Gujarat Weather : રાજયમાં ગરમીનું વધશે પ્રમાણ કે વાતાવરણમાં પલટા સાથે હજુ વરસશે કમોસમી વરસાદ?

<p><strong>Weather Forecast:</strong> રાજયમાં 20 ફેબ્રુઆરીથી વાતાવરણમાં પલટો જોવા મળ્યો, વાદળછાયા વાતાવરણ અને ભારે પવન વચ્ચે અનેક જગ્યાએ છૂટછવાયો વરસાદ વરસ્યો. હવામાન વિભાગે આજે પણ પૂર્વ ગુજરાત અને દક્ષિણ ગુજરાતના કેટલાક વિસ્તારમાં વાદળછાય વાતાવરણ વચ્ચે છૂટછવાયા વરસાદનું અનુમાન વ્યક્ત કર્યું છે. ગઇ કાલે પંચમહાલ, મહિસાગર, દાહોદ, વડોદરા સહિતના આસપાસના વિસ્તારમાં છૂટછવાયો હળવો વરસાદ વરસ્યો હતો. ઉલ્લેખનિય છે કે બંગાળની ખાડીમાં સર્જાયેલા લો પ્રેશર એરિયાના કારણે રાજ્યના પૂર્વ અને દક્ષિણ વિસ્તારના વાતાવરણમાં પલટો આવ્યો છે. &nbsp;ગરમ અને ઠંડી હવા ભેગી થતાં વાદળા બંઘાતા કેટલાક વિસ્તારમાં વાતાવરણમાં પલટો આવ્યો છે. જો કે હવામાન વિભાગના અનુમાન મુજબ ગુજરાતમાં આગામી દિવસોમાં હવે તાપમાનનો પારો ધીરે ધીરે ઉંચકાશે અને ઉનાળાની શરૂઆત થઇ જશે, ગુજરાતમાં આગામી દિવસોમાં વરસાદની શક્યતા નહિવત છે.&nbsp;</p> <p>હવામાન વિભાગે શુક્રવારથી કેટલાક રાજ્યોમાં હવામાનની સ્થિતિ વધુ ખરાબ થવાની આગાહી કરી હતી. વિભાગના જણાવ્યા અનુસાર, આગામી 24 કલાકમાં આ જ ક્ષેત્રમાં બીજો નીચું દબાણ ક્ષેત્ર બનવાની શક્યતા છે. આ પ્રભાવથી 21 અને 22 ફેબ્રુઆરીએ દક્ષિણ ભારતના જિલ્લાઓમાં ભારે વરસાદ પડી શકે છે, જેના માટે યલો એલર્ટ &nbsp;જાહેર કરવામાં આવી છે.</p> <p>આઈએમડી અનુસાર, ભૂમધ્યરેખીય &nbsp;હિંદ મહાસાગર અને દક્ષિણપૂર્વ બંગાળની ખાડી પર એક ઉપલા વાતાવરણીય ચક્રવાતી પરિભ્રમણ ચાલુ છે, જે સમુદ્ર સપાટીથી આશરે 5.8 કિલોમીટર સુધી ફેલાયેલું છે. આને કારણે, આગામી 24 કલાકમાં બીજો એક લો પ્રેશર &nbsp;દબાણ ક્ષેત્ર બનવાની શક્યતા છે, જે પશ્ચિમ અને ઉત્તરપશ્ચિમ તરફ આગળ વધી શકે છે. આની અસરથી 20 ફેબ્રુઆરીએ તમિલનાડુ, પુડુચેરી અને કરાઈકલમાં છૂટાછવાયા સ્થળોએ હળવાથી મધ્યમ વરસાદ પડી શકે છે.</p> <p><strong>30 થી 40 કિમી પ્રતિ કલાકની ઝડપે પવન ફૂંકાશે.</strong></p> <p>હવામાન વિભાગના જણાવ્યા અનુસાર, 21 ફેબ્રુઆરીએ કેટલાક સ્થળો ૩૦ થી ૪૦ કિમી પ્રતિ કલાકની ઝડપે ભારે પવન ફૂંકાવવાની સાથે હળવા વરસાદનું અનુમાન છે .કન્યાકુમારીતિરુનેલવેલી,થુથુકુડી,તેનકાસી,વિરુધુનગર,થેનીમાં વરસાદનું યેલો એલર્ટ,જાહેર કરવામાં આવ્યું છે.</p> <p>22 ફેબ્રુઆરીએ ડિંડીગુલ, મદુરાઈ અને થેની જિલ્લામાં પણ ભારે વરસાદની આગાહી છે, જ્યાં યલો એલર્ટ જાહેર કરવામા આવ્યું છે. હવામાન વિભાગે એમ પણ જણાવ્યું હતું કે, 21 ફેબ્રુઆરીની સવારે ઉત્તર તમિલનાડુના કેટલાક વિસ્તારોમાં હળવું ધુમ્મસ કે ઝાકળ પડી શકે છે.દરમિયાન, ચેન્નાઈ અને આસપાસના વિસ્તારોમાં આંશિક વાદળછાયું વાતાવરણ રહેશે, પરંતુ વરસાદની અપેક્ષા નથી. જોકે, સવારે હળવી ધુમ્મસ કે ઝાકળ રહી શકે છે.</p> <p>&nbsp;</p>