Gujarat Weather Forecast: 11 ઓગસ્ટથી ગુજરાતમાં મેઘમહેર, આ જિલ્લાઓમાં ગાજવીજ સાથે વરસાદની આગાહી

<p><strong> Gujarat Weather Forecast:</strong> ગુજરાતમાં ફરી એકવાર વરસાદી માહોલ જામવાની આગાહી કરવામાં આવી છે. હવામાન વિભાગના જણાવ્યા મુજબ બંગાળની ખાડીમાં સર્જાયેલ લો પ્રેશર એરિયા આગળ વધતા 10 ઓગસ્ટની રાતથી રાજ્યના કેટલાક વિસ્તારોમાં વરસાદની શરૂઆત થઈ શકે છે. 11થી 14 ઓગસ્ટ દરમિયાન ઉત્તર, મધ્ય, પૂર્વ અને દક્ષિણ ગુજરાતના અનેક જિલ્લાઓમાં હળવાથી મધ્યમ વરસાદની શક્યતા છે.</p> <p><iframe title="YouTube video player" src="https://www.youtube.com/embed/dLKYujgl3Dw?si=-P2Po9lTtaiDDLAJ" width="560" height="315" frameborder="0" allowfullscreen="allowfullscreen"></iframe></p> <p> </p> <p>ગુજરાતમાં આગામી દિવસોમાં ફરી વરસાદી માહોલ જોવા મળી શકે છે. હવામાન વિભાગની લેટેસ્ટ આગાહી મુજબ 10 ઓગસ્ટની રાતથી રાજ્યમાં મેઘમહેરની શરૂઆત થઈ શકે છે. બંગાળની ખાડીમાં સર્જાયેલ લો પ્રેશર એરિયા આગળ વધતા તેની અસર ગુજરાતના કેટલાક વિસ્તારોમાં જોવા મળી શકે છે.</p> <p>હવામાન વિભાગના જણાવ્યા અનુસાર 11 અને 12 ઓગસ્ટ દરમિયાન ઉત્તર ગુજરાત, મધ્ય ગુજરાત, પૂર્વ ગુજરાત અને દક્ષિણ ગુજરાતના કેટલાક વિસ્તારોમાં હળવાથી મધ્યમ વરસાદ પડી શકે છે. આ દરમિયાન કેટલાક વિસ્તારોમાં ગાજવીજ સાથે વરસાદ થવાની પણ શક્યતા છે.</p> <p><strong>ક્યાં જિલ્લામાં મધ્યમથી હળવો વરસાદ પડશે?</strong></p> <p>આગામી દિવસોમાં રાજ્યના અનેક જિલ્લાઓમાં વરસાદની શક્યતા છે. જેમાં અરવલ્લી, વાવ-થરાદ, બનાસકાંઠા, મહેસાણા, સાબરકાંઠા, ગાંધીનગર, મહીસાગર, ખેડા, અમદાવાદ, વડોદરા, આણંદ, પાટણ, છોટાઉદેપુર, ભરૂચ, સુરત, તાપી, નવસારી, વલસાડ અને ડાંગ સહિતના જિલ્લાઓમાં હળવાથી મધ્યમ વરસાદ વરસી શકે છે. ખાસ કરીને ઉત્તર ગુજરાત અને પૂર્વ ગુજરાતમાં વરસાદનું જોર વધુ રહેવાની શક્યતા છે. અહીં કેટલાક સ્થળોએ ગાજવીજ સાથે વરસાદ પડી શકે છે.</p> <p><strong>11થી 14 ઓગસ્ટ સુધી વરસાદની શક્યતા</strong></p> <p>ટૂંકમાં કહીએ તો 11થી 14 ઓગસ્ટ દરમિયાન ગુજરાત રિજ્યન એટલે કે ઉત્તર ગુજરાત, મધ્ય ગુજરાત, પૂર્વ ગુજરાત અને દક્ષિણ ગુજરાતમાં વરસાદી માહોલ રહેવાની શક્યતા છે. કેટલાક વિસ્તારોમાં મધ્યમથી ભારે  વરસાદ પણ પડી શકે છે.</p> <p><strong>સૌરાષ્ટ્ર-કચ્છમાં કેવી રહેશે સ્થિતિ?</strong></p> <p>બીજી તરફ સૌરાષ્ટ્ર અને કચ્છમાં આ સિસ્ટમની અસર પ્રમાણમાં ઓછી રહેવાની શક્યતા છે. અહીં વાતાવરણમાં પલટો આવી શકે છે અને વાદળછાયા વાતાવરણ વચ્ચે છૂટાછવાયા ઝાપટા પડી શકે છે. જોકે સૌરાષ્ટ્રના દરિયાકાંઠાના એકાદ વિસ્તારમાં સારો વરસાદ પડી શકે છે. પરંતુ હાલની આગાહી પ્રમાણે સૌરાષ્ટ્ર અને કચ્છમાં વ્યાપક મધ્યમ કે ભારે વરસાદની શક્યતા નહિવત છે.                                  </p> <p> </p>