એક મહિનો મુદત વધારાઇ:વડોદરામાં સૂચિત જંત્રી માટે વાંધા સૂચનોની તારીખ લંબાવીને 20 જાન્યુઆરી કરાઇ

https://ift.tt/oqjVrcZ ગુજરાત રાજ્યમાં ગુજરાત સ્ટેમ્પ અધિનિયમ-1958ની કલમ-32(ક)ના અસરકારક અમલ માટે રાજ્ય સરકાર દ્વારા સમગ્ર રાજ્યની જમીનો સ્થાવર મિલકતોની બજાર કિંમત નક્કી કરવા માટેની ગાઈડલાઇન વેલ્યુ(જંત્રી) સમયાંતરે નક્કી કરવામાં આવે છે. હાલમાં રાજ્યમાં આ વિભાગના મુસદ્દારૂપ જંત્રી-2024 અને માર્ગદર્શિકા-2024 માટે મંગાવવામાં આવેલા વાંધા સૂચનો રજૂ કરવાની તારીખ લંબાવીને તા. 20-01-2024 કરવામાં આવી છે. પ્રજાજનો તરફથી વધુ સૂચનો મેળવવા તારીખ લંબાવાઈ વાંધા-સુચન માટે ઓનલાઈન https://ift.tt/BIwh5e3 વેબસાઈટ પર પ્રસિદ્ધ કરવામાં આવેલ તથા સંબંધિત નાયબ કલેકટર (સ્ટેમ્પ ડયુટી)ની કચેરી ખાતે પણ જે-તે જિલ્લા પૂરતી જાહેર જનતાના નિરીક્ષણ માટે આ વિગતો ઉપલબ્ધ રહેશે તથા મુસદ્દારૂપ જંત્રી-2024 અને માર્ગદર્શિકા-2024 અન્વયે જો વાંધા-સૂચન રજૂ કરવાના થતા હોય તો તે માટે https://ift.tt/BIwh5e3 વેબસાઈટના માધ્યમથી ઓનલાઈન જૂની તારીખ 20-12-2024 સુધીમાં વાંધા-સૂચન રજૂ કરવાનું નિયત કરવામાં આવ્યું હતું. ​​​​​​​જેમાં સરકારને વિવિધ સંગઠનોની તથા હિત ધરાવતા અરજદારો તરફથી રાજ્યનો ખેડૂત વર્ગ તથા રાજ્યના અંતરીયાળ વિસ્તારમાં રહેતા સામાન્ય માણસ પણ પ્રસિધ્ધ થયેલ મુસદ્દારૂપ જંત્રી-2024 અંગે પોતાની રજુઆત-વાંધો ઓનલાઈન ઉપરાંત સ્થાનિક કક્ષાએ ઓફલાઈન અરજી દ્વારા રજૂ કરી શકે અને હજુ વધુ સૂચનો પ્રજાજનો તરફથી મળવાની શક્યતા છે. ઓનલાઈન અથવા ઓફલાઈન બંને રીતે સૂચન રજૂ કરી શકશો ​​​​​​​હાલની મુદતમાં વધારો કરવા અંગેની વિવિધ માધ્યમો દ્વારા મળેલ રજૂઆતો ધ્યાને લઈ વ્યાપક જનહિતમાં જો વાંધા-સૂચન રજૂ કરવાના થતા હોય તે માટે https://ift.tt/c9y42XR વેબસાઈટના માધ્યમથી ઓનલાઈન ઉપરાંત સ્થાનિક કક્ષાએ સબ રજીસ્ટ્રાર કચેરી, મામલતદાર કચેરી, પ્રાંત અધિકારીની કચેરી, નાયબ કલેકટર સ્ટેમ્પ મુલ્યાંકન તંત્રની કચેરી તથા કલેકટર કચેરી ખાતે ઓફલાઈન આ સાથે બિડાણમાં સામેલ અરજીના નમૂનામાં વાંધા-સૂચન રજૂ કરવાના રહેશે. મુસદ્દારૂપ જંત્રી-2024 અને માર્ગદર્શિકા-2024 જો વાંધા-સુચન રજૂ કરવાના થતા હોય તો તે ઓનલાઈન અથવા ઓફલાઈન તા. 20/1/2025 સુધીમાં રજૂ કરવાના રહેશે.