દિવાળી બાદ 'મેઘરાજા'ની સટાસટી: 24 જિલ્લામાં અતિભારે વરસાદની આગાહી, 21માં યલો તો 3 જિલ્લામાં ઓરેન્જ એલર્ટ જાહેર

<p><strong>Gujarat rain forecast:</strong> દિવાળીના તહેવારો બાદ રાજ્યમાં હવામાન વિભાગે કમોસમી વરસાદ ની મોટી આગાહી કરી છે. અરબી સમુદ્ર માં સર્જાયેલા ડિપ્રેશન ને કારણે આજથી લઈને 2 નવેમ્બર સુધી રાજ્યના કુલ 24 જિલ્લાઓ માં ભારેથી અતિભારે વરસાદ વરસવાની સંભાવના છે. આ સિસ્ટમની સીધી અસર દરિયાકાંઠાના વિસ્તારોમાં જોવા મળશે, જેના કારણે પવનની ઝડપ વધશે અને દરિયામાં ઊંચા મોજાં (ભારે કરંટ) ઉછળશે. પરિણામે, માછીમારોને દરિયો ન ખેડવા માટે સ્પષ્ટ સૂચના આપવામાં આવી છે અને દરિયાકાંઠાના વિસ્તારોમાં નંબર 3 નું સિગ્નલ લગાવવામાં આવ્યું છે. આવતીકાલે સૌરાષ્ટ્રના 3 જિલ્લામાં ઓરેન્જ એલર્ટ અને અન્ય 21 જિલ્લામાં યલો એલર્ટ જાહેર કરવામાં આવ્યું છે, સાથે જ તાપમાનમાં પણ 2 થી 3 ડિગ્રી નો ઘટાડો થવાની શક્યતા છે.</p> <p><strong>અરબી સમુદ્રનું ડિપ્રેશન બન્યું વરસાદનું કારણ</strong></p> <p>હવામાન વિભાગના જણાવ્યા અનુસાર, અરબી સમુદ્ર માં સર્જાયેલા ડિપ્રેશન ના કારણે ગુજરાતમાં આગામી 4 થી 6 દિવસ સુધી વાદળછાયું વાતાવરણ અને કમોસમી વરસાદ વરસી શકે છે. આ સિસ્ટમને કારણે દરિયાકાંઠાના વિસ્તારોમાં તેની સૌથી વધુ અસર જોવા મળશે, જ્યાં પવનની ગતિ સામાન્ય કરતાં વધી જવાની શક્યતા છે. દરિયામાં ભારે કરંટના પગલે તમામ માછીમારોને સ્પષ્ટપણે દરિયો ન ખેડવા માટેની સૂચના આપી દેવામાં આવી છે, અને સલામતીના પગલાં તરીકે દરિયાકાંઠાના પોર્ટ પર નંબર 3 નું સિગ્નલ લગાવી દેવામાં આવ્યું છે.</p> <p><strong>આવતીકાલ માટે </strong><strong>3 </strong><strong>જિલ્લામાં ઓરેન્જ એલર્ટ</strong><strong>, 21 </strong><strong>જિલ્લામાં યલો એલર્ટ</strong></p> <p>આગામી દિવસોમાં વરસાદની સંભાવનાને ધ્યાનમાં રાખીને હવામાન વિભાગ દ્વારા રાજ્યભરમાં એલર્ટ જાહેર કરવામાં આવ્યા છે. આવતીકાલ માટે સૌરાષ્ટ્રના 3 જિલ્લાઓ - ગીર સોમનાથ, અમરેલી અને સંઘ પ્રદેશ દીવ માં ઓરેન્જ એલર્ટ જાહેર કરાયું છે, જે ભારે વરસાદની ચેતવણી સૂચવે છે. આ ઉપરાંત, રાજ્યના અન્ય 21 જિલ્લાઓ માં વરસાદનું યલો એલર્ટ આપવામાં આવ્યું છે.</p> <p><strong>વિસ્તારવાર આગાહી: ક્યાં કેટલો વરસાદ</strong><strong>?</strong></p> <ul> <li>સૌરાષ્ટ્ર: કચ્છ સહિત સૌરાષ્ટ્રના અન્ય વિસ્તારો જેવા કે દેવભૂમિ દ્વારકા, પોરબંદર, જૂનાગઢ, જામનગર, મોરબી, સુરેન્દ્રનગર, રાજકોટ, બોટાદ અને ભાવનગર જિલ્લાઓમાં પણ આવતીકાલે વરસાદનું યલો એલર્ટ આપવામાં આવ્યું છે.</li> <li>દક્ષિણ ગુજરાત: દક્ષિણ ગુજરાતના ચાર મુખ્ય જિલ્લાઓ - ભરૂચ, સુરત, નવસારી અને વલસાડ માં ભારે વરસાદ વરસી શકે છે. આ ઉપરાંત, સંઘ પ્રદેશો દમણ અને દાદરાનગર હવેલી માં પણ કમોસમી વરસાદની આગાહી કરવામાં આવી છે.</li> <li>ઉત્તર અને મધ્ય ગુજરાત: ઉત્તર ગુજરાતના પાટણ, બનાસકાંઠા, મહેસાણા, સાબરકાંઠા અને અરવલ્લી જિલ્લાઓમાં પણ આવતીકાલે ભારે વરસાદની શક્યતા છે. જ્યારે મધ્ય ગુજરાતના ખેડા, આણંદ, મહીસાગર, અમદાવાદ અને ગાંધીનગર જિલ્લાઓ માટે પણ હવામાન વિભાગે આવતીકાલે યલો એલર્ટ જાહેર કર્યું છે.</li> </ul> <p>આ ભારે વરસાદની આગાહીને કારણે તાપમાનમાં પણ 2 થી 3 ડિગ્રી જેટલો ઘટાડો થવાની સંભાવના છે, જેનાથી લોકોને ગરમીમાંથી રાહત મળી શકે છે, પરંતુ ખેડૂતોને પોતાના તૈયાર પાકને બચાવવા માટે તાત્કાલિક પગલાં લેવા જરૂરી છે.</p>