માવઠાનું સંકટ! ફેબ્રુઆરીમાં ગુજરાતમાં ક્યાં-ક્યાં પડશે વરસાદ? જાણો અંબાલાલ પટેલની મોટી આગાહી

<p><strong>Ambalal Patel Weather Forecast:</strong> અમદાવાદ અને ગાંધીનગર સહિત સમગ્ર ગુજરાતના ખેડૂતો (Farmers) માટે ફરી એકવાર ચિંતાજનક સમાચાર આવ્યા છે. રાજ્યના જાણીતા હવામાન નિષ્ણાત (Weather Expert) અંબાલાલ પટેલે ફેબ્રુઆરી મહિનામાં હવામાનમાં મોટા પલટાની આગાહી કરી છે. સામુદ્રીક પેરામીટર્સ અને 'વેસ્ટર્ન ડિસ્ટર્બન્સ' (Western Disturbance) ની અસરને કારણે રાજ્યના અનેક વિસ્તારોમાં કમોસમી વરસાદ એટલે કે માવઠું (Unseasonal Rain) થવાની શક્યતા વ્યક્ત કરવામાં આવી છે.</p> <p>અંબાલાલ પટેલના જણાવ્યા અનુસાર, ઉત્તર ભારતના પહાડી વિસ્તારોમાં વેસ્ટર્ન ડિસ્ટર્બન્સ સક્રિય થવાને કારણે ભારે હિમવર્ષા અને બરફના તોફાનો જોવા મળી શકે છે. આ કુદરતી ઘટનાની સીધી અસર પડોશી રાજ્યો રાજસ્થાન અને ગુજરાતના હવામાન (Gujarat Weather) પર પડશે. ખાસ કરીને 2 February સુધીમાં રાજ્યના વાતાવરણમાં નોંધપાત્ર ફેરફાર જોવા મળશે.</p> <p>આગાહી મુજબ, વાતાવરણ પલટાશે અને ઉત્તર ગુજરાતના કેટલાક વિસ્તારોમાં છાંટા પડી શકે છે. સૌરાષ્ટ્ર અને કચ્છ પંથકમાં પણ વાદળછાયું વાતાવરણ રહેશે. ખાસ કરીને કચ્છ, રાજકોટ અને સૌરાષ્ટ્રના અન્ય જિલ્લાઓમાં વરસાદી છાંટા પડવાની વકી છે, જે શિયાળાના અંતિમ તબક્કામાં અસામાન્ય ગણાય.</p> <p>માત્ર સૌરાષ્ટ્ર જ નહીં, પણ મધ્ય અને દક્ષિણ ગુજરાત પર પણ તેની અસર થશે. દાહોદ અને પંચમહાલના આસપાસના પટ્ટામાં હળવા વરસાદ (Light Rain) ની શક્યતા છે. જ્યારે દક્ષિણ ગુજરાતમાં પણ હવામાનનો મિજાજ બદલાયેલો જોવા મળશે, જેનાથી ખેડૂતોની ચિંતા વધી છે.</p> <p>હાલમાં રાજ્યમાં રવિ સીઝન પૂરજોશમાં છે. ખેતરોમાં જીરું, ચણા, ઘઉં અને મસાલાના પાકો (Spices Crops) લહેરાઈ રહ્યા છે અને અત્યાર સુધી પાકની સ્થિતિ સારી જોવા મળી રહી છે. પરંતુ વાતાવરણનો આ પલટો તૈયાર પાક પર પાણી ફેરવી શકે છે.</p> <p>અંબાલાલ પટેલે લાલ બત્તી ધરતા ચેતવણી આપી છે કે જો ફેબ્રુઆરીમાં માવઠું થશે તો તૈયાર થયેલા શિયાળુ પાક (Winter Crops) ને મોટું નુકસાન થઈ શકે છે. ખાસ કરીને જીરું જેવા સંવેદનશીલ પાકને ભેજવાળું વાતાવરણ માફક આવતું નથી. તેથી પાક સંરક્ષણ માટે ખેડૂતોએ આગમચેતીના પગલાં લેવા હિતાવહ છે.</p> <p>તાપમાન વિશે વાત કરીએ તો, આગાહી મુજબ 20 February બાદ ઠંડીનું જોર ઘટશે અને ગરમી વધવાની શરૂઆત થશે. આ સમયગાળો ઉનાળુ પાકો માટે સાનુકૂળ રહેશે. પરંતુ ત્યાં સુધી વાતાવરણમાં આવતા ઓચિંતા ફેરફારો અને કમોસમી વરસાદ ખેતી માટે જોખમી સાબિત થઈ શકે છે.</p>