<p><strong>Gujarat Rain:</strong> રાજ્યમાં ફરી ચોમાસાએ જમાવટ કરી છે. દક્ષિણ ગુજરાતમાં વરસાદ અને ઉપરવાસમાંથી પાણીની આવકના પગલે ટ્રેન વ્યવહારને અસર પહોંચી છે. સુરત, બરોડા, ભરૂચ, અમદાવાદ, રાજકોટ, ભાવનગર જતી ટ્રેનને અસર પહોંચી છે. 8 ટ્રેન સંપૂર્ણ રદ્દ કરવામાં આવી છે, જ્યારે વધુ બે ટ્રેન રદ્દ કરવા રેલવે વિભાગની તૈયારી છે. બાજવા-વડોદરા યાર્ડ વચ્ચે વીજ પુરવઠામાં ટેકનિકલ ભંગાણના કારણે આજની કેટલીક ટ્રેનો રદ કરવામાં આવી છે. વડોદરા ડિવિઝનના બાજવા-વડોદરા યાર્ડ વચ્ચે વીજ પુરવઠામાં ટેકનિકલ વિક્ષેપને કારણે કેટલીક ટ્રેનો રદ રહેશે, કેટલીક ટ્રેનો આંશિક રીતે રદ રહેશે.</p> <p><strong>રદ કરાયેલી ટ્રેનો</strong></p> <ol> <li>ટ્રેન નંબર 09156 – વડોદરા – સુરત મેમુ</li> <li>ટ્રેન નંબર 09152 – સુરત – વલસાડ મેમુ</li> <li>ટ્રેન નંબર 09154 – વલસાડ – ઉમરગામ મેમુ</li> <li>ટ્રેન નંબર 09153 – ઉમરગામ – વલસાડ મેમુ</li> <li>ટ્રેન નંબર 09151 – વલસાડ – સુરત મેમુ</li> <li>ટ્રેન નંબર 09155 – સુરત – વડોદરા મેમુ</li> <li>ટ્રેન નંબર 09495 – વડોદરા – અમદાવાદ મેમુ</li> <li>ટ્રેન નંબર 09496 – અમદાવાદ – વડોદરા મેમુ</li> <li>ટ્રેન નંબર 09400 – અમદાવાદ – આનંદ મેમુ</li> <li>ટ્રેન નંબર 09311 – વડોદરા – અમદાવાદ મેમુ વડોદરા – આણંદ વચ્ચે રદ રહેશે.</li> <li>ટ્રેન નંબર 09318 – આણંદ – વડોદરા મેમુ બાજવા – વડોદરા વચ્ચે રદ કરવામાં આવશે.</li> <li>ટ્રેન નંબર 09316 - અમદાવાદ - વડોદરા મેમુ આણંદ - વડોદરા વચ્ચે રદ રહેશે.</li> </ol> <p><strong>હવામાન વિભાગે આજે 9 જિલ્લામાં ભારે વરસાદની આગાહી કરી</strong></p> <p>બહુ લાંબા સમયના વિરામ બાદ છેલ્લા 2 દિવસથી ગુજરાતમાં મેઘરાજાએ ફરી રિએન્ટ્રી કરી છે. હવામાન વિભાગે 9 જિલ્લામાં આજે ભારે વરસાદની આગાહી કરી છે. બંગાળમાં સર્જાયેલ એક મજબૂત સિસ્ટમના કારણે ગુજરાતના મોટાભાગના જિલ્લામાં વરસાદી માહોલ જામ્યો છે. રાજ્યના અનેક વિસ્તારોમાં ધોધમાર વરસાદની રિ-એન્ટ્રી થઇ છે. આગામી ત્રણ કલાકમાં 9 જિલ્લાઓમાં અતિભારે વરસાદની આગાહી કરવામાં આવી છે. દક્ષિણ અને મધ્ય ગુજરાતની સાથે સૌરાષ્ટ્રમાં પણ વરસાદની આગાહી કરવામાં આવી છે. હવામાન વિભાગે આજે 9 જિલ્લામાં ભારે વરસાદની આગાહી કરી છે. અમરેલી, ભાવનગર, ગીર સોમનાથ, સુરત, તાપી,નર્મદા, ભરૂચ, દમણ, દાદરાનગર હવેલીમાં ભારે પવન અને ગાજવીજ સાથે ભારે વરસાદની આગાહી કરી છે.</p> <p><strong><a title="30 સપ્ટેમ્બરે પૂરી થઈ રહી છે આ 5 મહત્વપૂર્ણ કામોની ડેડલાઇન, નહીં કરો તો થશે મોટું નુકસાન" href="https://ift.tt/vH42Nw3" target="_self">30 સપ્ટેમ્બરે પૂરી થઈ રહી છે આ 5 મહત્વપૂર્ણ કામોની ડેડલાઇન, નહીં કરો તો થશે મોટું નુકસાન</a></strong></p>
Comments
Post a Comment