રાજ્યમાં આજે 4 જિલ્લાઓમાં નવા 33 કોરોના કેસ નોંધાયા, અમદાવાદમાં કેસ ઘટ્યા બાદ નવા કેસમાં વધારો

<p><strong>Gujarat Corona Update:</strong> ગુજરાતમાં હાલ કોરોનાના સામાન્ય કેસ નોંધાઈ રહ્યા છે. અમદાવાદ (Ahmedabad) શહેરમાં થોડા દિવસ પહેલાં કોરોનાના કેસમાં (Corona Case) ઘટાડો નોંધાયો હતો. ત્યારે આજે ફરીથી કેસમાં આંશિક વધારો થયો છે. 16 મેના દિવસે આજે આરોગ્ય વિભાગ દ્વારા જાહેર કરાયેલા આંકડા અનુસાર રાજ્યમાં કોરોના વાયરસના કુલ 33 કેસ નોંધાયા છે. જેમાં ફક્ત 4 જિલ્લાઓમાં જ કોરોના કેસ નોંધાયા છે. બાકીના જિલ્લાઓમાં એક પણ કેસ નોંધાયો નથી. આજે કોરોનાથી કોઈ મોત નોંધાયું નથી.&nbsp;</p> <p>રાજ્યમાં જિલ્લા પ્રમાણે નોંધાયેલ કેસની વિગતો જોઈએ તો આજે અમદાવાદ શહેરમાં 25 નવા કેસ નોંધાયા છે. આ ઉપરાંત વડોદરા શહેરમાં 3, ગાંધીનગરમાં 3, અમદાવાદ જિલ્લામાં 1 કેસ અને સુરતમાં 1 કોરોના કેસ નોંધાયો છે. આમ 4 જિલ્લાઓમાં કુલ 33 નવા કેસ નોંધાયા છે. ઉલ્લેખનીય છે કે, ગઈકાલે અમદાવાદ શહેરમાં કોરોના વાયરસના નવા 15 કેસ જ નોંધાયા હતા અને વડોદરામાં 10 કેસ નોંધાયા હતા. આમ અમદાવાદના કેસમાં વધારો અને વડોદરાના કેસોમાં ઘટાડો નોંધાયો છે.</p> <p>આ સાથે રાજ્યમાં આજે કુલ 25 દર્દી સાજા થયા છે. જેમાં અમદાવાદ શહેરમાં 18, વડોદરા શહેરમાં 3 દર્દીઓ સાજા થયા છે. ગાંધીનગર શહેરમાં 1, ભાવનગર કોર્પોરેશનમાં 1, જામનગર કોર્પોરેશમાં 1, વડોદરા જિલ્લામાં 1 દર્દી સાથે કુલ 21 દર્દી ડિસ્ચાર્જ થયા છે. આ સાથે રાજ્યનો કોરોના રિકવરી રેટ 99.09 ટકા પર પહોંચ્યો છે. આજે રાજ્યમાં કોરોના રસીના કુલ 24086 ડોઝ આપવામાં આવ્યા હતા.</p> <p>રાજ્યમાં હાલ કોરોનાના 222 એક્ટિવ કેસ છે જેમાં 2 દર્દી વેન્ટિલેટર પર છે. જ્યારે બાકીના તમામ 220 દર્દીઓની સ્થિતિ સ્થિર છે. અત્યાર સુધીમાં કુલ 12,13, 588 દર્દીઓ ડિસ્ચાર્જ થઈ ગયા છે. રાજ્યમાં કોરોનાના કારણે અત્યાર સુધીમાં 10,944 મોત નોંધાયા છે.</p>