PSI LRD ફિઝિકલ ટેસ્ટનું રિઝલ્ટ જાહેર: 1.10 લાખ પાસ, જુઓ તમારું નામ લિસ્ટમાં છે કે નહીં?

<p><span style="font-weight: 400;"><strong>Gujarat Police Recruitment 2026:</strong> ગુજરાત પોલીસ ભરતી બોર્ડ (GPRB) દ્વારા શારીરિક કસોટીનું લાંબા સમયથી રાહ જોવાતું પરિણામ સત્તાવાર રીતે જાહેર કરી દેવામાં આવ્યું છે. રાજ્યભરના 15 અલગ અલગ કેન્દ્રો પર 21 જાન્યુઆરી 2026થી શરૂ થયેલી આ ભરતી પ્રક્રિયામાં PSI અને લોકરક્ષક કેડર માટે લાખો યુવાનોએ પોતાનું નસીબ અજમાવ્યું હતું. આ જાહેરાત ક્રમાંક GPRB/202526/1 હેઠળની પ્રક્રિયામાં સફળ થયેલા 1,10,665 ઉમેદવારો હવે આગામી લેખિત પરીક્ષાની તૈયારીમાં જોડાશે, જે સંભવિતપણે 19 એપ્રિલ 2026ના રોજ યોજાનાર છે.</span></p> <p><strong>પરિણામના આંકડા અને જાતિગત વિગતો</strong></p> <p><span style="font-weight: 400;">પોલીસ ભરતી બોર્ડના સત્તાવાર ડેટા મુજબ, આ વર્ષે શારીરિક કસોટી માટે કુલ 3,93,558 ઉમેદવારો મેદાનમાં ઉતર્યા હતા. આકરી કસોટી અને કઠિન પરિશ્રમ બાદ કુલ 1,10,665 ઉમેદવારો ઉત્તીર્ણ થયા છે. જેમાં પુરુષ ઉમેદવારોનો દબદબો જોવા મળ્યો છે, કુલ 74,591 પુરુષો સફળ રહ્યા છે, જ્યારે 36,074 મહિલા ઉમેદવારોએ પણ આ ભરતીમાં પોતાની મજબૂત હાજરી નોંધાવી છે. આ પરિણામો હવે બોર્ડની વેબસાઇટ પર ઉપલબ્ધ છે, જ્યાં ઉમેદવારો કેટેગરી મુજબ (પુરુષ, મહિલા અને માજી સૈનિક) પોતાની યાદી ચકાસી શકે છે.</span></p> <p><strong>શારીરિક કસોટીમાં ઉતીર્ણ થયેલ <span style="color: #e03e2d;">પુરૂષ ઉમેદવારોની</span> વિગત જોવા માટે <a href="https://gprb.gujarat.gov.in/writereaddata/portal/images/pdf/PSI_PETPST_Result_Male_website.pdf">અહીં કલીક કરો......&nbsp;</a><br />શારીરિક કસોટીમાં ઉતીર્ણ થયેલ <span style="color: #e03e2d;">મહિલા ઉમેદવારોની</span> વિગત જોવા માટે <a href="https://gprb.gujarat.gov.in/writereaddata/portal/images/pdf/PSI_PETPST_Result_Female_website.pdf">અહીં કલીક કરો......&nbsp;</a><br />શારીરિક કસોટીમાં ઉતીર્ણ થયેલ <span style="color: #e03e2d;">માજી સૈનિક ઉમેદવારોની</span> વિગત જોવા માટે <a href="https://gprb.gujarat.gov.in/writereaddata/portal/images/pdf/PSI_PETPST_Result_Exserviceman_website.pdf">અહીં કલીક કરો......</a></strong></p> <p><strong>ટેકનોલોજી દ્વારા પારદર્શક ચકાસણી</strong></p> <p><span style="font-weight: 400;">આ વખતની ભરતી પ્રક્રિયામાં પારદર્શકતા લાવવા માટે આધુનિક ટેકનોલોજીનો વ્યાપક ઉપયોગ કરવામાં આવ્યો હતો. 12 ફેબ્રુઆરી 2026 સુધી મળેલી તમામ રજૂઆતો અને અરજીઓને ધ્યાને રાખીને, બોર્ડ દ્વારા RFID (Radio Frequency Identification) લેપ ડેટા અને CCTV કેમેરાના ફૂટેજનું ઝીણવટભર્યું નિરીક્ષણ કરવામાં આવ્યું છે. ઉમેદવારોની ઊંચાઈ અને અન્ય શારીરિક માપદંડોને પણ ફોટોગ્રાફ્સ સાથે સરખાવીને ડેટા વેરિફિકેશન પૂર્ણ કરવામાં આવ્યું છે, જેથી કોઈપણ ક્ષતિ રહી ન જાય.</span></p> <p><strong>લેખિત પરીક્ષાની સંભવિત તારીખ અને પદ્ધતિ</strong></p> <p><span style="font-weight: 400;">શારીરિક કસોટીમાં પાસ થયેલા ઉમેદવારો માટે હવે સૌથી મોટો પડકાર લેખિત પરીક્ષા છે. ભરતી બોર્ડના જણાવ્યા અનુસાર, 19 એપ્રિલ 2026 (રવિવાર) ના રોજ લેખિત પરીક્ષા યોજવાની પ્રબળ સંભાવના છે. આ દિવસે પેપર 1 અને પેપર 2 એમ બંને પરીક્ષાઓ લેવામાં આવશે. દરેક પેપર માટે 3 કલાકનો સમય ફાળવવામાં આવશે. એટલે કે ઉમેદવારોએ સતત 6 કલાકની માનસિક કસોટી માટે તૈયાર રહેવું પડશે. સ્પર્ધાના સ્તરને જોતા આ વખતે મેરિટ ઊંચું જવાની શક્યતા છે.</span></p> <p><strong>વાંધા અરજી માટે મહત્વની સૂચના</strong></p> <p><span style="font-weight: 400;">જો કોઈ ઉમેદવારને પોતાના પરિણામ અથવા શારીરિક માપદંડના ડેટા સામે કોઈ વાંધો હોય, તો તેઓ 02 માર્ચ 2026ના રોજ સાંજે 17:30 કલાક સુધીમાં પોતાની રજૂઆત કરી શકે છે. વાંધા અરજી માટે ઉમેદવારે કોલલેટરની નકલ અને જરૂરી પુરાવાઓ સાથે ગુજરાત પોલીસ ભરતી બોર્ડની કચેરી, સેક્ટર 9, ગાંધીનગર ખાતે રૂબરૂ અથવા રજિસ્ટર્ડ પોસ્ટ/સ્પીડ પોસ્ટથી અરજી મોકલવાની રહેશે. નિયત સમયમર્યાદા બાદ મળેલી કોઈ પણ અરજી ગ્રાહ્ય રાખવામાં આવશે નહીં.</span></p> <p><span style="font-weight: 400;">બોર્ડે સ્પષ્ટતા કરી છે કે જો કોઈ ઉમેદવાર ભૂલથી લાયક ઠર્યા હશે અને પાછળથી તે ગેરલાયક જણાશે, તો કોઈપણ તબક્કે તેમની ઉમેદવારી રદ કરવામાં આવશે. તમામ ઉમેદવારોએ આ પ્રક્રિયામાં સુપ્રીમ કોર્ટ અને હાઈકોર્ટના ચુકાદાઓને પણ અનુસરવાનું રહેશે.</span></p>