આજે રાજ્યના ત્રણ જિલ્લામાં વરસાદનું રેડ અલર્ટ,વડગામમાં 8 ઇંચ વરસાદથી જળબંબાકાર

<p style="text-align: justify;"><strong>Gujarat Rain:</strong> ગુજરાતમાં સક્રિય થયેલી ત્રણ વરસાદી સિસ્ટમના કારણે રાજ્યના અનેક જિલ્લાઓમાં મેઘમહેર જોવા મળી રહી છે, જ્યારે કેટલાક વિસ્તારોમાં ભારે વરસાદના કારણે જનજીવન ખોરવાઈ ગયું છે. હવામાન વિભાગે સુરેન્દ્રનગર, પાટણ, અને બનાસકાંઠા જિલ્લાઓ માટે રેડ એલર્ટ જાહેર કર્યું છે. આ ઉપરાંત, સાબરકાંઠા, અરવલ્લી, અને મહીસાગરમાં પણ ભારે વરસાદની આગાહી કરવામાં આવી છે.</p> <p style="text-align: justify;"><strong>અરવલ્લીમાં અતિભારે વરસાદ: મોડાસા અને માલપુરમાં જળબંબાકાર</strong><br />અરવલ્લી જિલ્લામાં સાર્વત્રિક વરસાદ નોંધાયો છે, જેમાં ખાસ કરીને માલપુર અને મોડાસામાં ધોધમાર વરસાદ વરસ્યો છે. મોડાસામાં રાત્રી દરમિયાન 6 ઇંચ વરસાદ નોંધાતા નીચાણવાળા વિસ્તારોમાં પાણી ભરાઈ ગયા હતા. ઝમઝમ, આઝાદ ચોક, આઈજી પાર્ક અને અતાનગર જેવા વિસ્તારોમાં ઘરોમાં પાણી ઘૂસી જતાં રહીશોની ઘરવખરી પલળી ગઈ હતી. હાલ વરસાદે વિરામ લીધો છે, પરંતુ પાણી ઓસરવામાં સમય લાગી રહ્યો છે.</p> <p style="text-align: justify;"><strong>અમદાવાદમાં જળબંબાકાર: પ્રિ-મોન્સૂન કામગીરી પર સવાલ</strong><br />અમદાવાદમાં મોડી રાતથી શરૂ થયેલા વરસાદના કારણે શહેરના વિવિધ વિસ્તારોમાં પાણી ભરાઈ ગયા છે. એસ.જી. હાઈવેના સર્વિસ રોડ અને ઝાયડ્સથી થલતેજ તરફ જવાનો રોડ સંપૂર્ણપણે પાણીમાં ગરકાવ થઈ ગયા છે. 30 મિનિટથી વધુ સમયથી વરસાદનો વિરામ હોવા છતાં પાણી ઓસર્યા નથી, જે અમદાવાદ મનપા અને નેશનલ ઓથોરિટીની પ્રિ-મોન્સૂન કામગીરી પર ગંભીર સવાલો ઉભા કરે છે. સીઝનનો કુલ 21 ઇંચ વરસાદ નોંધાઈ ચૂક્યો છે અને હાલ પણ શહેરમાં વરસાદી માહોલ યથાવત છે. અનેક વાહનોમાં પાણી ઘૂસી જતાં બંધ પડી ગયા હતા, જેના કારણે વાહનચાલકો પરેશાન થયા હતા.</p> <p style="text-align: justify;"><strong>બનાસકાંઠામાં ધોધમાર વરસાદ: વડગામમાં 8 ઇંચ વરસાદ</strong><br />બનાસકાંઠા જિલ્લામાં પણ મોડી રાત્રીથી સાર્વત્રિક વરસાદ નોંધાયો છે. વડગામમાં ધોધમાર 8 ઇંચ વરસાદ ખાબક્યો છે, જ્યારે પાલનપુરમાં અઢી ઇંચ વરસાદ નોંધાયો છે. પાલનપુર-અમદાવાદ હાઈવે ઉપર ગઠામણ પાટિયા નજીક પાણી ભરાઈ જતાં વાહનચાલકોને હાલાકીનો સામનો કરવો પડ્યો હતો. પાણીના નિકાલની યોગ્ય વ્યવસ્થા ન હોવાને કારણે સામાન્ય વરસાદમાં પણ આ વિસ્તારમાં વારંવાર પાણી ભરાઈ જાય છે.</p> <p style="text-align: justify;"><strong>નવસારી જિલ્લામાં ભારે પવન સાથે વરસાદ: નદીઓ અને ડેમની સ્થિતિ</strong><br />રાજ્યના હવામાન વિભાગની આગાહી વચ્ચે નવસારી જિલ્લાના વાતાવરણમાં પણ પલટો આવ્યો છે. વહેલી સવારથી ભારે પવન સાથે વરસાદ વરસી રહ્યો છે. નવસારી શહેર અને જિલ્લામાં વરસાદી માહોલ છવાયો છે, જેમાં સ્ટેશન રોડ, મંકોડિયા, ઇટાડવા, અને ડેપો સહિતના વિસ્તારોમાં વરસાદ નોંધાયો છે.</p> <p style="text-align: justify;"><strong>છેલ્લા 24 કલાક દરમિયાન નવસારી જિલ્લામાં નોંધાયેલો વરસાદ:</strong></p> <ul> <li style="text-align: justify;">નવસારી: 1.22 ઇંચ</li> <li style="text-align: justify;">જલાલપોર: 0.49 ઇંચ</li> <li style="text-align: justify;">ગણદેવી: 0.24 ઇંચ</li> <li style="text-align: justify;">ચીખલી: 0.90 ઇંચ</li> <li style="text-align: justify;">વાંસદા: 1.35 ઇંચ</li> <li style="text-align: justify;">ખેરગામ: 1.39 ઇંચ</li> </ul> <p style="text-align: justify;"><strong>નવસારી જિલ્લામાં આવેલી નદીઓની સપાટી:</strong></p> <ul> <li style="text-align: justify;">પૂર્ણા નદી: 10 ફૂટ (ભયજનક સપાટી: 23 ફૂટ)</li> <li style="text-align: justify;">અંબિકા નદી: 11.97 ફૂટ (ભયજનક સપાટી: 28 ફૂટ)</li> <li style="text-align: justify;">કાવેરી નદી: 8.50 ફૂટ (ભયજનક સપાટી: 19 ફૂટ)</li> </ul> <p style="text-align: justify;"><strong>નવસારી જિલ્લામાં આવેલા ડેમોની સ્થિતિ:</strong></p> <ul> <li style="text-align: justify;">જૂન ડેમ: 167.60 ફૂટ (ઓવરફ્લો થઈ રહ્યો છે)</li> <li style="text-align: justify;">કેલિયા ડેમ: 113.50 ફૂટ (ઓવરફ્લો થઈ રહ્યો છે)</li> </ul>