Gujarat Weather: ભરશિયાળે રાજ્યમાં માવઠાનું અનુમાન, હવામાન વિભાગે 3 જિલ્લામાં કરી વરસાદની આગાહી

<p><strong>અમદાવાદ:</strong> રાજ્યના હવામાન વિભાગ દ્વારા માવઠાને લઈ આગાહી કરવામાં આવી છે. હવામાન વિભાગની આગાહી અનુસાર, કચ્છ, બનાસકાંઠા અને પાટણમાં માવઠું પડવાની શક્યતા છે. &nbsp; વીજળીના કડાકા સાથે વરસાદની શક્યતા વ્યક્ત કરવામાં આવી છે. &nbsp;વેસ્ટર્ન ડિસ્ટર્બન્સના કારણે માવઠું રહેવાની હવામાન વિભાગે આગાહી &nbsp;કરી છે. &nbsp;</p> <p><strong>કાતિલ ઠંડીનું જોર વધશે</strong></p> <p>હવામાન વિભાગની આગાહી અનુસાર, આગામી 24 કલાક બાદ બે દિવસ ઠંડીનું જોર વધશે. &nbsp;અમદાવાદમાં 16.8 ડિગ્રી તાપમાન નોંધાયું છે. &nbsp;નલિયામાં સૌથી નીચું 10.4 ડિગ્રી તાપમાન નોંધાયું છે. &nbsp;ગાંધીનગરમાં 16 ડિગ્રી તાપમાન નોંધાયું છે.&nbsp; હવામાન વિભાગ મુજબ આગામી બે દિવસ રાજ્યમાં ઠંડીનું જોર વધતું જોવા મળશે. રાજ્યમાં 3 ડિગ્રી સુધી તાપમાનમાં ઘટાડો થવાથી ઠંડી વધી શકે છે. &nbsp;આજે 22 જાન્યુઆરી &nbsp;નલિયામાં 10.4 ડિગ્રી લઘુતમ તાપમાન નોંધાયું છે.&nbsp;</p> <p><strong>માછીમારોને આગામી બે દિવસ દરિયો ન ખેડવા સૂચના</strong></p> <p>હવામાન વિભાગે માછીમારોને આગામી બે દિવસ દરિયો ન ખેડવા સૂચના આપી છે. &nbsp;હવામાન વિભાગના ડાયરેક્ટર એ. કે. દાસના જણાવ્યા મુજબ રાજ્યના ત્રણ જિલ્લાઓમાં વરસાદની શક્યતા છે.&nbsp;</p> <p><strong>વેસ્ટર્ન ડિસ્ટર્બન્સ સક્રિય થવાની આગાહી</strong></p> <p>આગામી દિવસોમાં દેશમાં એક પછી એક એમ કુલ 3 વેસ્ટર્ન ડિસ્ટર્બન્સ (Western Disturbance) સક્રિય થવાની ભીતિ સેવાઈ રહી છે. જેની સીધી અસર ગુજરાતના વાતાવરણ પર પડી શકે છે. ખાસ કરીને 22 &nbsp;જાન્યુઆરી બાદ વાતાવરણમાં પલટો આવવાની શક્યતા છે, જેને પગલે ઉત્તર ગુજરાત, કચ્છ અને સૌરાષ્ટ્રના કેટલાક વિસ્તારોમાં સામાન્ય કમોસમી વરસાદ (Unseasonal Rain) અથવા માવઠું થવાના સંકેત મળી રહ્યા છે.</p> <p><strong>તાપમાનના આંકડા અને સ્વાસ્થ્ય ચેતવણી</strong></p> <p>હાલના તાપમાનની વાત કરીએ તો આગામી દિવસોમાં લઘુતમ તાપમાન 14 થી 15 ડિગ્રી અને મહત્તમ તાપમાન 30 થી 32 ડિગ્રીની આસપાસ રહેવાનું અનુમાન છે. ઠંડી, ગરમી અને સંભવિત વરસાદના આ મિશ્ર વાતાવરણને કારણે લોકોમાં વાયરલ ઇન્ફેક્શનના કેસો વધવાની શક્યતા છે, તેથી નાગરિકોને સ્વાસ્થ્ય સંભાળવાની સલાહ આપવામાં આવે છે.</p> <p><strong>નલિયામાં કાતિલ ઠંડી</strong></p> <p>બીજી તરફ, રાજ્યમાં ઠંડીનો ચમકારો યથાવત છે. કચ્છનું નલિયા આજે 10.4 ડિગ્રી તાપમાન સાથે રાજ્યનું સૌથી ઠંડુગાર શહેર નોંધાયું હતું. આ ઉપરાંત સૌરાષ્ટ્ર-કચ્છના અન્ય શહેરોમાં પણ તાપમાનનો પારો ગગડ્યો છે. ગુજરાતના ઘણા શહેરોમાં તાપમાનનો પારો ગગડ્યો છે. આ કારણે કાતિલ ઠંડીનો ચમકારો વધ્યો છે.&nbsp; &nbsp; &nbsp; &nbsp; &nbsp;</p>