દેવોસમાં ગુજરાતની ગુંજ:WEF 2026માં 30થી વધુ વૈશ્વિક દિગ્ગજ સાથે હાઇ-લેવલ બેઠકો, ભવિષ્યના રોકાણ માટે ગુજરાત ‘ફર્સ્ટ ચોઈસ’

https://ift.tt/ph1MAvB દેવોસ (સ્વિટ્ઝર્લેન્ડ) ખાતે યોજાઈ રહેલા વર્લ્ડ ઇકોનોમિક ફોરમ (WEF) 2026માં ગુજરાત સરકારે વૈશ્વિક મંચ પર પોતાની શક્તિ અને તૈયારીનું પ્રભાવશાળી પ્રદર્શન કર્યું છે. નાયબ મુખ્યમંત્રી હર્ષ સંઘવીના નેતૃત્વમાં ગુજરાતની ઉચ્ચસ્તરીય પ્રતિનિધિમંડળે ત્રણ દિવસ દરમિયાન વૈશ્વિક ચેરમેન, CEO, રોકાણકારો અને બહુરાષ્ટ્રીય સંસ્થાઓ સાથે 30થી વધુ બેઠક યોજી હતી. WEF 2026માં ગુજરાતની આ પ્રથમ સંરચિત અને હાઇ-લેવલ ભાગીદારી રાજ્યની ઝડપી વિકાસગતિ, વૈશ્વિક સહયોગ માટેની તૈયારી અને ‘વિકસિત ગુજરાત@2047’ના દીર્ઘદ્રષ્ટિપૂર્ણ વિઝનને મજબૂત રીતે રજૂ કરે છે. સેમિકન્ડક્ટરથી AI સુધી વ્યૂહાત્મક ચર્ચા સેમિકન્ડક્ટર, એડવાન્સ ઇલેક્ટ્રોનિક્સ અને આર્ટિફિશિયલ ઇન્ટેલિજન્સ ક્ષેત્રે Micron, Tata Electronics, NVIDIA, OpenAI, IonQ સહિતની વૈશ્વિક કંપનીઓ સાથે ચર્ચાઓ થઈ. સેમિકન્ડક્ટર ફેબ્રિકેશન, AI-આધારિત નવીનતા અને ક્વાન્ટમ ટેકનોલોજી માટે ભાગીદારીના માર્ગો પર વિચારવિમર્શ થયો. ડેટા સેન્ટર, ડિજિટલ ઇન્ફ્રાસ્ટ્રક્ચર અને સ્માર્ટ ટેક IBM, Cognizant, Johnson Controls સહિતના દિગ્ગજ સાથે ડેટા સેન્ટર્સ, ટેલિકોમ, સ્માર્ટ ઇન્ફ્રાસ્ટ્રક્ચર અને ડિજિટલ રિઝિલિયન્સ પર કેન્દ્રિત બેઠકો યોજાઈ. ગ્રીન એનર્જી અને હાઈડ્રોજન પર ફોકસ Hitachi Energy, ENGIE, EDF, Vestas, INOX GFL અને Trafigura સાથે ગ્રીન હાઈડ્રોજન, રિન્યુએબલ એનર્જી મેન્યુફેક્ચરિંગ, ગ્રિડ મોડર્નાઇઝેશન અને ડિકાર્બનાઇઝેશન અંગે વ્યૂહાત્મક ચર્ચાઓ થઈ. પોર્ટ્સ, લોજિસ્ટિક્સ અને વૈશ્વિક વેપાર A.P. Moller–Maersk સાથે પોર્ટ-લેડ ડેવલપમેન્ટ, મલ્ટીમોડલ લોજિસ્ટિક્સ અને સપ્લાય ચેઇન ઇન્ટિગ્રેશન પર વિશેષ ચર્ચા થઈ, જેમાં વૈશ્વિક વેપારમાં ગુજરાતની ભૂમિકા વધુ મજબૂત કરવાની દિશા પર ભાર મૂકાયો. નાયબ મુખ્યમંત્રી હર્ષ સંઘવીએ જણાવ્યું કે, “વડાપ્રધાન નરેન્દ્ર મોદી અને મુખ્યમંત્રી ભૂપેન્દ્ર પટેલના નેતૃત્વ હેઠળ ગુજરાત ભવિષ્યનું ગેટવે બની રહ્યું છે. WEF 2026માં થયેલ બેઠકો સ્પષ્ટ સંદેશ આપે છે કે ગુજરાત આગામી પેઢીના વૈશ્વિક રોકાણ માટે સંપૂર્ણ રીતે તૈયાર છે.” ‘Gujarat – Ready for the World’નો સંદેશ WEF 2026ના અંતિમ તબક્કે પણ ગુજરાત પ્રતિ વૈશ્વિક રસ યથાવત છે. “Gujarat – Ready for the World, Where Vision Meets Action”ના સંદેશ સાથે ગુજરાતે વૈશ્વિક વિકાસની કહાનીમાં પોતાની આગવી ઓળખ વધુ મજબૂત કરી છે.