Sabarkantha: સાબરકાંઠામાં સગીરાને છેડતી બાદ જૂથ અથડામણ, પથ્થરમારામાં એકને ઇજા, પોલીસ કાફલો તૈનાત

<p><strong>Sabarkantha Group Clash:</strong> સાબરકાંઠા જિલ્લાના હિંમતનગર તાલુકાના ગાંભોઈ ગામમાં સગીરાની છેડતી બાબતે બે જૂથો વચ્ચે અચાનક ઉગ્ર બોલાચાલી બાદ હિંસક અથડામણ સર્જાઈ હતી. આ ઘટનામાં એક જૂથે બીજા જૂથ પર ભારે પથ્થરમારો કરતા એક વ્યક્તિ ગંભીર રીતે ઈજાગ્રસ્ત થયો હતો. ગાંભોઈ પોલીસે ત્વરિત સ્થળ પર પહોંચીને પરિસ્થિતિ પર કાબૂ મેળવ્યો હતો.</p> <p><iframe title="ABP Asmita | Ahmedabad Rath Yatra 2026 LIVE Update | Gujarat Monsoon | Gujarat Politics | LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>બનાવની વિગતવાર માહિતી મુજબ, ગાંભોઈ વિસ્તારમાં એક સગીરાની છેડતી કરવામાં આવી હોવાનો વિવાદ ઊભો થયો હતો. આ બાબતે સ્થાનિક બે જૂથના લોકો સામસામે આવી ગયા હતા અને જોતજોતામાં બોલાચાલીએ ઉગ્ર સ્વરૂપ ધારણ કરી લીધું હતું. ગુસ્સે ભરાયેલા ટોળાં દ્વારા એકબીજા પર પથ્થરમારો શરૂ કરી દેવામાં આવ્યો હતો, જેના કારણે વિસ્તારમાં ભારે ભાગદોડ અને અફરાતફરીનો માહોલ સર્જાયો હતો. ભારે અરાજકતા વચ્ચે હિંસક પથ્થરમારામાં એક શખ્સને ગંભીર ઈજાઓ પહોંચી હતી, જેને સ્થાનિકો દ્વારા તાત્કાલિક 108 એમ્બ્યુલન્સ મારફતે ગાંભોઈ સિવિલ હોસ્પિટલ ખાતે સારવાર અર્થે ખસેડવામાં આવ્યો હતો. ઘટનાની જાણ થતાં જ ગાંભોઈ પોલીસ સ્ટેશનનો મોટો પોલીસ કાફલો ઘટનાસ્થળે દોડી આવ્યો હતો. પોલીસ અધિકારીઓએ કડક વલણ અપનાવીને પથ્થરમારો કરતા ટોળાને વિખેરી નાખ્યા હતા અને ટૂંક સમયમાં જ સમગ્ર મામલાને નિયંત્રણમાં લઈ વિસ્તારમાં શાંતિ સ્થાપી હતી.</p> <p>હાલ ગાંભોઈ ગામમાં શાંતિપૂર્ણ માહોલ પુનઃ સ્થાપિત થયો છે, પરંતુ કોઈપણ અનિચ્છનીય બનાવ ન બને તે માટે કડક પોલીસ બંદોબસ્ત ખડકી દેવામાં આવ્યો છે. ગાંભોઈ પોલીસે પથ્થરમારો કરનારા અને કાયદો હાથમાં લેનારા અસામાજિક તત્વો સામે ગુનો નોંધી તેમની ઓળખ કરીને ઝડપી પાડવા માટે આગળની કાયદાકીય કાર્યવાહી હાથ ધરી છે.</p> <p>                                                                                                                                                                                          </p>