિણ ગુજરાતમાં હવામાન પલટાયું, નવસારી-વલસાડ અને સંઘપ્રદેશોમાં આગામી 3 કલાક વરસાદની આગાહી

<p><strong>Monsoon Update News:</strong> ગુજરાતમાં વરસાદી માહોલ જામ્યો છે, દક્ષિણ ગુજરાતમાં ભારે વરસાદે તબાહી મચાવી દીધી છે. જ્યાં જમીન ત્યાં જળ જેવી સ્થિતિ બની ગઇ છે. હવે આ બધાની વચ્ચે હવામાન વિભાગનું આજે નવું અપડેટ સામે આવ્યુ છે. હવામાન વિભાગ દ્વારા દક્ષિણ ગુજરાતમાં ભારેથી અતિભારે વરસાદની આગાહી કરવામાં આવી છે</p> <p><iframe title="ABP Asmita | Gujarat Weather Update | Headlines Today | Gujarat Politics | Gujarat Breaking News" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>હવામાન વિભાગ દ્વારા આજે સવારે જાહેર કરવામાં આવેલા તાજા નાઉ કાસ્ટ બુલેટિન મુજબ, આગામી ત્રણ કલાક (સવારે 7:00 થી 10:00 વાગ્યા) દરમિયાન દક્ષિણ ગુજરાતના નવસારી અને વલસાડ જિલ્લાઓ સહિત કેન્દ્રશાસિત પ્રદેશ દમણ અને દાદરા નગર હવેલીમાં 40 કિલોમીટર પ્રતિ કલાકની ઝડપે ફૂંકાતા તીવ્ર પવન અને ગાજવીજ સાથે હળવો વરસાદ થવાની સંભાવના વ્યક્ત કરવામાં આવી છે, જેને પગલે વહીવટી તંત્ર દ્વારા આ ચાર વિસ્તારોમાં જનજીવનની સલામતી માટે યલો એલર્ટ જાહેર કરી દેવામાં આવ્યું છે.</p> <p>હવામાન વિભાગના અધિકૃત સૂત્રોના જણાવ્યા અનુસાર, વાતાવરણમાં અચાનક આવેલા પલટા અને સ્થાનિક સ્તરે સર્જાયેલી ભેજવાળી પરિસ્થિતિને કારણે આ ટૂંકા ગાળાની વરસાદી પ્રક્રિયા સક્રિય થઈ છે. ખાસ કરીને દરિયાકાંઠાના વિસ્તારોમાં સવારથી જ વાદળછાયું વાતાવરણ જોવા મળી રહ્યું છે અને પવનની ગતિ સામાન્ય કરતાં વધુ નોંધી શકાય છે.</p> <p><strong><a title="આગામી 2 દિવસ કેવું રહેશે હવામાન? હવામાન વિભાગ અને અંબાલાલ પટેલની ચોંકાવનારી આગાહી" href="https://ift.tt/LU06Emd" target="_self">આગામી 2 દિવસ કેવું રહેશે હવામાન? હવામાન વિભાગ અને અંબાલાલ પટેલની ચોંકાવનારી આગાહી</a></strong></p> <p>આ અણધાર્યા હવામાન પલટાને કારણે સ્થાનિક ખેડૂતો અને માછીમારોને સાવચેત રહેવાની સૂચના આપવામાં આવી છે. તેજ પવનને કારણે કાચા મકાનો, હોર્ડિંગ્સ અને ઝાડ પડવાની ઘટનાઓ ન બને તે માટે વહીવટી તંત્રે પૂર્વતૈયારીઓ શરૂ કરી દીધી છે. દક્ષિણ ગુજરાતના નવસારી અને વલસાડમાં અગાઉ પણ ચોમાસા પૂર્વેની આવી પ્રક્રિયાઓ જોવા મળી છે, પરંતુ આ વખતે ગાજવીજ સાથે ત્રાટકનાર વરસાદ અને પવનની ગતિને જોતા નાગરિકોને બિનજરૂરી બહાર ન નીકળવા અપીલ કરાઈ છે.</p> <p>જ્યારે સંઘપ્રદેશ દમણ અને દાદરા નગર હવેલીમાં પણ સવારના સમયે જ અચાનક વીજળીના કડાકા-ભડાકા સાથે વાતાવરણમાં ઠંડક પ્રસરી ગઈ હતી. હવામાન વિભાગની આ ત્વરિત ચેતવણી આગામી ૧ થી ૩ કલાક માટે અત્યંત મહત્વપૂર્ણ માનવામાં આવી રહી છે, કારણ કે પવનની 40 કિમી પ્રતિ કલાકની સ્પીડ માર્ગો પર વાહનો ચલાવવામાં અને સામાન્ય અવરજવરમાં મુશ્કેલી ઊભી કરી શકે છે.</p>