Gujarat Rain Forecast: રાજ્યના આ જિલ્લામાં ભારે વરસાદની આગાહી, હવામાન વિભાગનું ઓરેંજ એલર્ટ

<p><strong>Gujarat Rain Forecast:</strong>હવામાન વિભાગની આગાહી મુજબ આજે કચ્છ-સૌરાષ્ટ્રમાં ભારેથી અતિભારે વરસાદ વરસી શકે છે. &nbsp;કચ્છ,દેવભૂમિ દ્વારકા અને પોરબંદરમાં વરસાદનું ઓરેન્જ એલર્ટ જાહેર કરવામાં આવ્યું છે. &nbsp;તો જામનગર, મોરબી, જૂનાગઢ અને ગીર સોમનાથમાં છુટાછવાયા સ્થળોએ ભારે વરસાદ વરસી શકે છે. &nbsp;</p> <p>ઉત્તર ગુજરાતના ત્રણ જિલ્લામાં આજે છુટાછવાયા સ્થળોએ ભારે વરસાદ વરસી શકે છે. બનાસકાંઠા, પાટણ અને સાબરકાંઠામાં પણ વરસાદની આગાહી છે. દક્ષિણ ગુજરાતના બે જિલ્લામાં આજે વરસાદનું હવામાન વિભાગે &nbsp;અનુમાન વ્યક્ત કરતા યલો એલર્ટ જાહેર કર્યું છે. દક્ષિણ ગુજરાતના બે જિલ્લા &nbsp;નવસારી અને વલસાડમાં ભારે વરસાદ વરસી શકે છે.</p> <p>સંઘ પ્રદેશ દમણ અને દાદરાનગર હવેલીમાં આજે ભારે વરસાદની આગાહી&nbsp; કરવામાં આવી છે. તો પ્રવાસન સ્થળ દીવમાં છુટાછવાયા સ્થળોએ હળવોથી મધ્યમ વરસાદ વરસી શકે છે.</p> <p>રાજ્યના 206 પૈકી 75 જળાશયો એલર્ટ પર છે. . 90 ટકાથી વધુ ભરાયેલા 52 જળાશયો હાઈએલર્ટ પર છે. 80થી 90 ટકા ભરાયેલા 11 જળાશયો એલર્ટ પર છે., તો 70થી 80 ટકા ભરાયેલા 12 જળાશયો વોર્નિંગ પર છે.</p> <p>રાજ્યના 207 પૈકી 45 જળાશયો &nbsp;છલોછલ છે.. સૌરાષ્ટ્રના 35, કચ્છના છ તો દક્ષિણ ગુજરાતના ચાર જળાશયો સંપૂર્ણ ભરાઇ ચૂક્યાં છે. &nbsp;કુલ 207 જળાશયોમાં હાલ 49.50 ટકા જળસંગ્રહ છે.</p> <p>દેશમાં પૂર્વથી પશ્ચિમ સુધી મધ્યમથી ભારે વરસાદની ભારતીય હવામાન વિભાગે &nbsp;આગાહી વ્યક્ત કરી છે. કર્ણાટક, રાજસ્થાન, અને મધ્ય પ્રદેશમાં ભારે વરસાદ વરસી શકે છે. તો જમ્મુ-કશ્મીર, હિમાચલ, ઉત્તરાખંડની સાથે સિક્કિમ અને આસામમાં હવામાન વિભાગે ભારે વરસાદનું એલર્ટ &nbsp;જાહેર કર્યું છે.</p> <p>જમ્મુ-શ્રીનગર-લેહ હાઈવે પર ભારે વરસાદ અને પૂરના પ્રકોપના કારણે જનજીવન અસ્તવ્યસ્ત થયું છે . .. શ્રીનગર-લેહથી 135 કિલોમીટર પશ્ચિમમાં લામાયુરૂમાં અચાનક પૂરથી ચારેય તરફ તબાહી મચી ગઇ છે.&nbsp; હિમાચલ પ્રદેશના કાંગડામાં મોડી રાત્રે મૂશળધાર વરસાદ વરસ્યો છે. ધોધમાર વરસાદથી સ્થાનિક નદીઓમાં ઘોડાપુરની સ્થિતિ સર્જાઇ છે... હવામાન વિભાગે ભારે વરસાદનું આજે પણ એલર્ટ &nbsp;જાહેર કર્યું છે</p> <p>હિમાચલ પ્રદેશના સોલનમાં ભૂસ્ખલનથી ભારે નુકસાન થયું છે. ચંદીગઢ-શીમલા હાઈવે પર ભૂસ્ખલનથી એકનું મોત, ત્રણ ઈજાગ્રસ્ત.. કેટલાક વાહનો પણ ભૂસ્ખલનની ચપેટમાં આવતા ક્ષતિગ્રસ્ત થયા છે.મધ્યપ્રદેશના બુરહાનપુરમાં તાપ્તી નદીમાં ઘોડાપુરની સ્થિતિ સર્જાતા કેટલાક ગામો સંપર્ક વિહોણા થયા છે . બૈતુલના પારસડોહ ડેમમાંથી પાણી છોડાતા તાપ્તી નદીનું જળસ્તર વધ્યું છે. &nbsp;</p> <p>&nbsp;</p> <p>&nbsp;</p> <p>&nbsp;</p>