Cold Wave: ઠંડીના કારણે રાજકોટમાં શાળાઓના સમયમાં ફેરફાર, હવેથી અડધો કલાક મોડી ખુલશે સ્કૂલો, વાંચો ન્યૂ ટાઇમિંગ

<p><strong>Cold Wave Alert:</strong> રાજ્યમાં કાતિલ ઠંડીની શરૂઆત થઇ ગઇ છે. હવામાન વિભાગ અને આગાહીકારોના મતે આગામી દિવસોમાં ઠંડીનું જોર હજુ પણ વધી શકે છે. કાતિલ ઠંડીના આગાહીને ધ્યાનમાં રાખીને હવે રાજકોટ DEOએ મોટો નિર્ણય લીધો છે. નાના બાળકોને ઠંડીથી સમસ્યા ઉભી ના થાય તે માટે સ્કૂલોનો સમય નિયત સમય કરતાં થોડો મોડો કરવામાં આવ્યો છે. હવેથી શાળાઓનો સમયે સવારે 7.40 કરવામાં આવ્યો છે, જે હાલમાં 7.10 છે.</p> <p>રાજ્યમાં ઠંડીનો ચમકારો વધતાં શૈક્ષણિક કાર્યને પણ અસર પહોંચી રહી છે. વિદ્યાર્થીઓને મૉર્નિંગ સ્કૂલમાં વહેતા પહોંચવા માટે તકલીફો પડી રહી છે, હાલમાં મળેલા તાજા અપડેટ પ્રમાણે, ઠંડી વધતા રાજકોટ DEOએ શાળા સંચાલકોને શાળાનો સમય મોડો કરવાનો આદેશ કર્યો છે. નવા નૉટિફિકેશન પ્રમાણે, રાજકોટમાં સવારની શાળાઓનો સમય 30 મિનિટ મોડો કરવામાં આવ્યો છે, જે શાળા સવારે 7.10થી શરૂ થઇ રહી હતી તે હવેથી 7.40 કલાકે શરૂ થશે.</p> <h4 class="abp-article-title">આગામી 3 દિવસ રહેશે કાતિલ ઠંડીનો ચમકારો</h4> <p>હવામાન વિભાગ અનુસાર, ગુજરાતમાં આગામી 5 દિવસ ઠંડીનું જોર વધશે, હવામાન વિભાગે જણાવ્યું છે કે, આગામી 3 દિવસ ઠંડી વધશે અને ત્યારબાદ લઘુત્તમ તાપમાનમાં વધારો થશે અને ઠંડી સામાન્ય ઓછી થશે. હાલના દિવસોમાં નલિયા અને રાજકોટમાં ઓછું તાપમાન નોંધાયું છે, કૉલ્ડવેવની અસર જોવા મળી છે. આગામી બે દિવસ સૌરાષ્ટ્ર અને કચ્છના કેટલાક વિસ્તારમાં કૉલ્ડવેવની આગાહી કરાઈ છે. ઉત્તર-પૂર્વ તરફના પવનો ફૂંકાઈ રહ્યા છે. ઉત્તર ભારતમાં થઈ રહેલી હિમવર્ષાને કારણે રાજ્યમાં ઠંડી વધી છે. ગુજરાતમાં આગામી ત્રણ દિવસમાં તાપમાનમાં બે ડિગ્રી જેટલો ઘટાડો થશે એટલે કે લોકોએ ઠંડી સહન કરવી પડશે. છેલ્લા બે દિવસથી દિવસ દરમિયાન પણ ઠંડા પવન ફૂંકાવાને કારણે લોકો ઠંડીનો સામનો કરી રહ્યાં છે. રાજ્યમાં ઠંડીનો જોરદાર ચમકારો અનુભવાઈ રહ્યો છે.</p> <p>આ ઉપરાંત રાજ્યમાં જાણીતા આગાહીકાર અંબાલાલ પટેલે 11 ડિસેમ્બરના વેસ્ટર્ન ડિસ્ટર્બન્સની અસરના કારણે ઉત્તર ગુજરાત, મધ્ય ગુજરાત, કચ્છ અને સૌરાષ્ટ્રમાં ઠંડીનું જોર વધશે તેવી આગાહી કરી છે. અંબાલાલ પટેલે આગાહી કરી છે કે, 15 થી 17 ડિસેમ્બરના રોજ વાદળો આવી શકે છે અને ડિસેમ્બરના અંતમાં હળવું માવઠું થવાની પણ શક્યતા વ્યક્ત કરી છે. તેમના મતે ડિસેમ્બર મહિનામાં બીજીવાર વાવાઝોડાનું સંકટ પેદા થયું છે. અંબાલાલ પટેલની આગાહી છે કે, 23 ડિસેમ્બરથી ગાત્રો થીજવતી ઠંડી પડશે. 16 થી 22 ડિસેમ્બર દરમિયાન વાદળ વાયુ આવવાથી અરબ સાગરમાં લૉ પ્રેશર બનવાની શક્યતા રહેશે તેવુ પણ તેમણે જણાવ્યું. આગામી 48 કલાક સૌરાષ્ટ્ર અને કચ્છમાં કૉલ્ડવેવની આગાહી છે. આગામી ત્રણ દિવસ રાજ્યમાં ઠંડીનું જોર વધશે. રાજ્યના તાપમાનમાં હજી 2 ડિગ્રીનો ઘટાડો નોંધાશે. &nbsp;&nbsp;</p> <p>ભારતીય હવામાન વિભાગ (IMD) એ શનિવારે આગાહી કરી છે કે દેશના ઘણા રાજ્યોમાં આગામી સાત દિવસ સુધી શીત લહેર ચાલુ રહેશે. બંગાળની ખાડીમાં લો પ્રેશર સિસ્ટમના કારણે દક્ષિણ ભારતમાં ભારે વરસાદની શક્યતા છે. વેસ્ટર્ન ડિસ્ટર્બન્સના કારણે ઉત્તરીય વિસ્તારોમાં શીત લહેર, ગાઢ ધુમ્મસ અને હિમવર્ષા થવાની સંભાવના છે. ડિસેમ્બર મહિનામં બીજી વાર વાવાઝોડાનું સંકટ પેદા થયું છે. અંબાલાલ પટેલની આગાહી છે કે, 23 ડિસેમ્બરથી ગાત્રો થીજવતી ઠંડી પડશે. 16 થી 22 ડિસેમ્બર દરમિયાન વાદળ વાયુ આવવાથી અરબ સાગરમાં લો પ્રેશર બનવાની શક્યતા રહેશે તેવુ પણ તેમણે જણાવ્યું. વેસ્ટર્ન ડિસ્ટબન્સની અસરના કારણે છેલ્લા કેટલાક દિવસોથી ગુજરાતમાં ઠંડીનું જોર ઘટ્યું હતુ.</p> <p><strong>આ પણ વાંચો</strong></p> <p><strong><a title="Winter Alert: આગામી 3 દિવસ રહેશે કાતિલ ઠંડીનો ચમકારો, રાજ્યના આ વિસ્તારો બનશે ઠંડાગાર" href="https://ift.tt/BLCGj4k" target="_self">Winter Alert: આગામી 3 દિવસ રહેશે કાતિલ ઠંડીનો ચમકારો, રાજ્યના આ વિસ્તારો બનશે ઠંડાગાર</a></strong></p> <p>&nbsp;</p>