Gujarat Rain: રાજ્યમાં છેલ્લા 24 કલાકમાં 184 તાલુકામાં વરસાદ, જાણો ક્યાં પડ્યો સૌથી વધુ વરસાદ

<p><strong>Gujarat Monsoon:</strong> દક્ષિણ ગુજરાતના ચાર જિલ્લામાં ભારે વરસાદની હવામાન વિભાગે&nbsp; આગાહી કરી છે. આજે સુરત, નવસારી, તાપી અને ડાંગ જિલ્લામાં ભારે વરસાદની સંભાવના છે. 45થી 55 કિલોમીટર પ્રતિ કલાકની ઝડપે પવન ફુંકાવાની શક્યતાને પગલે દરિયો તોફાની રહેતા પાંચ દિવસ માછીમારોને દરિયો ન ખેડવા સૂચના&nbsp; આપવામાં આવી છે. દરમિયાન રાજ્યમાં છેલ્લા 24 કલાકમાં 184 તાલુકામાં વરસાદ ખાબક્યો છે. જેમાં સૌથી વધુ બનાસકાંઠાના દાંતીવાડામાં સવા ચાર ઈંચ વરસાદ પડ્યો છે.</p> <p><strong>છેલ્લા 24 કલાકમાં રાજ્યના 184 તાલુકામાં ખાબક્યો વરસાદ</strong></p> <ul> <li>બનાસકાંઠાના દાંતીવાડામાં સવા ચાર ઈંચ વરસાદ</li> <li>ખેડાના નડીયાદમાં સવા ત્રણ ઈંચ વરસાદ</li> <li>બનાસકાંઠાના દાંતા, ડીસામાં પોણા ત્રણ ઈંચ વરસાદ</li> <li>ખેડાના મહુધામાં&nbsp; પોણા ત્રણ ઈંચ વરસાદ</li> <li>તાપીના ડોલવણમાં સવા બે ઈંચ વરસાદ</li> <li>પંચમહાલના ગોધરામાં બે ઈંચ વરસાદ</li> <li>ખેડાના કપડવંજમાં પોણા બે ઈંચ વરસાદ</li> <li>ડાંગના સુબીરમાં પોણા બે ઈંચ વરસાદ</li> <li>બનાસકાંઠાના અમીરગઢમાં પોણા બે ઈંચ વરસાદ</li> <li>રાધનપુર, વડગામ, દિયોદરમાં પોણા બે ઈંચ વરસાદ</li> <li>મહુવા, પાલનપુર, પલસાણા, પોશીનામાં દોઢ ઈંચ વરસાદ</li> <li>વાંસદા, ખેડબ્રહ્મા, ખેડામાં દોઢ ઈંચ વરસાદ</li> <li>ચીખલી, માતર, હળવદ, લીમખેડા, ઉમરેઠમાં સવા ઈંચ વરસાદ</li> <li>મહેમદાવાદ, ડેસર, વઘઈ, ઠાસરા, વાસો, આહવામાં સવા ઈંચ વરસાદ</li> </ul> <p><strong><br /><img src="https://ift.tt/XtnLSIA" /></strong></p> <p><strong>રાજ્યમાં અત્યાર સુધીમાં સિઝનનો કેટલો થયો વરસાદ</strong></p> <p>રાજ્યમાં અત્યાર સુધીમાં ચોમાસાની સિઝનનો 85 ટકા વરસાદ વરસી ચૂક્યો છે.&nbsp; કચ્છમાં 134 ટકા, તો સૌરાષ્ટ્રમાં ચોમાસાની સિઝનનો&nbsp; 108 ટકા વરસાદ વરસી ચૂક્યો છે. દક્ષિણ ગુજરાતમાં 66 ટકા, ઉત્તર ગુજરાતમાં 62 ટકા તો મધ્ય ગુજરાતમાં સિઝનનો અત્યાર સુધીમાં 59 ટકા વરસાદ પડી ચૂક્યો છે. &nbsp;ભારે વરસાદથી રાજ્યના 46 તાલુકામાં અત્યાર સુધીમાં છે 100 ટકા વરસાદ વરસી ચૂક્યો છે. કચ્છના સાત, રાજકોટના પાંચ, જૂનાગઢના 10 તાલુકામાં 100 ટકા વરસાદ વરસી ચૂક્યો છે. તો દ્વારકા, પોરબંદર, અમરેલી, બોટાદ જિલ્લાના બે બે તાલુકામાં&nbsp; 100 ટકા વરસાદ વરસી ચૂક્યો છે</p> <p><strong>અમદાવાદમાં હળવા વરસાદની આગાહી</strong></p> <p>24 ઈંચ સાથે અમદાવાદ શહેરમાં ચોમાસાની સિઝનનો અત્યાર સુધીમાં 75 ટકા વરસાદ વરસી ચૂક્યો છે.. જિલ્લામાં ધંધુકામાં સૌથી વધુ 110 ટકા, તો બાળવામાં સૌથી ઓછો 30 ટકા વરસાદ વરસ્યો છે. અમદાવાદમાં આગામી પાંચ દિવસ હળવા વરસાદની હવામાન વિભાગે આગાહી કરી&nbsp; છે.&nbsp;&nbsp;&nbsp;&nbsp;</p>