Smart Meter: વીજગ્રાહકો માટે મોટા સમાચાર, હવે ગુજરાતમાં 1.20 કરોડ ઘરોમાં ફરજિયાત લાગશે સ્માર્ટ મીટર

<p><strong>MGVCL Smart Meter Installation:</strong> કેન્દ્રીય ઊર્જા મંત્રાલયના તાજેતરના આદેશ બાદ ગુજરાત સરકાર દ્વારા રાજ્યભરમાં ફરજિયાતપણે સ્માર્ટ વીજ મીટર લગાવવાની કામગીરી ઝડપી બનાવવામાં આવી છે. વીજ વપરાશમાં પારદર્શિતા લાવવા અને વીજ ક્ષમતા વધારવાના હેતુથી હાથ ધરાયેલી આ ઝુંબેશ હેઠળ ગુજરાતના કુલ 1.76 કરોડ વીજ ગ્રાહકોમાંથી પ્રથમ તબક્કે 1.20 કરોડ ગ્રાહકોને સ્માર્ટ મીટરથી સજ્જ કરવામાં આવશે.</p> <p><iframe title="ABP Asmita | Ahmedabad Rath Yatra 2026 LIVE Update | Gujarat Monsoon | Gujarat Politics | LIVE" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p>કેન્દ્રીય ઊર્જા મંત્રાલય દ્વારા તમામ રાજ્યોના મુખ્ય સચિવોને પત્ર લખીને સ્માર્ટ મીટર પ્રોજેક્ટને વહેલી તકે પૂર્ણ કરવા માટે કડક નિર્દેશો આપવામાં આવ્યા છે. આ આદેશના પગલે ગુજરાત રાજ્ય વીજ નિગમ દ્વારા અમલીકરણ પ્રક્રિયાને વધુ વેગ આપવામાં આવ્યો છે. અત્યાર સુધીમાં રાજ્યના 56 લાખ વીજ ગ્રાહકોને ત્યાં સ્માર્ટ મીટર ઈન્સ્ટોલ કરી દેવામાં આવ્યા છે, જ્યારે બાકીના ગ્રાહકોને આવરી લેવાની કામગીરી ચાલુ છે. આ સમગ્ર યોજનામાં મધ્ય ગુજરાત વીજ કંપની લિમિટેડ (MGVCL) સૌથી આગળ રહી છે. MGVCL હેઠળ નોંધાયેલા કુલ 33 લાખ વીજ ગ્રાહકોમાંથી સૌથી વધુ 14.60 લાખ ગ્રાહકોને ત્યાં સ્માર્ટ મીટર ઈન્સ્ટોલ કરવામાં આવ્યા છે. આનો અર્થ એ થાય છે કે એકલી MGVCLના જ 55 ટકા વીજ ગ્રાહકો હવે સ્માર્ટ મીટર ટેકનોલોજી હેઠળ આવરી લેવાયા છે. આગામી દિવસોમાં દક્ષિણ, ઉત્તર અને પશ્ચિમ ગુજરાત વીજ કંપનીઓ દ્વારા પણ સ્માર્ટ મીટર લગાવવાની કામગીરી પૂર્ણ કરવામાં આવશે.</p> <p><strong><a title="Edible Oil: જન્માષ્ટમી અને રક્ષાબંધન પહેલાં ખાદ્યતેલમાં ભડકો, 3 દિવસમાં સિંગતેલના ડબ્બે 45 રૂ. વધ્યા" href="https://ift.tt/YXmgoKq" target="_self">Edible Oil: જન્માષ્ટમી અને રક્ષાબંધન પહેલાં ખાદ્યતેલમાં ભડકો, 3 દિવસમાં સિંગતેલના ડબ્બે 45 રૂ. વધ્યા</a></strong></p> <p>સ્માર્ટ મીટરના આગમનથી વીજ ગ્રાહકો પોતાના દૈનિક વીજ વપરાશ પર રિયલ-ટાઇમ નજર રાખી શકશે અને બિલિંગ પ્રક્રિયા વધુ ચોક્કસ તથા પારદર્શક બનશે. આધુનિક ટેકનોલોજીના ઉપયોગથી વીજ ચોરી અને ટ્રાન્સમિશન નુકસાન ઘટાડવામાં મોટી સફળતા મળશે. આગામી સમયમાં સમગ્ર રાજ્યના તમામ વીજ ગ્રાહકોને ડિજિટલ સ્માર્ટ મીટરીંગ સિસ્ટમ સાથે જોડીને ઊર્જા ક્ષેત્રે એક નવો અધ્યાય શરૂ કરવાનો રાજ્ય સરકારનો લક્ષ્યાંક છે.</p> <p>                                                                                                                                  </p>