GPSSB ભરતી 2026: ક્લાર્ક અને હેલ્થ વર્કરની 2500થી વધુ જગ્યાઓ જાહેર, જાણો અરજીની રીત

<p><strong>GPSSB Recruitment 2026:</strong> જો તમે સરકારી નોકરીની આતુરતાથી રાહ જોઈ રહ્યા છો અને સ્પર્ધાત્મક પરીક્ષાઓની તૈયારી કરી રહ્યા છો, તો તમારા માટે એક બહુ જ સારા સમાચાર છે. ગુજરાત પંચાયત સેવા પસંદગી મંડળ (GPSSB) દ્વારા પંચાયત સેવા વર્ગ-3 હેઠળ આરોગ્ય અને વહીવટી વિભાગમાં 2500 કરતા પણ વધુ જગ્યાઓ માટે બમ્પર ભરતીની જાહેરાત કરવામાં આવી છે. લાંબા સમયથી સરકારી નોકરીનું સપનું જોતા રાજ્યના લાખો યુવાનો માટે આ એક સુવર્ણ તક છે. આ ભરતી પ્રક્રિયા હેઠળ મંડળ દ્વારા અલગ-અલગ 4 કેડર માટે ઓનલાઈન અરજીઓ મંગાવવામાં આવી છે. તો ચાલો તમને જણાવીએ કે કઈ પોસ્ટ માટે કેટલી જગ્યાઓ છે, તેની પાછળનું મુખ્ય કારણ શું છે અને તમે કઈ રીતે અરજી કરી શકો છો.</p> <p><strong>કઈ પોસ્ટ માટે કેટલી જગ્યાઓ ભરાશે?</strong></p> <p>આ ભરતી પ્રક્રિયા અંતર્ગત મુખ્યત્વે 4 અલગ-અલગ સંવર્ગો (કેડર) માં નિમણૂક કરવામાં આવશે. જેની વિગતો આ મુજબ છે:</p> <p>ફિમેલ હેલ્થ વર્કર: 1948 જગ્યાઓ</p> <p>મલ્ટી-પર્પઝ હેલ્થ વર્કર (પુરુષ): 420 જગ્યાઓ</p> <p>જુનિયર ક્લાર્ક-કમ-એકાઉન્ટ ક્લાર્ક: 164 જગ્યાઓ</p> <p>લેબોરેટરી ટેકનિશિયન: 61 જગ્યાઓ</p> <p>આ ભરતીની ખાસ વાત એ છે કે, સામાજિક ન્યાયના સિદ્ધાંતને ધ્યાનમાં રાખીને દિવ્યાંગ ઉમેદવારોને પણ સમાન તક મળી રહે તે માટે તેમના માટે અનામત બેઠકોની વિશેષ જોગવાઈ કરવામાં આવી છે.</p> <p><iframe title="Gujarat Local Body Election Results 2026 | Sthanik Swaraj Election | Gujarat Politics | ABP Asmita" src="https://www.youtube.com/embed/dLKYujgl3Dw" width="1335" height="751" frameborder="0" allowfullscreen="allowfullscreen"></iframe></p> <p><strong>આ ભરતી કેમ એટલી મહત્વની છે?</strong></p> <p>તમને જણાવી દઈએ કે, વર્ષ 2025ના સત્તાવાર આંકડાઓ પ્રમાણે, ગુજરાતના આરોગ્ય વિભાગમાં સ્ટાફની ઘણી મોટી અછત જોવા મળી રહી છે. હાલમાં રાજ્યમાં ડૉક્ટરોની 23% અને નર્સોની 6% જેટલી જગ્યાઓ ખાલી પડી છે. ખાસ કરીને ગામડાઓમાં પેરા-મેડિકલ સ્ટાફ પૂરતો ન હોવાથી આરોગ્ય સેવાઓ પર તેની માઠી અસર પડે છે. ગ્રામ્ય વિસ્તારોમાં આરોગ્ય સેવાઓ ખોરવાય નહીં અને દર્દીઓને ઝડપી સારવાર મળી રહે તે હેતુથી આ બમ્પર ભરતી હાથ ધરવામાં આવી છે.</p> <p><strong>આ પણ વાંચોઃ&nbsp;<a href="https://gujarati.abplive.com/news/business/8th-pay-commission-ta-and-child-education-allowance-hike-latest-update-978478">સરકારી કર્મચારીઓ માટે મોટા સમાચાર! 8મું પગાર પંચ આ ભથ્થામાં કરી શકે છે વધારો</a></strong></p> <p><strong>કેવી રીતે કરશો અરજી?</strong></p> <p>જે ઉમેદવારો આ પોસ્ટ માટે લાયકાત ધરાવે છે, તેમણે GPSSB ની સત્તાવાર વેબસાઇટ પર જઈને નક્કી કરેલી સમયમર્યાદામાં ઓનલાઇન અરજી કરવાની રહેશે. ઉમેદવારોની સુવિધા માટે પરીક્ષાની ફી ભરવા માટે પણ SBI E-Pay મારફતે ઓનલાઇન સિસ્ટમ ઊભી કરવામાં આવી છે. મંડળે ખાસ ખાતરી આપી છે કે, ચૂંટણી પંચની માર્ગદર્શિકાનું કડક પાલન કરીને આ આખી ભરતી પ્રક્રિયા એકદમ પારદર્શક અને ન્યાયી રીતે પૂરી કરવામાં આવશે. આ નવી નિમણૂકો થવાથી રાજ્યના એવા તમામ જિલ્લાઓ, જ્યાં 25% થી વધુ સ્ટાફની અછત છે, ત્યાં આરોગ્ય અને વહીવટી માળખું ખૂબ જ મજબૂત બનશે તેવી પૂરેપૂરી આશા છે.</p>