સૌરાષ્ટ્ર યુનિવર્સિટીના 10 છાત્રો G-SET માં સફળ:રીમીડીયલ ક્લાસ અને પ્રોફેસરોના માર્ગદર્શનથી વિદ્યાર્થીઓએ ઉચ્ચ શિક્ષણ ક્ષેત્રે મારી બાજી

https://ift.tt/khTEx29 રાજકોટ સ્થિત સૌરાષ્ટ્ર યુનિવર્સિટીના ઇતિહાસ અનુસ્નાતક ભવનના 10 વિદ્યાર્થીઓએ G-SET (Gujarat State Eligibility Test) પરીક્ષામાં ઝળહળતી સફળતા પ્રાપ્ત કરી સંસ્થાનું નામ રોશન કર્યું છે. 16 November 2025 ના રોજ લેવાયેલી આ પરીક્ષાનું પરિણામ 13 January 2026 ના રોજ જાહેર કરવામાં આવ્યું હતું, જેમાં ઇતિહાસ વિષયમાં ભવનના વિદ્યાર્થીઓએ ઐતિહાસિક પ્રદર્શન કર્યું છે. નિયમિત શિક્ષણ સાથે વિશેષ કોચિંગની ફળશ્રુતિ ઇતિહાસ ભવનના અધ્યક્ષ ડો. કલ્પાબેન માણેકના નેતૃત્વમાં અને ડો. જીતેશ એ. સાંખટના માર્ગદર્શન હેઠળ અહીં વર્ષમાં બે વાર NET અને G-SET માટેના ખાસ રીમીડીયલ વર્ગોનું આયોજન કરવામાં આવે છે. શૈક્ષણિક કાર્ય સિવાયના સમયમાં ચાલતા આ વર્ગોમાં વિદ્યાર્થીઓને વિષયની ઊંડાણપૂર્વકની સમજ આપવામાં આવે છે, જે આ સફળતાનું મુખ્ય કારણ છે. સફળતા મેળવનાર તેજસ્વી તારલાઓ આ પરીક્ષામાં હાલ સેમેસ્ટર 4 માં અભ્યાસ કરતા વાઘેલા રોહિત, વાઘેલા વિમલ, ભોય અજય અને મેસવાણિયા નેહાબેને અભ્યાસની સાથે જ આ સિદ્ધિ મેળવી છે. આ ઉપરાંત મહેતા રેમાંગી, મકવાણા આરતીબેન, જોશી કૌશિક, વઢવાણા મિતેશ, કવા રસનીબેન અને લલિત રોજસરાએ પણ સફળતાના શિખરો સર કર્યા છે. આ વિદ્યાર્થીઓ હવે ગુજરાતમાં આસિસ્ટન્ટ પ્રોફેસર બનવા માટે પાત્રતા ધરાવે છે. કુલપતિશ્રી દ્વારા પ્રોત્સાહન આ ભવ્ય સફળતા બદલ સૌરાષ્ટ્ર યુનિવર્સિટીના કુલપતિ ડો. ઉત્પલ જોશી સાહેબે તમામ સફળ વિદ્યાર્થીઓ અને ઇતિહાસ ભવનના સ્ટાફને રૂબરૂ મળીને અભિનંદન પાઠવ્યા હતા. તેમણે જણાવ્યું હતું કે, આવી સ્પર્ધાત્મક પરીક્ષાઓમાં સફળતા એ શૈક્ષણિક ગુણવત્તા અને શિસ્તબદ્ધ વાતાવરણનું પ્રતિબિંબ છે.