Banaskantha: મગફળી બિયારણ મુદ્દે કિસાન સંઘ મેદાને, ત્રણ તાલુકા સિવાયના ખેડૂતો બાકાત રખાતા આંદોલનની ચીમકી

<p><strong>Banaskantha Farmers Protest:</strong> બનાસકાંઠા જિલ્લામાં સરકારી યોજના હેઠળ વિતરણ થનારી મગફળીના બિયારણની ફ્રી કીટ મુદ્દે ભેદભાવનો આક્ષેપ કરીને આજે ભારતીય કિસાન સંઘના નેજા હેઠળ મોટી સંખ્યામાં ખેડૂતો અને અગ્રણીઓએ પાલનપુર સ્થિત કલેક્ટર કચેરીએ પહોંચીને ઉગ્ર વિરોધ પ્રદર્શન કર્યું હતું. </p> <p><iframe title="Israel Iran War LIVE | Sthanik Swaraj Election | Gujarat Politics | Breaking News | ABP Asmita LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>સરકારે મગફળી બિયારણ કીટ મેળવવા માટે ખેડૂતો પાસે ઓનલાઈન ફોર્મ ભરાવ્યા હતા, પરંતુ ઓનલાઈન નોંધણી પૂર્ણ થયા બાદ સરકારે માત્ર દાંતા, અમીરગઢ અને ધાનેરા એમ ત્રણ જ તાલુકાના ખેડૂતોને આ લાભ આપવાનો નિર્ણય કર્યો હતો, જ્યારે બાકીના તમામ તાલુકાઓને આ યોજનામાંથી બાકાત રાખી દેવાયા હતા. આ પક્ષપાતી વલણ અને બિયારણ ન મળવાના કારણે આક્રોશે ભરાયેલા કિસાન સંઘ અને જગતાતે આજે જિલ્લા કલેક્ટરને આવેદનપત્ર પાઠવી રજૂઆત કરી હતી અને જો આગામી દિવસોમાં તમામ ખેડૂતોને મગફળીનું બિયારણ નહીં મળે તો ઉગ્ર આંદોલન કરવાની ચીમકી ઉચ્ચારી છે.</p> <p><strong>પક્ષપાતનો આરોપ અને જગતાતની મુશ્કેલીઓ</strong><br />કિસાન સંઘના આગેવાનોએ સરકાર પર ગંભીર આક્ષેપ કરતાં જણાવ્યું હતું કે, જિલ્લા પંચાયતના પ્રમુખ ધાનેરા વિસ્તારના હોવાના કારણે રાજકીય વગ વાપરીને ખાસ ધાનેરા સહિત માત્ર ત્રણ જ તાલુકાઓને બિયારણ આપવાની જાહેરાત કરાઈ છે, જે અન્ય તાલુકાના ગરીબ ખેડૂતો સાથે ઘોર અન્યાય છે. એકબાજુ આ વર્ષે વરસાદ ખેંચાવાના કારણે ચોમાસુ વાવેતર સંકટમાં મુકાયું છે અને ખેડૂતો ભારે પરેશાનીનો સામનો કરી રહ્યા છે, ત્યારે બીજી તરફ સરકારના આવા અણઘડ અને પક્ષપાતી નિર્ણયોથી ખેડૂતોનો આક્રોશ બેવડાયો છે. ઓનલાઈન રજીસ્ટ્રેશન કરાવ્યા પછી પણ કીટ ન મળતા ખેડૂતોમાં છેતરાયાની લાગણી જન્મી છે. પરિસ્થિતિ વણસે તે પહેલાં વહીવટી તંત્ર દ્વારા યોગ્ય નિર્ણય લેવામાં આવે તેવી ધરતીપુત્રોની માંગ છે.</p> <p>                                                                                                                                                                       </p>